| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 12 月 8 日 星期五  |
|
家政…my dream house  |
|
今日上家政堂，可以講係理論個部份囉！初初會以為好悶，原來唔係架，miss poon叫我地首先念下未來既dream house想係咩樣，我想係有三層，仲要有個花園，之後miss poon叫我地設計，雖然只係設計一層樓，但都設計得唔錯！
首先，門口個位置兩篇每別一個薄薄的水池，養魚的，入到去，正中間放張圓形既玻璃枱，之後放個書欄，飯廳既某一個角落有張吧枱，因為我中意飲酒嘛！之後客廳有個好舒服既sofa，有張茶枱，仲有個TV櫃，主人房就當然係我訓啦，要一張四呎既床，我訓曬啊！加個櫃同梳妝枱啦，睡房做一間衣務間，書房要一張L形既書枱，同幾個大櫃，包括書櫃，最後我加左個花園，我要種滿蒲公英、玫瑰同茉莉，但正中間要一個圓形既噴水池，要巴黎式個種。
成間屋個廳係要一種金黃色既牆紙，地下用米色有小小花紋既磚，飯廳用吊燈，客廳用水晶燈，房全部用天藍色，同埋地下用雲石，成間屋就係咁啦！
大過只念住一個人住炸，呢個design都係設計比一個人住！
|
|
刊登時間︰2006-12-08 06:12 PM [ 訪客留言(9) ] [ 編輯日誌 ] [ 分享至FACEBOOK ] |
| 2006 年 12 月 8 日 星期五 |
|
地理補課~極度專心 |
|
放學後，我地要地理補課，好多人都想快d走，不過我超唔想，唔知係咪miss 方既關系，我越黎越中意地理，亦非常樂意做呢個地理科長，而今畢講緊我地應有咩責任，有七項，七項都好難，我好留心聽，但好多人就發緊夢，而講到一項叫「市民」，好多野都可以寫，例如少d用紙、循還再用一d物品，呢一類答案都只可以叫做減少廢物製造，考試咁答，只係得1分，而佢就教左我地好多野！淨係呢七項就寫左個一頁字（唔隔行）。
之後學睇地勢，有分兩種，一種叫著色，另一種叫等高線，等高線幾難，因為好密，真係好難睇，睇黎要買個放大鏡啦！而我好中意地理囉！同上年上地理會訓覺既我，簡直變左好多，變到太專心了，發現自己寫字好快，阿lam好多抄唔到，因為miss方一邊講，我地一邊抄，但我就一字不漏咁抄曬出黎，太勁了！
而地理室有一舊石好靚，外面只係一舊樣樣衰衰既石頭，但入面就…就係一d仲閃過同靚過鑽石既晶體…我好中意啊…
而我地今日都有講《明日之後》呢套戲，因為同「全球增溫」呢個課題有關，早知錄左去啦…今日就有野講啦…
|
|
刊登時間︰2006-12-08 05:59 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 7 日 星期四 |
|
第一次同男班做實驗~佢好… |
|
今日上IS個時，原來要做實驗，其實只係將一個插頭拆開，睇下入面d線，平時係屋企都會咁做，但今日就…
首先，男班出去令插頭同羅絲批，之後返黎放左係枱面，羅俊希令走左插頭，我令走左個羅絲批，兩個不停話‘你比我啦’，最後猜拳黎決定，我輸左，只好將個羅絲批佢啦！佢開到一部份，佢開唔比，拋左比我，叫我開，我用左好大力都開唔到，又比返佢，兩個開黎開去，都開唔到，最後，比左男班，男班一開就開到~仲唔駛用力，好輕鬆咁，枉我地兩個用左咁大力都開唔到，我話我係女仔，無力，但羅俊希望比我呢句野激到無聲出。
男班真係大力啊！懷疑佢有AA牌，太勁了，佢咁輕鬆就開到…
|
|
刊登時間︰2006-12-07 08:14 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 7 日 星期四 |
|
放學後…練歌~  |
|
放學之後，miss tsang叫我地練到四點半，本來係lunch time個時架嘛！搞到宜家要放學練歌…
放學之後，我地係度玩，好多人係度玩，有D人想走佬，阿仔念到個方法，將個書包係個窗度運出去，再話去TOILET，之後行前梯再上一層，再係後梯落遜黎，執返個書包走，我都想咁做，不過原來要點名，可惜~唔係我就一早走左。我地係度玩，miss tsang去令歌紙，我地就玩到傻，黃卓堯踢張枱踢到自己都就黎跌低，而阿爸就同姜澤平係度跑來跑去，我就做功課，搞到成四點都未練，個個都話要走，就係呢個時候，miss tsang回來了，大家靜了一會，佢係度唱！好難聽 之後，我地又唱中文又唱英文，即係Today同朋友都唱！原來好和囉！
最後，我地都練到四點四先走…
|
|
刊登時間︰2006-12-07 06:09 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 7 日 星期四 |
|
晨咁早早會~機械式演說 |
|
今朝係度早會，超想佢落雨，無奈~唔落雨，原來今日講野既人係楊光亮，佢一開始話會係300秒之內結束，之後令左個計時器好似MISS TSANG咁計好時間，開始講，其實300秒只不過係5分鐘，但就唔知點解好似過左好耐咁，而楊光亮一度講，就好似一個機械人，講野無大細聲、高音低音，其間，佢講左好多數字，話一分鐘有60秒，一個鐘有60分鐘，一日有24小時，佢就將60X60X24出黎既答案話，只要你數60X60X24個答案咁多下，你就已經過左一日，人生大約有80年，你地大約過左十年，只要將頭先個答案X70就係你一生，大約數25億下，就會過完你地一生，之後佢講完，真係剛剛好300秒！
之後，有幾個人宣傳宗教周，好好笑，笑到個個到差d企唔到！
|
|
刊登時間︰2006-12-07 10:48 AM [ 訪客留言(0) ] [ 編輯日誌 ] [ 分享至FACEBOOK ] |
« | 27 | 28 | 29 | 30 | 31 | 32 | 33 | 34 | 35 | 36 | ... | 92 | »
|
