今日返左小學，見返好多老師呀∼尤其係區生，佢出年唔教書啦，可能以後都見唔到佢。

下晝返到去，第一時間梗係去5C搵區生，上到去就坐左係班最後個位，跟住幫手寫返d出席記錄，手都軟晒∼∼過左一陣就去左教員室，陸主任，陳主任同何sir都係度，我都同佢地傾左陣，原來陳主任識得Ms. Ma 架∼Ms. Ma 係叫Catherine wo~開心既時間過得好快，跟住d老師就開始「勞役」我，首先俾何主任叫我去撕纸，撕晒01,02年d學生成績記錄，仲要係成箱纸。好采，仲未撕完果陣，莊生就叫左我去幫佢手，去幫咩？去幫手處理d參考書，由一年级至六年級都有，係咁篩選同dum，dum左好多呀∼真係有d浪費，不過都無辦法啦，年年都有新書。好啦，搞掂d書啦。區生請我食下午茶唷！xDDDDDDD食完之後又上返5C，今次做咩？就係幫班5C同區生影相囉∼唉，成班5C痴線架，影完又影，影完單人影雙人，仲要次次唔同partner，真係駛人唔駛本。之後佢地就放學啦，咁我咪落返教員室，何主任就叫我拎d舊生既作文簿去dum，我覺得反正都要dum，不如睇下啦∼哈哈，又竟然被我搵到曾翊本簿，我梗係睇啦∼ 原來.....唔怪之得啦......嘻嘻∼5：30p.m.果陣，郭老師帶左佢個女返梨，佢個女君君好得意呀，又識叫人，仲好似好鍾意我添∼請我食左塊白之戀人朱古力，影相仲ai 埋我度。臨走之前，區生俾左疊卡片我，叫我見到d胡素貞學生就派。區生仲叫我任拎何sir d 野，反正何sir都唔要架啦。

區生和我  ^^                                                        郭老師，君君＆me~ ^3^

就是捨不得，但又可以怎樣。要來的，始終要來；要離的，怎樣也留不住。我的能力始終渺小，沒法改變一些事情，也控制不到。但，我想，總可以留下回憶。至少，不至於遺忘。