| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
|
2007 年 1 月 16 日 星期二  |
|
戰爭最慘烈的兩堂…  |
|
IS堂，念住無咁黑掛…王sir應該有返掛…但我上到五樓時…望到個度…就知佢無返…之後我個班d人唔信…但…之後謝sir令住個「大聲公」入黎…好o，我地問咩事…謝sir入去，叫我地係出面等，等左超耐，先比我地入去，入左去又唔出得聲，又唔落得返去，之後又無野做，總之發呆…又浪費左一堂！
之後上音樂堂…咁先慘…我…派中文卷…之後…一睇分數…我又想喊…得51分…我喊了…咩心情都無曬…因為個個都七十幾，六十幾分…我傷心了…之後…發左成堂夢…終於發現係因為個幾題奪命四式…佢真係害死我…我…發現全班只係得十個之內既人唔合格…咁我極有可能係全班最差個堆…唉~我要哭了！
之後等到食lunch…無胃口…飲左杯野就算…之後都唔知自己做咩，同王斯彥坐係門口…我真想趴係王斯彥度喊返一場…可惜一趴落王斯彥度…連佢都訓左係椅度…
之後去左一樓度遊盪…念住可以見下佢…無啦啦王斯彥拉左我去6B門口…點知佢又係門口…呆左…王斯彥話我仰幕佢…我即刻走左…但我又望多幾眼…
雖然都係無黎精神…但望下佢睇黎真係有效…好多次都係咁…
|
|
刊登時間︰2007-01-16 06:21 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 1 月 16 日 星期二 |
|
電腦堂…好無奈！  |
|
第一小息完，心情好少少，之後上電腦堂…記起我份功課比黃sir搞到要重做…就一把火…之後佢唔封上網…我當然上啦…但之後又玩下…最終無理份功課，哈哈…仲作左d文！
曾經有人話過…人一世只有短短數十年，點解唔好好咁玩下？點解唔好好做自己想做既事，點解偏偏要努力讀書，做自己唔中意既事…
呢個答案我一直都未知道，我一直念人生存為左咩，死後又有甚麼特別，點解d人情願自殺，都唔生存，死後會係咩世界，根本無人知，人死左，會係地獄？天堂…邊個知架？
數十年人生，聽落好似好長，但有無念過，過去左的日子…唔會返黎，何時是你的死期，你也不知道，曾經都有人講過，所有生物都知自己何時會死，唯獨是人，偏偏想改變呢個定律，有人為左唔想死，努力研究，怎樣才能遲d先死，而有人偏偏卻要自殘生命，人為何要這麼聰明，既然懂得如果生存長久，為何又要懂得自殺的方法。
曾經也有人說過，「我等人殺啊！」我即時問佢點解要咁講，佢無講過咩，只係話凡事順期自然，我問佢唔怕死咩，佢話「人生自古誰無死」，我真係好佩服佢對所有事都唔執著既精神，究竟係我太執著，定係佢認為所以事物都係順期自然好d？
順期自然，究竟有咩好，唔通所有事都要等人安排完畢，自己先去做？執著又有咩唔好，起碼凡事都會親力親為，講真，我真係唔知係我太執著定佢太唔緊張所以事情。
對於佢，我最無奈，一個毫無執著既人，但做事卻有規有律，跟我，像是兩種人，我最懂執著，卻毫無規律，所有事都是由我決定，而佢，我相信佢從小就應該被人照顧充足的人。
之後…我發脾氣…狂打個鍵盤…夾到隻右手食指！好痛XDD
|
|
刊登時間︰2007-01-16 05:54 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 1 月 16 日 星期二 |
|
集會…好x啊…驚喜啊！  |
|
今日又唔知醒…又差d遲到…上到班房…同大家講唔駛收geog，之後做功課…做做下…地下無啦啦傳出‘happy birthday’，傳到黎三樓…之後d老師叫我地落去…我好快落到去…因為驚又唔比人落去…然後又記名嘛…
之後落到去…我係2b第一個女仔黎到，搵唔到位…而阿lam同好多女仔一樣…而我都係…搵唔到位…之後搞左好耐先搵到位…頂啊！我地開始鬧人…點解個地咁差架…用緣色漆…但d黑色既鞋印就印到so dirty…我再話…整得咁差…要錢架…學校係咪有問題…
算…唔講呢d…講今日個講題…校長出黎講野…因為今次係2007年第一次係度集會…咩上年有咁做架？我唔知啊？總之佢就唔負責啦…求其叫人咪比d煙控制…咁都得…o囉！算…
之後今日竟然cheak校服…好o咀…得幾個人捉出黎…但我想講…好多人條裙都好短架啦…
之後miss tham話：唔準著皮鞋去籃球場打波，要打先要換鞋！
