之後，考Oral個層樓，即係二樓，勁亂啊！超多人係度，又唔知點解…（明明我地有四個房分開黎考，唔知咩事四個老師都入曬202），好驚訝，個個都問幾時先考，終於…有個安排，大家留係waiting room，等啊等，等左好耐，佢終於話：2A-2D 4號同24號出黎，佢講個時都十一點四，原來我等左成個鐘~

坐係202門口…隔離個個係陳明俊…但係都無咩feel，有時我望到佢既時候，佢係度傻笑…而我…當然個腦一片空白啦（因為我一直以為佢好勁！）之後，miss tsang叫我地兩個入去，望住周永恩…唔知點解好驚，之後又望到陳明俊…佢係度笑（當然，佢以為自己好迷人，其實我個心嘔緊）算…專心寫好我既野，之後偷睇佢寫左幾多野，下…唔係嘛！佢好輕鬆，唔至在咁寫左一句咁大把！我更加驚（當時仲以為佢好勁！）

到我地過去miss Tsang度講野，miss tsang用佢個種殺死人既笑容迎接我地，我緊係驚啦！但陳明俊就用佢個種佢認為迷人既笑容對住miss tsang…我地坐度，miss tsang整理資料中…就係咁，陳明俊坐左我對面，佢開始奸笑（即係初初嘴角向上，之後微笑，之後再變左個露齒笑）好恐怖…我快要嘔死了！我搵張紙遮住著眼，費事望到佢，miss tsang問我地咩事…

miss tsang講：you can start…
*******************沉靜左10秒左右****************
陳明俊講：shall we start？
*******************我沉默左5秒左右******************
我講okay！
******************雙方沉默了5秒左右，miss tsang開始唔耐煩******************
我同佢開始講野，當然係佢講先，佢講大嶼山好d，我講迪士尼好d，兩人意見不同…
******************兩人對話的2min期間，蕭佩同yu wing在窗邊望，証明他們對他仍有意思*******************
我同佢講到咁上下…大家都講唔到咩野出黎，算…大家重返之前講過既野
****************個計時器響*************
我同佢即刻唔講野
*****************之後佢坐開，我講野，佢繼續奸笑*******************
我理得佢咁多，對住miss tsang講左1min，之後走…
******************臨到門口****************
佢仲係度傻笑加奸笑緊…而我當然嘔緊啦！

走左出去，即刻唔嘔了，上去三樓，見到白兔，白兔狂話我同陳明俊今日點解會係一pair，其實就係月老安排…之後，又講返好多以前既野，例如：「違規『俊』望」…可惜…如果今日係上年既話，我念我會幾happy既…可惜…可惜x9999999999次…

我之後令完書，去還書，等左超耐，之後落去二樓問問情況，看看老虎仔考左未…原來仲未考…算…返轉頭，見到miss poon，我同miss poon同時講「好有緣」呢三個字，因為原來我阿媽返間公司，入面有個同事，係miss poon個阿爸，哈！世事真係估唔到，之後我返到屋企…一點了，食飯（係生抽麻油撈飯）…好正啊！

集隊…比我估中左…真係要著校褸，不過既然今日唔捉…我先唔著校褸啊！之後上四樓…一度上一度驚…驚驚xd~上到四樓，搵自己個位，發現有個我唔識既人坐我前面wo~哦…原來周永恩電左負離子！之後望下隔離個個…唔識，如果隔離個個係3B既男仔，就會係鄭瀚…哈哈…係佢未好囉！可以用佢黎出貓…開考了…份卷有小小唔明，點解A part個15題無位做既…原來d老師漏左mc紙未派…真o…

我地做阿做，我只用了40min就完成了…還有40min…不停發夢~太可憐了…為何我次次做卷都要發好耐夢先收卷架！算…過埋個40min之後，我地就收卷啦！首先係2A同3A既女仔走先…之後miss chan鬧人，之後3C女仔走…之後3B同2B男仔走，之後2B同3B女仔走…之後不知了！

走了之後，立刻落二樓，準備考oral了…

今日係元旦，好應該許下願既，希望聽日考eng oral個時對個個人唔好係陳明俊（呢樣希望一定要中），另外新一年開始，希望今次考試成績好啦…仲有…希望自己可以聰明d啦…

聽日就要返學，希望知醒起身，因為今日都訓到十一點幾，如果聽日十一點幾先起身…就死啦！因為十一點幾，我要考個兩個試都已經考完啦…所以今晚要好早訓…

另外英文好難啊…生字同文化都好難…不過應該難唔到我既…因為我上次考英文係全班既top ten嘛！有信心就一定ok！

今年第一篇日記…好有紀念價值啊！

因為我隻野死左囉！又要錢啦！同老虎仔不停咁玩開口中，又有左成二百蚊…因為有一次，我兩個number度估一個都估唔中嘛！真好運！但今日唔知會唔會咁好運呢！

至於十四才之母呢套戲睇完了，雖然斷下斷下…都睇完了，反而結局幾感人，個男（即係個爸爸，十五歲，全校第一，竟然唔讀書，去做搬運工人），至於個女（個baby既阿媽，十四歲，讀公立學校，唔再讀私校，仲有照顧個baby），最感人係個男囉！佢唔係玩玩下，對個女仔係認真既…

另外「一公升眼淚」都睇完啦！反而唔太感動，亞也係無啦啦死左，唔夠感動…佢個死法可以叫「安息既…」，麻生就真係做左醫生，可惜醫唔到亞也，兩人明明相愛，卻要有一個死…實在太可惜！

今日要溫英文啊！因為後日要返學啦！

You tube都無事了，我開始又再追返十四才之母呢套野，唔知佢地會點呢？

雖然you tube睇戲仲係斷下斷下咁…但好過無得睇嘛…你話係咪先…

一時興起，幾中意呢幾句話：

曾經存在的愛情，就像秋葉，隨季節凋零，被風吹散不留痕

相信係I-see度我發表過個幾句，同呢句都有小小似既…我都算幾叻wo！haha…