今日係學校既校運會呀∼！
好多既都雖要準備∼好多野做呀∼！
真係好忙∼！

當到達運動既一刻，已經感覺到運動既氣息∼！
（紅色膠粒發出既氣味咋∼！哈哈）
呢種感覺令我諗返起學校生涯既「最後一個校運會」，
我好記得個兩日既情景，
真係好難會唔記得囉∼！！

回憶：

個日真係好開心，
我仲記得個日之前我仲因為練波整親隻腳，
所以仲好擔心自己不在狀態添，
好彩ｄ朋友仔都好支持我，
一開始，就係跳遠先，
但話時話呀，我好記得次次報左名都無得跳架之前，
因為之前成日都咁啱撞時間，
攪到成日都跳唔到，真係攪笑，
咁次終於都跳到啦，但係隻腳又整親，
開頭幾次試跳都跳唔到架，
所以攪到無咩心情，好彩到正式第一跳就得左，
仲因為係而拎左個冠軍添，
（但係之後再跳又跳唔到啦！真係一跳定生死咁！哈哈）
就係我仲跳緊既時候，司令台又宣佈 1500m 集合，
咁我咪同個負責老師講我要去報到先囉，
之後就兩邊走來走去咁，
好趕囉，又好擔心，
到左開跑既時候，我發現有個係重讀生來架，佢長跑好勁架，
開頭仲係跟得好貼既，點知係我聽到跳高要召集之後，
我就不停一路跑，一路向跳高召集處大叫，
其實呢樣都無問題呀，最大問題係班中一囉,
佢地比賽完之後，竟然唔理有無用用緊跑道比賽就橫過跑道，
咁啱佢地就左住左我囉，
仲俾得鬧添，哈哈∼！！！
不過唔緊要，都拎左個第二，
到左跑完之後，我就去左跳高個度準備補跳，
原來其他人已經跳完啦，
個老師等我試跳完之後仲同我講，
如果呢一跳你跳到就至少都有第三，
如果唔係就無架啦，
第一跳當然係無問題啦，
因為都唔係好高，好少事啦∼！哈哈
之後佢就問我點跳，慢慢升，定升過第一既高度，
咁我就因為知道自己體力可能有限，
所以就博一次，叫佢升過第一，
佢仲同我講笑，咁我幫你升啦，
點知一升，升盡左，
（個呀sir好高架，一米九個ｄ∼！）
咁我見到咪話：
呀sir，咁高點跳呀，你升咁高唔係想我跳呀，
咁高俾我吊頸就得∼！
升左第一名既過度咪得囉∼！
開頭第一次唔到，因為「疾」左步，
之後再來就ｏｋ左啦∼咁就有個第一，
之但係我就係坐落張典既時候扭親手∼！
我見金牌都到手，所以就無咁博，
跳多幾次就唔跳，
因為真係好累∼！！！

第二就大部份時間都係班際賽，
我地班跑4x400m既混合賽都依然同上年既陣容一樣∼！
都係兩男兩女咁跑，跑既都係同上年一樣，
不過，我地輸左0.1秒呀∼！！
哈哈，都唔緊要啦，
最緊要我地連續兩年都有獎攞姐∼！哈哈
之後最恐怖既就係其他既賽事都不停有人搵我跑，
因為仲有個ｄ咩球隊接力呀，領袖生接力呀咁，
之但係我人得一個，點同時跑兩隊呢，
就算我想跑到唔得啦，
咁我就應成左跑女排校隊既，
我一向都唔睇好，
因為係我眼，中佢地太過姐姐仔啦，
莫講話咩啦，次次出去比賽都化妝既，
玩咩，打排球咋，
如果唔係佢地唔夠人，我諗得都唔跑，
寧願休息下好過囉∼！
第一棒既女將係玩開sport既，
呢個無問題啦，之但係交棒比我個個就真係後，
唉，姐姐仔來架∼！
開跑啦，頭兩棒都保持係三、四位，
我諗住咁都算見得下人啦，
點知交棒比我個個係尾二囉，得八隊跑都會咁既，
好彩都追返左兩個，得個唔知第三定四，因為一齊過，
哈哈，出來既時間仲激死呀，
因為真係輸0.01秒，哈哈，好笑到想死∼！！

不過呢個校運會亦都係咁多年學校生涯中，
最開心，最充實，最實在既一個∼！

∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼＊∼

因為今日既工作比平日辛苦，
所以當我返到屋企沖完涼之後，
我就訓左，所以今日遲左出門口，
坐火車既時候，仲不斷諗緊返好定唔返好，
因為今晚要返學呀嘛，
點知去到九龍塘既時候，我最終都係決定唔返學∼！
哈哈∼！！！
返左咁耐學，都無話唔返學既，
今日終於都做左第一次啦∼！！！！