之後上到三樓…又落返一樓…好累，之後未坐下囉…點知派卷…我心臟病發啦…23/50唔會格…即時想喊…但…睇清楚d，原來係聆聽…算…過左去…即刻唔想喊啦！
之後…上數學堂…老師無返…又係個個「插你」，狂鬧人…之後上普通話堂…周sir唔見人…搵老師黎代課！
|
|
刊登時間︰2007-01-16 05:46 PM [ 訪客留言(0) ] [ 編輯日誌 ] [ 分享至FACEBOOK ] |
| 2007 年 1 月 15 日 星期一 |
|
考完試啦！有好多野懷念~  |
|
今日係最後一日考試…幾開心啦…但又唔知醒…之後衝返學校…因為驚王斯彥等…但返到去…等左幾耐…佢先返黎…搞到好魚…因為我坐係學校門口時…丘家盛無啦啦返黎…眼對眼…無奈…我隻眼未轉去第二邊…之後王斯彥返黎…同佢第一時間去tuck shop…因為我真係未食早餐…而且好餓…買啦…當然買最平個種三文治…食到一半…打鐘…隻眼好自然咁望過去學校門口…剛剛好…有位無帶眼鏡的人兄衝入學校…之後佢同趙副校傾計啦…應該係問話掛…之後望住佢啦…望左幾耐…佢上去考試啦…真係唔明點解我隻眼會咁「射哩」…成日望過去…我當時簡直好希望有一日…miss poon個阿爸約我同miss poon，之後miss poon約佢老公，之後佢老公約個個人…個個人係…算…日記講到最尾時會估到架啦！
之後…上到hall考試啦…無咩特別…因為我全軍覆沒…好正…無溫書果然全部唔識…之後考完試…落返黎…玩左一靜間…王斯彥買左d燒賣…點知加左生抽同醋…o~酸酸地…岩岩對於我黎講好正…因為我想反胃…唔知點解…之後等王斯彥吃完燒賣…就又一驚喜…上到去…望到一個人…未又係今朝個個人囉…放假前…我仲唔認得佢個樣…但宜家…我已經認得佢…只要是他的背影或者係佢既頭（後面）…都會認得佢…之後上去啦…同王斯彥…一齊望佢…看他的傾面…好少咁留意無戴眼鏡既佢…但今次望得好清楚…白白淨淨的他…高大但一d都唔威猛的他…算…不再說了…
之後打鐘…過去排隊…奇怪中…點解無happy birthday既…奇怪中…排隊，排左幾耐，細曾吳sir無出現，之後等左好耐，細曾才慢慢從訓導室出黎…算，上到hall考啦…先頭都無咩問題…而我都識，但…哈…好恐怖，到尾個兩頁時…開始o咀中…因為佢叫我地用5min睇左先…但之後又‘B’又講野…之後又叫我地等5min又‘B’過…之後又講野…o咀中…之後咁樣‘B’左好多次…最終，我亂咁黎做…一句野抄3次…咁代表有3分之1機會撞中…正常好多人都係…
落到去…因為去過library所以行後梯落去…見到兩位高人…一位是今朝見到個位人兄…我敢肯定…都話我認得佢，另一位仲高過個位人兄的人是俞生（俞裕泰）…好好笑…我地吹水…個位人兄又無啦啦行出去…我隻眼又在「射哩」…好衰…控制唔到隻眼…然後…射到直至見唔到佢為止…
之後…今日講左咁多…其實個位人兄係…都話今日好留意佢…個位人兄囉…其實我真是第一次咁留意佢…佢平時戴住副粗框眼鏡…而我…也發現他真是很白…很高呢…而我也發現了曚豬眼的人…原來真是單眼皮…哈哈…講左咁耐…都唔知我講緊邊個…知我講緊邊個就留言啦！
|
|
刊登時間︰2007-01-15 02:33 PM [ 訪客留言(1) ] [ 編輯日誌 ] [ 分享至FACEBOOK ] |
| 2007 年 1 月 14 日 星期日 |
|
原來要搵個同自己同一日生日既人…一d都唔難！  |
|
今日好無聊…epa溫左一靜間啦…話駛考試…無理由唔溫架…之後未溫囉…溫完未沖涼囉…沖完沖未…之後…好悶…未…
未上下十年都無上既內聯，睇下我個班d人既生日日期囉…
記得一個比我以為笑話既真心話「我明明係十月四號生日，點知比華麗朱又抄埋，係十月四號生日」…我記得我生日個日有問佢‘羅’生日禮物…決定睇下佢係咪真係同我同一日生日…
點知一睇…呆左一靜間…算！我成日都呆呆地架啦…原來佢真我同我同一日生日…仲以為佢講大話…
世上得一同我一日生日既人…原來唔難架…佢同我同年同月同日生…但一定唔會同年同月同日死…哈哈…一個同我同年同月同日出世既人…竟然同我讀埋同一班，同一間學校！
|
|
刊登時間︰2007-01-14 06:59 PM [ 訪客留言(0) ] [ 編輯日誌 ] [ 分享至FACEBOOK ] |
« | 14 | 15 | 16 | 17 | 18 | 19 | 20 | 21 | 22 | 23 | ... | 92 | »
|
