| «‹ October 2026 ›» | | S | M | T | W | T | F | S | | | | | 1 | 2 | 3 | | 4 | 5 | 6 | 7 | 8 | 9 | 10 | | 11 | 12 | 13 | 14 | 15 | 16 | 17 | | 18 | 19 | 20 | 21 | 22 | 23 | 24 | | 25 | 26 | 27 | 28 | 29 | 30 | 31 |
|
2006 年 12 月 17 日 星期日  |
|
聽日個壁報要交啦！  |
|
今年聖誕節比上年無咁悶，因為今年我有份整聖誕壁報，而上年個聖誕壁報真可憐，做到一半比人腰軟，今日收到今年2b既壁報既相，太靚了，細既天使係我畫既，大既天使既翼都係我畫既，不過睇黎又好似簡單左，因為無左d聖誕吊飾，話時話，上年既聖誕吊飾真係幾多架，係門口仲要吊個鐘，搞到好似教堂架！仲搞到我地有時會整首「婚禮進行曲」出黎聽…
D相唔係我影，係周永恩或者江柳葵是但一個影既！其實個個天使眼耳口鼻，以及表情，不過影左出黎唔覺姐…
|
|
刊登時間︰2006-12-17 03:50 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 15 日 星期五 |
|
同遊客訪問~傷害自身…好想嘔啊… |
|
今日宗教日放遲左，我地去食飯啦！換左對鞋，好舒服，買埋枝汽水，之後返學校，等左一靜間，搭車去尖沙咀，去到尖沙咀，去太空館，睇下有無遊客先，當我入到賣紀念品個時，見到一樣野，係一對架，不過宜家已經係非賣品，早係兩年前，佢只不過好平，我同個男仔係一人一個架！仲可以碰埋一齊架！可惜我宜家已經唔見左啦！係太空館見到個金髮女士，佢肯答我地，不過個
保安唔比我地問個金髮女士！
之後，我地行左去星光大道，行曬成條星光大道都搵唔到一個人答我地，因為佢地都答左第二組或者唔得閒，不停食白果，之後見到一個阿婆，佢好nice，就問佢啦！佢答我地，又祝我地聖誕節快樂，之後問左五個人啦！有一個係BL架！我初初唔知佢食緊雪茄，只見佢著住十六世紀既黑衫黑褲，好怪，但唔夠資料，未問佢囉！但一度問佢，我一度驚，同時聞到雪茄既味~真係好難聞，佢仲行埋黎，雪茄好傷身架！搞到我一離開佢就想嘔…之後問左好多人，都唔知佢地講咩，有個澳洲女人，個樣幾似鐵達尼號既rose咁樣架！不過佢老公就幾樣衰啦！佢仲令左張金卡比我地睇，佢叫咩名。
之後問左好多人啦！加上我既隨機應變，而我既組員都唔太敢同外國人講野，只有我敢，但都算有資料啦！見到個外國靚仔，未問下佢資料囉！（其實我貪佢靚仔炸），佢同我講有人問過佢，我同佢講sorry，佢話never mind，我同佢講merry christmas，佢又講返merry christmas，之後我地兩個都係度笑，之後講左小小野，之後就bye！
搭車個時候，經過婚姻註冊處，見到好多好靚既新娘，婚紗就更加靚，差唔多個個都係俊男美女，唔知點解今日特別多人結婚，其中，同左d人傾計，佢地個個都好幸福咁笑…上到車，個個都係度講個個BL，大家原來都唔敢問佢地，何偉文話陳嘉儀原來比人電，我叫張文瀚好好睇住陳嘉儀，佢拉開話題，佢話有曬gundam seed同gundam seed destiny既歌係部電話度，我問佢有無gundam seed destiny既phase51被選擇的未來個首歌，佢話無！我話我先係有曬gundam seed同gundam seed destiny既歌係部電腦度啊！
返到學校，一念起個個基佬支雪茄，仍然想嘔…
順帶一提，臨搭車個時，我見到pyk又再色誘陳明俊，佢又攬住陳明俊條頸，又攬住陳明俊成個人，仲摸佢塊面，仲有佢個嘴接近陳明俊個嘴，陳明俊好在剛剛同人傾計炸，唔係既話，陳明俊既初吻就會委左係pyk既口上…
|
|
刊登時間︰2006-12-15 06:12 PM [ 訪客留言(15) ] [ 編輯日誌 ] [ 分享至FACEBOOK ] |
| 2006 年 12 月 15 日 星期五 |
|
宗教日！椅下打交  |
