今晚是老爺和奶奶第一次試我的餸菜,在預備過程中都有點壓力.相信已為人新抱的姊妹們都一定經歷過.由上星期日知道老爺和奶奶會來食飯後便不斷為著今晚的菜色打算,最後煮了兩個新菜:鮮蝦煮滑豆腐和香芒豬頸肉,這兩個菜是靚太之前未煮過的,感恩煮出來的味道不錯

鮮蝦滑豆腐:

豆腐要滑,可先蒸5分鐘.而蝦就先去殼清腸,醃10分鐘,之後煎至8成熟.洗鍋後再豆腐和蝦一同快煎便完成,過程算是簡單方便!

香芒豬頸肉:

芒果在街市買十元四個,超甜!芒果切條,上圖份量為3個芒果,豬頸肉醃1小時,煮熟待用.之後先落肉,再落芒果快炒幾下便可.出來效果甜甜地,幾好味!而且芒果自己會出點汁,整碟菜都帶鮮甜茫果味.

再煮條魚加個菜....仲有靚湯"猴頭菇花旗參煲雞"超正!

大功告成!^0^

昨晚有兩位友來晚餐，靚太當然要用心預備啦。

煮咩好呢？！最後決定：

豉汁蒸鱔，因為昨天已蒸了魚，今日想轉一轉口味。清洗鱔後要用豆豉，蒜蓉，生粉，小小生抽作醃料，之後蒸８分鐘便可。

天氣熱吃瓜類是不錯的選擇，青瓜排骨：

香蒜炒蝦：

椒絲腐乳炒生菜：

四個平平凡凡的自家餸，不過就落足心機和心思的！雖然餸菜沒有什麼特別，最重要是可以和朋友一起食飯，談談近況，在忙碌的生活中，可以抽到時間和朋友相聚是何等珍貴......

(閱讀全文)

前日由於要去聽講座,放工後人亦有點累,煮什麼餸好呢?不想煮炒類,想做煮餸,想到了金針雲耳蒸雞.雖然可能是簡單的一個餸,但靚太卻未試過做,就試一試啦.

由於時間關係,回家後便用熱水浸金針雲耳,原來好快就可浸軟. 雞是在街市買時已叫人斬件,洗淨後加調味料醃和加金針雲耳拌勻,之後蒸18分鐘便可,出來的賣相和味道都幾好!

另外兩碟餸都是簡簡單單的清淡菜色:

魚片節瓜

昨晚約了客人六點九交收,但六點三時我才到街市,為了方便快捷,決定晚餐煮:蒸魚, 义燒炒蛋和蒜蓉腐乳通菜.

買完餸趕回家,馬上洗米…….六點七出門,準時交收!呢位買家是舊客,超好人呀!之後靚太便馬上回家煮飯.

雖然以前都食過多次义燒炒蛋,不過自己無整過,不境靚太結了婚只有兩個月,相信還有很多餸要學整呢!幸好第一次的义燒炒蛋做出來的味道幾好!

做法：先把十元义燒切條,我知很多人會切粒的,我想轉一轉.之後打蛋......

(閱讀全文)

昨晚好開心有兩位朋友上黎食飯,靚太一定落足心機同心思煮D好餸啦.第一味是色彩十足的"彩虹蜜汁雞"

用料:鮮雞半隻,紅,青,黃椒各一個,蜜糖,生抽,生粉,雞粉,糖

用醃料醃雞一小時,色彩椒切好待用.

先炒雞至八成熟,再加入紅,青,黃椒一起煮,約4分鐘後便可上碟.

另一道新餸是菠蘿黑椒牛柳:

醃牛柳半小時後炒至五成熟,下菠蘿再快炒至全熟便可.

生菜伴釀茄子

四道菜完成......

(閱讀全文)