去完camp返黎啦 等我回顧一下啦!!!
8月16日
去既時候有nelson,珠珠,maggie,shelia,terry,bill,gloria,stephen,我9個人。冇買野就入去loo,諗住入去先買。我地又係住返上年果間屋,不過今年好多野爛晒,真係慘 去到玩左陣'BANG',我做左最強既vice,哈哈。跟住我,nelson,珠珠,maggie,stephen就去沙灘玩,hehe岩岩黎到就一齊去玩,我地都係係沙灘邊度玩,冇落水,但係珠珠同maggie踢水,我,nelson,hehe緊係還擊啦,最後大家係濕左 之後去行山,果度d風景都幾靚 ,我地景左好多相,有張重好好笑tim
最慘既係被d沙整損隻腳,痛呀之後諗住夜晚bbq,叫肥翁買野入黎,因為南丫島得兩間賣bbq既店,不過平果間冇開 點知被人否決左,咁米唯有出去食。返到去沖埋涼就野,我地去左間日本野,d野好食,價錢都可以接受,good,最好既係有得睇電視,因為要睇姑姑ma 當中有一件事發生,係有個小朋友整倒杯茶,燙傷珠珠,maggie,我同nelson都high到少少,都真係好熱 不過珠珠同maggie都好似冇咩事咁既,佢地之後用d有點諷刺性既言語趕走個小朋友,係咁話果度好熱呀,我原本以為都係講下好熱姐,之後個小朋友走開左,佢地講話唔熱loo,我先知係點解。最搞笑係肥翁係咁叫珠珠做姑姑,自己做過兒 。食完就買d野返去玩game--modern art,italian bridge,show hand,bang,仲有一隻新既card game。令我最驚訝既係玩玩下,突然全屋d燈關了,跟住佢地拎個蛋糕出黎,我先醒起我生日,果刻都真係幾感動,係我記憶中,好似冇咁多人同我慶祝過生日,多謝晒佢地呀,尤其係hehe 個蛋糕好好食呀!話咁快我就21 years old,不過d時間真係過得好快,都冇咩留意自己已經咁老。之後就繼續玩,一玩就玩到5點。最慘係肥翁,7點要起身返工。
8月17日
10幾起身,then去食lunch。食完去買bbq既野,then返去玩一陣,第一次玩'BING BANG WA & 蒙羅麗沙'都幾好玩之後去沙灘,果度好大浪,勁好玩,有埋shelia既水泡,簡直係一流呀 同terry,bill捉vincy出去既時候飲左幾啖水,好Q鹹呀 休息既時候玩下dee,食下豆腐花,人生一大樂事 最好玩同珠珠,maggie,nelson,hehe出遠d玩浪,d浪好勁,一個一個打過黎,玩到嘩嘩聲 玩到有少少虛脫,不過勁滿足之後仲打左陣排球,then沖身返渡假屋。陳伯黎埋,齊人loo。跟住就透爐bbq,都係第一次覺得bbq係好慘既一件事,又熱又有蚊不特止,仲要企係度燒,真係咩火都黎呀 ,燒到一半又要睇姑姑,好彩nelson整noodles,有得醫肚 10點到,gloria & vincy走人,我地就繼續燒,不過燒左冇人食,最後仲整左個「肉山」出黎tim之後諗住去打波,出門之際,有兩個police黎搵我地,原來有人投訴我地太嘈 我地都唔係好嘈姐,咁都投訴...police仲叫d男仔出示身份証,最搞笑係得拎我個一電話,唔通佢見我生日,比份禮物我 then我地都唔理佢loo,去打波。肥翁,nelson,bill同我4個打波;hehe,珠珠,maggie就去睇風景。話時話,都好耐冇打過排球loo,一打就覺得好痛,bill又唔識打,慢慢都識識地,打左一陣就走去搵珠珠佢地,一齊傾下計,一班人傾下計真係幾好,兩點幾就返渡假屋。再沖涼多次涼,玩一次modern art,睇多陣電視就訓。不過係我地差唔多訓覺之際,有隻好大既蜘蛛係我地間屋出現,比佢嚇死,好彩外面有青蛙呼喚佢,佢先走出屋za,跟住就可以安心訓覺loo
8月18日
10點幾起身,知道珠珠唔記得叫肥翁起身,不過肥翁知醒,返到工。shelia同terry就兩個都咁懶訓,冇去旅行社既活動。 11點幾,準備好晒,就走人。我地搭完地鐵再搭巴士,之後係上水金都飲埋茶tim,之後各自歸家。
開心既時光過得特別快......希望下次既camp快d來臨la...... |
