第三日我們的行程是上半日享受酒店的沙灘，游泳，按摩池。下午去看日落，浪漫呢？！
話說雖然我地已去到沙巴兩日，但我地都未真正享受一下酒店內的設施，所以第三日一定要在酒店玩半日。題外話，呢間Nexus雖然位置距離市區有點遠，搭的士去市區都要RM75(大約HKD 160)，有點貴架，但係一個有自己沙灘，仲可以騎馬的渡假村，點都要入去住下，而房租本來都要千幾元港幣，老公仔就好好咁一早上去酒店網頁訂位，咁o岩有優惠，八百幾蚊晚，我覺得可以試下。言歸正傳，睇下D相就知幾正。
一早我貪靚妹就塗足防曬影相了。
呢度係我地間房樓下，跟住就係行出去食早餐見到的景色。
早餐係出去酒店餐廳食，房租已包埋架。一對情侶杯。
一食完早餐，貪靚妹就變成貪玩妹，拖住老公出去海灘影相。
海灘一望無際，老公話望住的係南中國海。海天一色，有海風，有海水味，好舒服呀！
加埋我呢個靚女就梗係更靚啦！
仲有呢個Massage Hut，對住個咁靚個海做Massage，真係好開心架。
俾大家睇下D水有幾清啦。不過，大家記住保護環境多D，如果唔係，就無D咁清的水了。
我地游完海水，又好想玩下泳池，所以就行幾步路去返泳池。
D外國人通常會好主動幫人影相架，大家係度假個一刻，又真係好似地球村生活一樣。呢幅相就係有人幫我地影o既。
我地o個朝玩得好開心呀，完全鬆馳，如果你地去沙巴，真係可以試一兩晚Nexus，之後可去市區平價酒店，絕對值架！
我地之後出去市區睇日落，又係好靚的景色。
|