|
今日宗教日，好後悔唔信鄭瀚尋晚講既野，原來真係八點半先當遲到，好無奈，見到周永恩同我差唔多時候返黎，之後又去陪鄭瀚寫中四級既黑板，等左好耐，先八點半，先上禮堂，上到禮堂，點知個梁kai坐我前面，陳明俊坐梁kai隔離，兩個死高佬，搞到我好多野都睇唔到，我後面再加一個中溫雞，煩到就黎死！一開始大家都係度笑，笑笑下大家都差唔多訓著覺…
到左有個叫ACM既機構，係度唱歌，我都估到佢會唱咩流行歌囉！第一個唱衛蘭既離家出走，唱得麻麻，有小小音唔夠激，第二個唱紅綠燈，幾好聽，把聲都幾似，唱得最差就係個個男仔，佢唱錯歌詞，又唱得唔太好聽，但都幾好聽既…
記得有一個派糖既場面，D中一舉曬手，幾失禮，但我地都係咁，個男仔派d糖落黎，中溫雞不停咁係地下令d糖上黎，就係咁佢令左5粒啦！無奈~之後，睇戲個時，個女人把聲好嘔心，只要個女人講埋d關於愛…既野，大家都會嘩一聲，個女人話，我比你枝箭射到啊！我地個個係度話想嘔，最好笑既場面係個女人不停撫摸個男人心口，祝富榮扮個女人，胡家麟扮個男人，笑到我地死…
其實睇戲個時，我地個個都坐左第二個位，胡家麟坐我後面，肥賢坐我前面，兩個夾住我，超辛苦，胡家麟仲伸隻腳出黎，踢到我，我隻腳頂住佢隻腳，佢隻腳又不停踢我，我地係椅下面不停踢來踢去，上身係睇緊戲，下身打緊交…
|
|
刊登時間︰2006-12-15 05:37 PM [ 訪客留言(3) ] [ 編輯日誌 ] [ 分享至FACEBOOK ] |
| 2006 年 12 月 14 日 星期四 |
|
初賽啦~今日係2006年12月14日 |
|
放學之後，我地成班留曬係班房，等待比賽既來臨，我地玩左一靜間，之後開始練，練練下，miss tsang令住部可以錄聲同畫面既機入左黎，錄我地練歌既情況，而我地既情況係：女仔唱得幾正，而男仔就亂到唔係野咁！我地搞下搞下，2a落去啦！個d無聊既2a同學，係度又拍窗又噪~煩死啦~
無幾耐，我地都落左去一樓，準備啦！我地好耐都未開始唱！連2c落埋黎都未開始，因為我個班隻碟仲有人聲，而搞黎搞去，都搞唔走d人聲，其實我識搞架！不過費事入去搞啦！而最後都係有人聲咁比賽啦！我地入得慢左，而唱到一d位置又係度傻笑，之後陳嘉儀同連燕芳唱得又唔好聽，仲唱錯音，好心佢地就聽下自己唱成點先話唱啦！
我都話左我地會輸架啦…
|
|
刊登時間︰2006-12-14 06:08 PM [ 訪客留言(0) ] [ 編輯日誌 ] [ 分享至FACEBOOK ] |
| 2006 年 12 月 14 日 星期四 |
|
永遠懷念吳錦雄~佢…戰死沙場了… |
|
今日上世史堂既時候，豬wan去令d野，出左班房，落左去樓下，就係咁…吳錦雄作反了…佢令住本書，一個人走向戰場，走到黃澤豪既位前，將本書不停打落佢度，之後，黃澤豪差唔多推吳錦雄推到門口，而我個班個門係壞既，所以係門前會有一張枱，而黃澤豪就將吳錦雄推到個隻用鐵做既枱腳度，之後，黃澤豪走返去佢個位，吳錦雄坐左係地下，之後叉隻條腰返位，梁智仁話傷到條腰會好大件事架！會傷到個膀胱架！我地成班係度笑…
之後過左一陣間，吳錦雄又再次走到戰場，今次激烈好多，初初用書，吳錦雄比黃澤豪推度在地，今次佢惱了，佢令起把長傘，不停咁打，之後，黃澤豪也惱了，兩人不停打黎打去（認真架），男班大叫唔好再打啦！但佢地仲要打，打下打去，打到黑板前，黃澤豪好大力咁將吳錦雄撞左去黑板（係黑板放粉刷個個凸左出黎個位），吳錦雄痛到訓左係地下，見佢差唔多喊，男班又話：都叫左你唔好打架啦！之後又唔知邊個話吳錦雄戰死沙場，成班笑到收唔到聲，吳錦雄好辛苦咁行返佢個位度坐低。
大家都係邊討論緊呢件事，豬wan返黎，張文瀚講比我地聽，成班靜曬，
豬wan入到黎，話：大家好乖！
但佢唔知頭先發生左咩事！好在佢唔知炸！
|
|
刊登時間︰2006-12-14 05:48 PM [ 訪客留言(0) ] [ 編輯日誌 ] [ 分享至FACEBOOK ] |
« | 24 | 25 | 26 | 27 | 28 | 29 | 30 | 31 | 32 | 33 | ... | 92 | »
|
