| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2006 年 12 月 30 日 星期六  |
|
習慣了…沒有MsN的日子！  |
|
連續幾日都無得on MsN，雖然有些悶，但也…習慣了…我想我如果沒有必要事，未來未考完試既日子，我正常都唔會on！總之呢個考試對我黎講…好重要！
今日又係度睇Gundam Seed Destiny，tvb話今集有可能令人情緒不安，其實無咩可能，佢只不過有小小紅色既物體（血）姐嘛！有血既畫面都唔夠五分鐘…不過今集幾感動…但唔夠…史汀娜死個集感動…下集應該會比今集好睇（我個人認為係）…
今日開始溫英文了…因為聽日是大除夕，後日係元旦，大後日係考英文！但我仲未知考既範圍（玩死）
會係今日睇多次《逝盟》，因為大後日要還返比人，之後個日開始考試，真的要努力！今日還是看看小說，吃吃薯片，睡睡覺，溫溫書，畫畫畫，睇睇電視，同感感動下…因為「一公升眼淚」將於今晚十點正播於最終回，放心…我會好感動架啦！
亞也的一生，其實一點也不可悲，她可以入讀自己理想既學校，有諒解她的親人，又有一個喜歡她的男生（當然他是真心的），但…最後也要放棄，只因她有這個病，看見她那堅毅的眼神，就明白她要正常地行路、說話、吃食物…是多麼難的事，為何這些健壯的我們，終不懂珍惜以及善用時間，而若果有一天，你是一個只剩下一個月命的人，相信你也不會再沉迷上電腦，應該也會做些有意義的事…人的一生，只有短短數十年，好運的…還有數十年命，不好運的…可能今天或明天已經要從這個世界上消失…所以，我們應努力做自己喜歡的事！不應再因種種原因，起沒了我們的思想以及我們想做的事！
|
|
刊登時間︰2006-12-30 01:02 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 12 月 29 日 星期五 |
|
陪伴著我的…只有Fields of Hopes這首歌和書~  |
|
今日如常，上唔到好多網，on唔到MsN，如常係咁悶！屋企又係得我一個！溫書…暫時溫緊科學啦！之後會溫英文同EPA，陪住我既…當然唔會係一個人啦！只係一首歌—Fields of Hopes，呢首歌雖然是好多人都無，但事實上，佢有係翡翠台度播過，可能只係你地無留意過！
至於書，屋企既小說只有幾本…好在問葵借左兩本，先無咁悶！如果叫我畫畫…咁多日都無見過d同學同fd，邊有靈感啊！如果叫我畫男仔都仲可以既…但女仔就…睇黎無咩可能畫到！
做讀書報告？我都做左幾多架！但我驚有一日，我再做唔到，因為屋企既書已經所剩無幾！但…我會努力做讀書報告！而我也終於明白點解我會借學校library入面個本《三月裡的幸福餅》成十幾次啦！我終於發現張小嫻既書會令我睇完一次又想再睇多一次…
好想聽日，因為聽日會超正！因為《一公升眼淚》最終回，我好想睇啊！雖然我都知亞也會死，但我都想知結局係點，麻生同亞也會點？仲有…亞也係點解死…
|
|
刊登時間︰2006-12-29 03:24 PM [ 訪客留言(1) ] [ 編輯日誌 ] [ 分享至FACEBOOK ] |
| 2006 年 12 月 29 日 星期五 |
|
尋晚今朝…無咩特別 |
|
尋晚覺得好耐無飲過酒，未飲左樽啤酒囉！點知仲係好洗醒，難怪…我酒量唔淺嘛！不過上次飲完半樽紅酒之後，都會有小小神智不清既！但我仍然知道自己做緊d咩囉！但…前個排真係幾唔開心既…
算！仲有三日，就返學啦！第一日考英文！要好好準備！努力啊！
今日除左部電腦有好多網上唔到之外，連個電視都有問題，睇睇下…個電視竟然變左個藍色畫面…激死！快d放完假就好啦！仲有快d考完試仲好！
今日又睇小說同溫書，好似無咩野做咁…不過算啦…都就黎返學囉…
|
|
