今日返咗公司拎返隻杯,返到去老闆唔係度,玲姐同我傾咗一陣計,臨走時玲姐仲目送我出去,佢比我既感覺好似好唔捨得我咁,不過冇法la~我都唔想繼續留係度做~之後就去咗搵阿靖商量返星期一去拍麗灣幫阿靖頂一日文員既事,咁啱見返黃sir,唔知點解感覺有d怪,可能係太耐冇見啦~本來阿靖話想請我幫佢長做,但我已經拒絕咗佢~佢好似好唔開心,佢話佢真係好想我幫佢手~我又同佢講,叫佢搵以前f.3某d朋友幫手,佢話佢信唔過佢哋,話佢信得過我同埋覺得我份人有責任心~所以想請我多d~我好多謝佢咁信我~但係個度d車錢真係好金下~所以真係好對唔住~剛剛好唔開心~我只係想話你知我每日發生既野，希望可以同你分享or搵你黎分擔，你仲同我講，你係唔小心講錯咗,跟本就唔係,你見我嬲你,所以你先咁講之嗎,另外你平時好多野都要我自己諗下點解決,你話係出於好意，想我自己獨立,但對我黎講可能會變成壓力，覺得你唔在乎我,如果我真係咁蠢、真係做錯野，我比人話我心甘命抵啦,但我今本都冇做錯野,個老闆擺明係老屈我,我係有同你講過呢件事既經過ka~但你竟然就話我錯先比佢話,仲話我對佢唔好,我係長唔大，係唔識獨立,我係中意依賴人，咁你可否暫時屈就一下做我既避風塘，比我感受你既溫柔同溫暖呢？點解你做唔到我既避風塘,仲要落井下石黎話我錯喎~我真係好心啖呀~個刻就好似你一刀插落我心度咁!其實我之前都有講過話你對我既愛好似變咗~但你話冇d咁既事,我一直到而家都仲覺得,我唔再講唔代表我認同你既講法...我而家先知道原來我係你心入面係一個咁冇用既人黎既~繼然係咁,我仲有d乜野可以同你傾,我唔驚又話你話咩?

    今日上午去咗宏達見工,打返公司話唔返,點知又比佢話,佢仲冇品到我未問完佢野就cut我線,不過我都預咗佢會咁ka la~其實諗落我前日都已經激到佢生蝦咁跳,聽返玲姐講,我前日駁佢咀,佢好嬲...原來我係咁大威力既,可以激到佢咁,聽返都唔知好嬲定好笑,呢份工我唔會再返ka la!我月尾既時候先返去追錢~不過我應該聽日會返去拎返隻杯,希望佢冇掉咗la~如果佢掉咗我隻杯,我一定會發癲話佢,後果可能會一發不可收拾~我番埋佢枱都仲得呀~我而家會驚佢d咩,我又唔係佢下屬,我串佢都仲得la~更何況我之前係佢下屬都已經唔驚佢la~!其實我個人真係變咗,越大就比以前大膽,d人唔啱既話我,我就會話佢,唔會好似以前既我咁,咩都收收埋埋,由得佢就算.我真係覺得有d人真係唔話唔得囉,我係為屋企而返工,並唔係受你氣而返工囉~如果日日比你屈,我做咩仲幫你打工,我話之你間廠幾時摺la~

 今日好激氣,同老闆抄大獲,果個都唔知咩老闆黎ka~我返咗幾耐工就比佢串足咁耐,仲要唔係我做錯喎....係佢講得唔清楚,我問佢野就串我,簡直不知所謂,一有d咩錯,第一個就話我或者問係未我做...又唔見佢問其他人喎,仲唔只一次,已經有幾次都係咁...真係人都癲呀~我已好好睥氣,忍咗佢好耐...今日向佢請個半鍾頭啫,比佢捉住我黎話~又話我請假有d咩事都要向佢報告(包括私事)話等佢聽完舒服d喎,但我講完比佢聽我自己唔開心,咁又有咩用呀~個半鍾又唔係長,咁都話,痴線ka~話完我先比我走,之後我就發咗癲咁用返d暗串加明串既道理答佢~佢好似好嬲...不過我聽日照返工,我理得佢咁多~我做我自己野,我唔會理佢~再唔係咪抄我囉,人工又唔係高,福利又差,工作時間又長,連小休既時間都冇呀~呢間公司簡直係冇野值得我留戀呀~

  今日係屋企太無聊,所以自拍咗幾張玩下~hahaha~

 今朝一起身又胡思亂想,又想起佢,如果而家有個神仙比我一個願望的話,我咩都可以唔要(包括金錢),我只係想一家人齊齊整整,平平安安~咁就心滿意足了~錢對於我黎講並唔係咁重要,我覺得最重要係親情,冇錢都會過得好開心,諗起以前既回憶真係好開心,有錢又點呀,係咪會威點呀?威d又有咩咁開心?錢只不過係奢侈品,指係買到自己想買既野之嗎~咩真係咁重要咩?但有d野用錢係買唔到ka~係冇咗就係冇咗,時間過咗就係過咗~so我哋要好好珍惜同每過人相處既時間,最重要係包括家人~

我過去 那死黨 早晚共對 各也紮職以後 沒法 暢聚
而終於 相約到 但無言共對 疏淡如水
日夜做 見爸爸 剛好想呻 卻霎眼 看出他 多了皺紋
而他的蒼老感 是從來未覺 太內疚擔心
最心痛是 愛得太遲 有些心意 不可等某個日子
盲目地發奮 忙忙忙其實自私
夢中也習慣 有壓力要我得志
最可怕是 愛需要及時 只差一秒 心聲都已變歷史
忙極亦放肆 見我愛見的相知
要抱要吻要怎麼也好 偏要推說等下一次
我也覺 我體質 彷似下降 看了症得到是 別要太忙
而影碟 都掃光 但從來未看 因有事趕
日夜做 儲的錢 都應該夠 到聖誕 正好講 跟我白頭
誰知她開了口 未能挨下去 已恨我很久
錯失太易 愛得太遲 我怎想到 她忍不到那日子
盲目地發奮 忙忙忙從來未知
幸福會掠過 再也沒法說鍾意
愛一個字 也需要及時 只差一秒 心聲都已變歷史
為何未放肆 見我愛見的相知
要抱要吻要怎麼也好 不要相信一切有下次
相擁我所愛又花幾多秒 這幾秒 能夠做到又有多少
未算少 足夠遺憾忘掉
多少抱憾 多少過路人 太懂估計 卻不懂愛錫自身
人人在發奮 想起他朝都興奮
但今晚未過 你要過也很吸引
縱不信運 你不過是人 理想很 愛於咫尺卻在等
來日別操心 趁你有能力開心
世界有太多東西發生 不要等到天上俯瞰