| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2006 年 12 月 5 日 星期二  |
|
江sir發怒~簿兒最受害  |
|
今日，我地要早會，雖然個個都換曬冬季，但就無邊個著左校褸，有幾個高Form既人著左舊個件，而老虎仔可能就係全校唯一一個著左新校褸既人。
原來今日係羅sir負責講野，佢首先令左個黑色既羽毛球出黎，之後又令好多野出黎，包括：迷你版羽毛球、極度迷你版羽毛球、迷你那毛球拍、一D羽毛球章啦！仲有好多野，佢原來要講興趣呢樣野，雖然我都唔太明佢講緊咩…
今日上到班房既時候，江sir已經黎左，我都發現我令左中一既中史書，就即刻去令返本中二既，期間，因為好多人去令書，這致好噪，江sir大力拍枱一下，將我地既作業，做圍拋落地下，又話：
呢間學校廢架，呢D學生上堂唔識得安靜架！呢間學校既男仔變態架！快D退學啦！係呢間學校讀會越讀越壞架！（雖然我都覺）
佢係度鬧，鬧啊鬧，鬧左半堂，之後派返之前比佢拋左落地下既作業，我個本跌到摺埋左一半，死傷慘重，其實好多本都係咁，唉~為D作業默哀一秒鐘！
|
|
刊登時間︰2006-12-05 04:30 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 4 日 星期一 |
|
Library…一日最少去三次  |
|
今日好似有一種文人既感覺啊，第一個小息，為左陪阿lam，搞好中一至中三，陽光訂飯既野，而去左圖書館，之後睇下有咩書啦！唔知點解好多本君比既書都唔睇得，好在我好多本都睇過，好似有一種自傲感添…
之後lunch time既時候，我落左去食左個咖哩角同一樽維他奶，唔知點解，個咖哩角好好食，記得上次食，我仲鬧點解咁難食既…食完之後，見到李慧慧同吳美美，我同李慧慧、吳美美、老虎仔去左library，我地明知吳美美最憎去圖書館，因此我地去，為左想撇左佢，老虎仔行前梯，之後我地三個行後梯，後尾，見到鄭瀚，吳美美搞住鄭瀚唔放，
我講左一句：好心你有D儀態好唔好，咪搞人地啦！
鄭瀚話好難得見我講D咁好既話，我問佢唔記得同佢係msn講既野咩，佢話記得（其實得我同佢先知咩事）
上到圖書館，我做功課啦！後尾，我問鄭瀚，點先可以撇左吳美美，佢話坐得佢遠D，我就同老虎仔坐左鄭瀚隔離，又周不時同鄭瀚傾計，原來miss胡仲恐怖過miss chao，最後，李慧慧撇左吳美美，好正啊！
放學之後，又去左還書，借左四本書，又換多張書卷，但我好失敗，遲左一步，唔係就可以借到一本好正既小說…太失敗了，不過，無所謂既，阿葵有嘛！而且宜家有書卷嘛！未去買囉！
今日去左library三次啦！好似好開心啊！成個人好似有個新生啊！以後我都會咁，lunch time去library做功課，這是最好的選擇！
|
|
刊登時間︰2006-12-04 05:17 PM [ 訪客留言(5) ] [ 編輯日誌 ] [ 分享至FACEBOOK ] |
| 2006 年 12 月 4 日 星期一 |
|
無左男班既壞處…有好多  |
|
今日男班去左學界，唔知佢會點呢，唔知佢會唔會發揮到陸運個日既水準，成為男丙最佳成績既人呢？但係佢就開心啦，咩都唔駛做，而我地2b就可憐啦！
首先，無人開門，女班成日記住男班有返，搞到以為男班會去開門，其實就緊係無啦，因為男班在遠遠的他方，而我地就白等一餐，好在唔係跑完炸，第二，男班無返，連班房入面既紀律都會有問題，就係我地今日玩到好恐怖，而男班無係度阻止，連我個袋都比人玩啊！就好似我個班既其中一個犧牲品，已經散曬架啦！佢就係我地既粉刷，想講一句，我個班已經唔知爛左幾多個啦！最少三個啦！
