今日一大早就要起身啦，
真係有ｄ唔多願，
不過，無計啦，應成左爸爸陪佢去睇醫生嘛∼！
所以呢，我同細佬都會去，
順使一齊行下街，食下野咁呀嘛∼！
因為都有成個星期無見囉，
細佬就唔止一個星期無見啦，成幾星期無見啦∼！
不過，我都估唔到細佬今日會出來，
因為佢平時好鍾意自己周圍去架嘛∼！

陪爸爸睇完醫生都已經成十二點幾，
我地就去左食野，今日爸爸萬歲呀∼！！
哈哈∼！！
之後，我地仲行左一陣，
本應仲想行耐少少架，
可惜我約左時間去馬鞍山睇report，
所以我地只係行到兩點幾就要過去啦∼！
細佬話佢約左女朋友仔去燒野食，
所以唔同我地一齊，自己過左上水，
而我同爸爸呢，
就過左馬鞍山（好彩都仲有爸爸陪我），
睇完report之後，得出一個結果，
個醫生由頭到尾都只係不停咁講一句說話：
你既report真係perfect∼！

佢話所有既檢查項目都非常之好，樣樣都好標準，
最攪笑都莫過於佢講「脂肪比例」既時候，
佢話：
嗱∼！你既脂肪比例呢，都係perfect既，
真係想食咩就食咩∼！唔駛好似其他女仔咁就住就住∼！！
可以食多ｄ∼！好好∼！

聽完之後，都唔知俾咩反應佢好，
只係覺得好攪笑，如果，我早多一、兩個月去body check既話，
可能佢未必會咁講，
因為我之前真係偏瘦∼！！
就係暑假，我肥左足足七磅呀∼！！！
哈哈，都可以話係增肥成功啦掛∼！（恭喜！恭喜！∼）
總之一句到尾，
樣樣都好，無病無痛就最perfect啦∼！！！

攪掂晒所有野之後，我同爸爸都各自返左屋企，
返左屋企之後，我就睇碟，我睇左《戀愛初歌》∼！

雖然，呢套戲唔係咩大既製作，但係都幾好睇，
好輕鬆，易明∼！！

個估事令我明白一樣野：
愛一個人唔一定要擁有，只要能夠守護佢、保護佢、照顧佢就已足夠∼！

但係好多時人都係自私既，
永遠都只係覺得，要愛就要擁有，
但係有時候，當你擁有既時候，佢又會唔會真係開心同快樂呢？
可能未必，因為愛一個人既時候，人係會變得自私既∼！
係，有ｄ人可能唔認同呢個講法，
但呢一點又唔係真係無呀嘛∼！！！

而我就剛剛相信呢一點，
唔擁有既愛情，亦可以係愛情，
而且，比愛情更恆久∼！

守護一個人真係好難，
但係當你守護既人覺得幸福、快樂既時候，
就連自己都會開心起來∼！！

希望所有守護與被守護既人都同樣幸福、快樂∼！

＊ 唔知我又會唔會有守護我既人呢？
(哈哈∼！！發緊夢添∼！！)