之後，過左幾個鐘之後，無流咁多血啦！仍然有流…止左超過一個鐘先好d…太慘了…隻手指白曬…無曬血色，但手指甲邊曾經浸過血，仍然存著一道血痕，搞到好似血手咁…好可惜，相信有留意我對手既人，都知我隻手唔太完美，右手個隻手有兩隻手指生得幾粗幾樣衰下…

之後同卓瑤姐傾受傷…講返呂小個畢業營…卓瑤姐在籃球比賽時跌倒在地…傷到下巴…傷到入骨…地上一灘血…這些事我固然會記得…話曬我當時都在場，雖然6a連輸兩場…但我仲記得當時卓瑤姐比白車送走，我當時追著白車跑了好久，直至再追唔上為止，好記得當時唔知點解跑得咁快…可能佢係當時對我好好既人…

時至今日，我地兩個都仍然成日遍體鱗傷，損手爛腳…但仍然也算是好朋友，儘管小時候兩人因為傳紙仔傳到比老師罰也好…總之也是好朋友…

朋友一生也要記住…一定要…而我的吉祥物—小龜龜…其實他有了名名了…不過不在這兒說，而他真是我的吉祥物，這幾個小時，全賴他保護我，因為我一碰到他，我隻手就會好快止血嘛…

之後坐坐下…同佢地講笑…傾計，咪書…之後無啦啦有d野擦過我背部，望下王斯彥度…濕曬…而我背部都係…最衰係冷衫吸水！而王斯彥既校褸就唔吸水…望落好似我是受害多d，其實係王斯彥受害多d，而我也發現，原來是一班男仔搞鬼，佢地一個糖樽裝滿水，拋向我同王斯彥度…周周之後話好似係「沖好涼」（梁浩聰），我去鬧沖啦…之後原來唔係沖做架…然後黃卓堯同鍾雅杰驚訝我原來會咁惡…

之後發現應該係陳境成個d咁既人做既，因為丘家盛望住佢地班人呆左…我都信個班人做，因為我同佢地有小小仇，都唔算係咩既…

之後個背部濕得好難睇咁上hall考試，好明顯我係唔識架…哈哈之後考完試，背部的水乾了，同何偉文佢地傾到中三落埋黎都未走…之後傾啊傾，我同王斯彥去左買野，我買左隻龜龜，王斯彥又買左，仲要同我個隻一樣色，都係pink colour！但王斯彥仲買左舊屎…

之後返屋企，又食辣海鮮味cup noodles，已經唔知第幾日啦…

之後上到hall，中三遲遲未到…原來同我地同一個門口入黎，所以搞到遲左…之後考maths，初初鑽曬牛角尖…後來明白了…自己真是鑽牛角尖…真死蠢…其實我溫得最多第五課，但第五課就全軍覆沒…真可惜，考完時，師姨問我識唔識，佢話好難，但我其實唔覺太難囉…有d撞撞下都撞度個合理answer出黎！而因為當時靜過頭，有小小似醫院feel…可能細個時住得太多醫院掛！

之後落左去樓下都唔夠五分鐘，就有首happy birthday…我狂問邊級要排隊，阿lam示意我過黎排隧，原來係中二級排隊…無奈…我連toilet都未去，之後發現校褸在hall，但無得再上hall…死得啦…

考中文綜合個時心事重重，在202門口看到中三d人落緊黎，好想大叫叫佢地令走我件校褸，之後見到幾個男仔令多件校褸，好想問係咪我架…但這時卻要入到202度考…好失落，入到去…有一種feel，以前1B既感覺，聽到miss poon既錄音，更加想起從前在1B時miss poon教我地既日子…好懷念，之後未繼續考囉！我十一點就做完，之後發夢啦！發發下（都幾耐下…）miss poon把聲忽然出左黎現實，話“考試時間仲有十五分鐘！”我嚇左一跳，又再發夢…今次又念野，念到咁上下，miss poon又說“考試完結，請考生…”我嚇到左望望右望望，點知見唔到miss poon，只見到miss lee，好失望，真係帶嚇人無藥醫…其實我仲見到劉美琪令左部手機出黎…但…無人理，之後又同卓瑤姐講當女生著裙時可以著男生校褸…

