後來，改到我地畫橫切面圖，miss方好用心咁講解，初初1比200米既圖好easy，我好快就做完，當我係度神氣既時候，miss方叫我地做一個1比20000既圖，原來個d等高線好密，搞到我好幾次都做唔到，之後，經過miss方一番解釋之後，我終於明白了，亦都做到出黎。

但我好擔心，因為畫一個圖都10分鐘啦！考一節就30分鐘，點算啊？我唔想做唔曬份卷啊，雖然我無試過做唔切份geog卷，仲有我有兩次past，分數都叫高個種，但今次ME真係無咩信心，特別今年係2B讀，因為2B好多位人好中意拖慢D進度，好心佢地唔聽書未唔聽書囉！咪煩住聽書既人啦！妖~

佢黎到禮堂既時候，一開始，問我地三個問題，好無奈囉~如果想做作家既人就要發生每件事，都要做寫作題才，我同霍俊儀都係作文天才，而霍俊儀仲想去投稿，都唔見我地會見到咩都寫咩，雖然作野個時都會依自己日常生活黎寫，但唔係事事都寫嘛。

我覺得君比今日係黎宣傳佢既書囉！好無聊~講返佢第一本作既書到宜家，想人地即刻落去買咩，佢有三本書，根本就係宜家既某三本書，只不過改左名姐，咁佢又可以收多d錢啦！叛逆歲月根本寫到無野寫，其實去到第6集就應該停，因為第7集無聊到極，根本無野寫，求其寫瑩兒同一個未婚媽媽傾計，第8集更加作到「無黎頭」，又話瑩兒連馳驅同梅兒都唔見，我想講，其實係第7集先講完瑩兒好想見馳驅…

佢後來送左兩本叛逆歲月同幾張海報，但睇黎只係d中一同2A既人想要，我地唔太想要囉！

之後，第二個小息，我又睇下睇，睇到君比真人，原來只是一個中年女人…失望中。

Lunch time既時候，我又睇，見到一本張小嫻既作品，就買左佢，叫做「收到你的信已經太遲了」，睇下睇，睇左好耐，搞到個lunch time淨係作左篇文炸！

我真係幾crazy，買咁多書，肯定比媽媽鬧啦…佢肯定會話我無節制。

一邊企係學校門附近，係度睇本希臘神話，睇左接近半小時候，見到pyk同陳明俊返左黎學校，陳明俊著住條短褲返黎~嘔，之後，pyk捉住陳明俊住手係我前面行來行去，我好無奈囉~唔通佢以為我仲中意陳生咩，佢都叫名「2005-2006年度路德會呂祥光中學F.1B陳明俊班草同學」，話明係上年既事啦！佢都有問題，之後，又見到陳明俊同pyk十指緊扣，駛唔駛咁啊！全級都知你地拍緊拖啦！

之後，佢地過去某一角坐下，我繼續企，先後有鄭瀚、一個中五的男仔（信社黎架，雖唔知佢叫咩名），仲有陳家儀，佢地都陪左我一靜間，陳家儀陪左我最耐，唔係我都唔知點過，陳家儀食緊粒紅豆味既白兔糖，聽佢講係泰國買返黎架…

最後，中文拔尖，我最早到，拔尖途中，同周永恩傾小說，好快夠鐘，歸家了！

升到中一個年，睇分班個時，都會睇下中二級既分班，發現佢係度，讀左2b，後來去IT籌款個日，我地坐埋同一地方…

傾返以前既野…好開心

就係咁，我黎到中二，無咩再理佢…可能識得太多人，唔太需要佢既關系，直至尋日，先發現原來佢12月6號生日，當然我個日唔知啦！有小小驚訝，真架！