男班啊！男班，你一個人自己去快活，就唔知我地無左你幾慘，話就話有個女班姐，但我地已經適應左你啦！可能你雖然咩都唔識，但咩都會努力用心去做掛，唔似得上年個黃文靜，又無禮貌，對人又唔好！
而上次女班去左田徑比賽，我地比於無左男班好少少啦！但係就無人開燈，無人開風扇，咩都無人開，最恐怖係冷氣都無人開，呢兩個証明：無左男班同女班，就可以証明我地已經好依賴班長，無左佢地係唔得架！
上年我唔會尊重男班，因為好多野都係女班（阿lam）做，而今年就唔同啦！我會好尊重我個男班，佢雖然連開隻CD-rom都會搞好耐，但佢會做嘛，仲有每次派簿，佢都會令差唔多一半，就算無人叫佢都會…因此佢真係幫到我唔少，而每次簿完數學簿既時候，我好多數都會做得好差…但佢每次都會借佢本簿比我睇下正確既方法係點做，而佢就算考到全班11，呢個幾好既成績，都唔會驕傲，唔似得阿爸（李熙偉），講真，佢真係好有做男班既資格同男班既風帆，不朽我平時叫佢「男班」…
|
|
刊登時間︰2006-12-04 05:07 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 4 日 星期一 |
|
music@EPA~兩者無關系架！ |
|
上中文堂既時候，miss chao問我地，參唔參加音樂日既班際，因為中一至中三既裡面，只係得2b同2d無參加，但其實宜家已經唔比報名架啦！但miss chao念住2b班以前有好多1b同1c既人，至於點解會念住1b同1c既人呢？其實有段故既。
我地上年music day既時候，中一有四班，能夠入到決賽上到台既班，只係得1b同1c，特別係1b啦！入決賽之前練左三次，入決賽之後係三次都無，而1c就係music科老師做班主任，所以都會幾好既…因此今年希望我地參加，之後miss tsang（班主任）都要我地參加，我地有小小唔想，最後，我地參加左啦！
上music lesson既時候，我地都話唔參加，之後miss chao鬧我地，我地要練歌啦！因為下堂考試，我同霍一組，大家都念住唱「朋友」，因為最容易係「朋友」，其餘兩首可以唱既歌係「更新」同「My Boxxxx」，唔太記得個名，總之有咩事，下堂先算啦！
最後一堂，係EPA啦！大曾sir教，總好過上年既2B，上年2b係MISS TSANG教，原來經公科都要講英文架，XD''恐怖！而大曾話13號要測驗，而範圍好少，考ME，都係去到3.1或3.2，好在…
|
|
刊登時間︰2006-12-04 04:47 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 4 日 星期一 |
|
數學堂…你有你，我有我—做數… |
|
今日要上maths啊，我地個個都唔太想聽miss危講書，可能係星期一掛，大家都仲未訓醒，而我地最勁，又成半班無做齊數，我都有份（我係因為唔識，而好多人唔係呢個原因），好多人都話唔識做，miss危問我地會唔會全部唔識做，無人話會，所以一題都無做既人要記bad name，但係我都唔係好過份姐，做1-24既單數，我做到17題啊（之後既，真係唔識）。
之後miss危問我地，想我地做完先對，定對左先，成班一齊話做完先對，我地做下做，就係咁做左兩堂，好正啊！其實係學校，我只不過問阿lam黎抄最重要既式，其餘既我緊係識啦！所以係學校做，我會識做囉！
而做既同時，個個都係度傾計，激到miss危死，佢都只不過鬧左我地兩句，難怪佢成日病啦，可憐！
|
|
刊登時間︰2006-12-04 04:36 PM [ 訪客留言(0) ] [ 編輯日誌 ] [ 分享至FACEBOOK ] |
« | 29 | 30 | 31 | 32 | 33 | 34 | 35 | 36 | 37 | 38 | ... | 92 | »
|
