今日係公司暑假既最後一日,我靜靜地帶左d禮物返公司。今日好快就做晒d野,yuki就要做渣打,不過都唔係太多。下午幫ricky去交單,見係最後一次,米幫下佢囉放工就去返學loo~

今日wing有返工,個肚大左好多。朝早人人都叫左早餐一齊食,都真係幾開心11點到有個人黎見工,個人d能度非常唔好,搞到bonnie發火。雖然人地係咁,但係身為一個interviewer都應該要有番一份專業既能度,唔可以亂咁發火今日一早就做晒d野,都好輕鬆~

下午,wing個朋友因為感情問題要自殺,仲send個message黎,搞到wing同mandy喊。人點可以咁自私嫁呢?因為一個人而傷害身邊咁多朋友,親人。感情過左就係過左,挽留都冇用。就算比你挽救到,呢一段感情都唔會長久,希望你自己識得諗la

今日返工都係咁遊閒,不過yuki遊閒過我,哈哈!!!mandy同yuki今日突然諗到聽日叫外賣早餐,仲叫晒成公司d人一齊食,haha~似足外賣妹咁放工,van同bonnie係咁講一個人,我以為係講緊Alex,點知原來係講阿宏。其實佢個人都唔係咁既,你地唔好咁諗人la "小人之心,度君子之腹"佢都係為公司著想姐

之後返學,今日係咁問阿sir野,我諗總算可以做得掂份assignment。我終於學識用miser3啦,good

今日朝早去左沙田石門見工,果間野係做trading,好似幾好玩咁,個老闆洪生又好似幾好人,有得做呢份工都幾好,都係有得做先算la~之後返上水買d野(神秘禮物)同野食返屋企。係屋企一邊食,一邊睇"導火線"。呢套野好好睇,甄子丹好勁,真係好好打,非常精彩

之後去左library溫書,個人心情好,溫書都易入腦d6點幾就返屋企~

尋晚又諗埋尋日諗d野,又好似冇咩訓過.成日都係咁既,haha今日返工心情非常愉快因為有呢個強人yuki幫手,哈哈仲要公司特別靜,因為冇晒公司d高層,又少sales,冇晒壓力,我最鍾意係呢d環境做野搞到我越來越唔捨得走timyuki今日惆悵聽日去唔去天水圍個職業展覽,其實去下都無妨既,不過最終都係等到星期三佢先去。其實一份工,唔應該計較遠近,我都知會少左好多時間休息,但係最緊要係可以學到野,又做得開心。最好就人工高,福利好la(發夢)~無論妳想點都好,我都會支持妳既

放工返學,今日simulation有個in-class assignment。我,釗,肥菜三個人分工合作。最衰係佢地兩個都冇帶計數機,搞到三個用埋一部,真係慘呀幸好最後都做晒,不過我好似做錯左一條,放學先諗到點做,又慘多次la