刊登時間︰2006-12-29 01:27 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 28 日 星期四 |
|
沒有上網…只好沉醉在小說中 |
|
近日無得上網，因為線路好有問題，線路好有問題…只因台灣地震…
睇小說，只因上唔到好多網，今日睇緊一本叫《活在過去 愛在過去》，書中講緊五角戀…好厲害！個女主角被三個男主角中意，但結局唔太好睇，如果有續集就好了…想起一件事，屋企有本小說是有續集的，真的要找葵來問問，看她有無呢本小說！
故事入面通常都會有些講述女主角傾慕男生的情況！有個女主角叫阿蜜，原來她每一段戀情也不會超過三個月…而我也許應該可以說是沒有她那麼花心吧…因為我唔會中意一個人超過四個月…好像現在，我已經不中意佢了，中意的人…也許可以說是沒有，但…考完試之後，又會回復正常的學校生活…不知…又會中意上其他人吧？
而…誰說小過自己數年的男生不會喜歡？小說中的女主角可梨，卻愛了一個中學生，你要知道啊，她已經讀完大學了！而現在學校裡，無一個男生會小我超過兩年，但小過我一年，就有好多啦！但我始終相信我無可能中意一個細過我既男生囉！
至於大過我既…當然會中意啦…識得既…當然多啦！至於唔好計我個d bad taste之外，咁即係話有人話過佢靚仔既話，都有幾個既…但…要認識佢多d，就要睇下考完試我得唔得閒啦！以後放學就忙了，逢星期三要去學生團契，day5要去公益遊藝社《-----但如果個日忙，我當然會唔去啦！畢竟去公益遊藝社都係為左玩姐…
仲有星期四要去當值《-------當然，我唔去當值都無人知，其實正常我都唔會去當值！係啦！係library借左d書，宜家係locker，希望1月2要記得令啦！唔係慘啦！等考完試之後再去還書既話，我就會唔知比人罰幾耐，我唔想啊！我計過啦！如果放學後開始計，一日只可以還9日…要兩日先可以還曬成個考試未還既書，但係我仲要四本…咁未要八日囉…或者7日都ok既…
唉~我慘了…
|
|
刊登時間︰2006-12-28 07:28 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 28 日 星期四 |
|
仲係on唔到…算…今日都28號啦！  |
|
今日又試過…又on唔到，收到料話未來一個禮拜都有可能on唔到！我想講，一個禮拜後我都要考試啦！仲on咩…最重要係呢幾日，每日都悶到嘔，好在我買左五本小說姐，如果買兩本既話，我未要一日睇幾次本小說先可以無咁悶…
宜家最慘係部機除左播歌同打日記，做Eng-Pal，上論壇之外，其他野好似廢咁…氣死了，但我係度念…早知唔好刪左個ICQ，唔係今日就應該無咁悶…悶到死啊！咩都開唔到，個個網唔係「找不到伺服器」就「無法顯視網頁」，唉~都係溫下書好D啦！
唔知點解ICQ down唔到，Web MsN同MsN都on唔到 ，想殺人，上次地震係澳門以南，有人感覺到（但我感覺唔到），而今次台灣地震，又係有人係安定感受到…但我又感受唔到，上次地震個時（唔記得今年9月定10月）…好好彩，有個人陪我傾msn…又同我講左好多野，個晚算難忘掛 …當時佢仲話，地震唔會影響到上網，點知今次真係上唔到好多網…當時我好想講一句「如果將來香港大地震既話，唔駛等十年，都會同你講個句」，但睇黎宜家都無咩機會，就算香港大地震個時，就算個時見到到，我都唔會講個句，十年後？我就當然唔知會唔會講個句啦！話唔定十年後，我同你都唔記得左個日我地講既野…
算啦…今日都係睇小說同溫書消磨時間啦！頭先有個麻煩人打電話黎 好心佢收聲啦！ 我已經煩夠啦
|
|
刊登時間︰2006-12-28 11:27 AM [ 訪客留言(0) ] [ 編輯日誌 ] [ 分享至FACEBOOK ] |
« | 19 | 20 | 21 | 22 | 23 | 24 | 25 | 26 | 27 | 28 | ... | 92 | »
|
