今日去左溫書,一個人都真係有d悶。做做下statistics先知個quiz錯左,仲要連鎖反應,錯埋下面果d,今次真係大煲啦!A都可能拎唔到聽日一定要拎9成幾既分數先得。希望得la,連續4日既挑戰黎啦!!!

今日係year2sem1既最後一日,不過都要quiz,因為statistics有兩個test。今朝走去溫左一個鐘書就返poly,都唔係溫得好熟。份卷都唔係好難,不過好多字要寫,差d唔夠時間。之後放學就去補習,今日個個小朋友都好多功課,因為係星期五,個個都好燥小朋友d心理真係難搞!!!

補完就返尖東同雞,志偉晚飯。去左韓燒,都唔好食既,下次都係唔好韓燒la...之後就去打機,見到海賢,同佢傾左幾句計。之後就各自打機,我地打機打到都冇晒時間觀念,錯過左火車既尾班車,搞到要坐的到旺角,再坐小巴就上水,車費用多左十幾蚊,最衰都係志偉,好似未打過頭文字D咁,係咁打...好眼訓呀,聽日都係唔去自修室loo,休息一日咁多la

今日9點起身去食早餐,之後去溫書。12點半就走人去補習,因為今日要上堂,要補早d。今日joey好百厭,坐唔定,好難教到佢,希望佢以後認真d啦4點就走人返poly, database終於派卷,得48分,miss話40分合格woo,但係我覺得就唔合格。不過都預左嫁la, short Q拎得1分za

今日放學去搞埋d database手尾,then溫書。之後去補習,今日黃sir帶我去接個小朋友,以後可能要我去接loo。中段,全部人去左開會,除左我,我要一個人睇住成班小朋友,都有d吃力開始都係同佢地玩uno,波子棋。之後因為要教joey,so唔得閒理佢地,但係佢地又太嘈,令到joey都唔係好聽書。好彩之後黃sir黎,咁我就叫joey入去補。可惜浪費左半個鐘,唔夠時間用。

p.s.買左支筆送比joey,應承佢如果考試考得好,就送本簿比佢。

今日係第二日返補習社,開始同d補習社d人熟絡,尤其是係Herny同黃sir,佢地都好nice。原來Herny係partime,佢既正職係保險;黃sir仲勁,原來佢已經六十幾歲,真係睇唔出呀佢依家退左休,之前做化驗師,月入$6xxxx,嘩...好勁呀!!!佢仲要識彈琴,拼音...真係一個頂幾個人。

今日都係同尋日一樣,教下d功課,d時間好快就過。6點半就幫joey補,收到佢既考試時間表,要盡力幫下佢先得。今日佢daddy有黎接佢放學,最衰係比佢睇到joey走黎走去,唔知佢會唔會唔高興呢?8點就走人loo