考完試時…衝上hall，想入去…但有兩個麻煩校工唔比我入，連老師都唔比入，失望，落去詢問處…無…校務處話有可能在library，上到library，miss lee問我幾多號…原來我件校褸真的在library，miss lee比返我時，我看到我的校褸，而我一看就看得出是我，因為我件校褸k k 地架！之後我睇是邊位人兄咁好人，原來係王俊峰（其實我唔太記得是這個黃，還是這個王），真想知道他是誰，都是問問人先…

之後出到門口，見到友愛堂既人，同偉剛哥哥傾左一靜間，pyk話我溝仔，之後我串返佢，之後傾完，就同王斯彥行街，行完未歸家囉！

入到學校，同何偉文講返佢要我同佢講既野，點知王斯彥就同吳軍榕講…一位姓朱既同學好仰慕你同埋想同你msn，當時在場的王斯彥說，我唔太記得佢講左咩，佢話吳軍榕棟左係度，唔知點解有句：已經唔知第n個女仔…（之後我唔記得了）

之後我去溫地理，隻眼就射左去微波爐後面既位置，而八點鐘之後，我就搵左張桌坐低，點知戴雋庭、黃澤豪、梁海桐係隔離，煩到死，之後去左鄭瀚個邊，鄭瀚話個度係男人既地方，話有好人陽氣，而女人有陰氣，之後我話…你當我鬼咩…鄭瀚無聲出…

之後，上到hall考地理，唔太難…可能我有溫書啦！仲有之後發現無一題要用量角器…早知就唔駛周圍走…騙了個中一生，算…咁都唔算騙既…因為我問佢有無多一個量角器…考下考下…要畫圖，搞到件卷摺曬，而且問題又多又長…答到我手都軟，而我成暈下暈下，搞到成日要用塗改液…好無奈！但之後中三停筆之後，我就開始好驚，佢地一邊走…我一邊驚到震…之後最終我都係停筆前十分鐘做完，複完卷都有三分鐘剩…

考完試，落到地下…又飲熱維他奶，今朝飲左一樽…我想講一句，天文台出埋霜凍警告訊號，點知我就一d都唔凍，我飲熱維他奶唔係因為凍，而係因為肚痛，之後我同王斯彥坐左鄭瀚佢地隔離啦！之後蕭佩姍同另外兩個2c既女仔黎鬧我，我未用返唔知幾多句粗口鬧返佢地囉，佢地真白痴…自己唔知要去補課，又將責任推曬落我度，LIghtrs度都有寫啦！自己又唔睇！有問題架…之後我狂鬧呢堆三姑六婆，想講八婆…真係我唔發火，當我病貓啊…死白痴婆！

之後上到hall，考普通話啦！全部亂撞，總係覺得自己今日d運氣好好，應該撞中好多題…放左學，出左門口，狂話好想搵個成年人，同我去買張六合彩…之後呢…去郵局交費…交交下費發現…無帶鎖匙，好可憐…唔知要等到幾點，一路上，同王斯彥狂講吳軍榕有幾高…講真…我地講到佢越黎越高…

返到樓下，打電話比阿媽，阿媽叫我去library，之後打比王斯彥，同佢去左library，去到咁上下，我同佢先發現library今日休息…真無奈…我地去左麥當當，我買薯條，shake shake個種，我用白汁蒜蓉…幾好食，王斯彥又買左薯條同脆香雞，之後做數，王斯彥後來比佢阿媽叫左返屋企…而我呢，未陪佢返到屋企附近，我正想講細曾時…發現…有個著得好樣衰既人原來係細曾…好在無講佢姐…

之後返到屋企附近，落去大快活溫書，溫左好耐，買左杯好立克飲，之後呢…見到學生會會長…見到佢好斯文咁切緊西多，好想過去叫佢請幾舊我食（因為我淨係食左薯條同好立克，當時四點半），可惜我最唔中意吃西多…無奈…之後阿媽來…歸家，返到屋企…四點九…救命啊！一日就係咁完左…

之後，返教會啦！d傳道人講好多廢話，之後…阿媽又去隔離間教會d人傾計，我當然掛住「咪書」…聽日考地理，好緊張啊！

之後吃了少少野，就返屋企，但都五點啦！

聽日返學，又要飲咖啡啦！小心上咖啡引！