今朝訓到成兩點幾先起身∼
不過就唔係自願既，係俾隔離屋既裝修鑽牆聲嘈醒∼！
我諗如果唔係俾人嘈醒我都唔會咁「早」起∼！
哈哈∼
係為返學嘛∼又夜放，係咁架啦∼！！！

今朝起身，發現我想睇既「白夜行」已經download完啦∼
我就緊係拎定野食，拎定水來慢慢睇啦∼！
我足足用左一日既時間睇晒十一集∼！
真係好好睇∼！
不過，我唔係咁鍾意個女主角，因為佢太自私啦∼！
佢諗咩都係以自己做中心，將自己擺第一！
佢知道個男主角好鍾意佢，所以成日都利用個男主角來「完成」自己想做既事，又或者做一ｄ對自己有利，而對個男主角無益既事∼
即使個男主角知道係咁，都依然肯全心全意去為佢∼！
一心只希望個女主角幸福，而自己呢？
就為左個女主角而生活在黑夜之中，只係用一ｄ大光燈來造出太陽既效果，又唔敢係白天外出，怕會連累個女主角∼！
最後，仲因為俾人識破佢同女主角之間所發生既事，因而寧願選擇死亡都唔想女主角受到一點既傷害∼！

睇完晒之後，我就好似見到社會黑暗既一面∼！
令人有一種無法解釋既感覺∼

如果向好個方面諗，我會好羨慕個女主角有人肯咁為佢∼無論咩事都好只要係佢開聲佢都會做，而且不論好與壞∼！

唔好既係，個男主角未免太過「愚愛」啦掛∼！
只係一心為個女主角，一ｄ都唔理下自己∼！
攪到自己可以話係人唔似人∼！
最後，仲因為想維護個女角而死∼！
真係好令人惋惜∼！！！！