今日好開心呀∼終於可以得閒返ｄ可以同朋友仔出下街行下，睇下戲∼今日一次過睇左兩部戲呀∼！

第一部係：「死亡筆記」
係我未睇呢部戲之前，我身邊既同事都不停咁係度腸呢本漫畫，原本我都有諗住睇既，不過我又想睇左部戲先，結果都係無睇到∼
不過睇呢套戲個陣，我都有ｄ惱惱地∼唔係因為部戲，係因為坐係我隔離個pair情侶，佢個女朋友由未開場到睇完都不停咁講，又不停咁同佢男友係度玩，同笑，真係好騷擾囉∼個下真係有個衝動想打巴佢∼！
不過，佢男友就無野既，都有叫唔好嘈，不過佢女友就真係唔多合作啦∼！
好似發左癲咁∼！！

第二部係：「加勒比海盜：決戰魔盜王」
呢部戲一上畫個陣我都已經好想睇架啦，不過又無時間，又無人約，所以咪無睇囉∼終於尋日都睇左∼！！！
都幾好睇呀，ｄ特技做得幾好呀∼！！好得意∼！又好笑∼
個鬼船長好核突呀，好似隻八爪魚∼！！哈哈

睇完戲之後，女仔要做既就係shopping∼呢樣緊係唔少得啦
睇啱左一個puma既手袋，白色架∼！
我好鍾意呀，所以就想話買左佢，點知個sales話係最後一個∼連續行左幾間都係得返一個∼！好唔開心呀∼！！！！買唔到∼！

之後，我地就搭火車返屋企，係火車上面，我見到有個大約１幾多ｄ既小朋友，佢好得意，我都望左佢一陣，佢公公知道，仲同ＢＢ講有個姐姐望住佢，個ＢＢ仲想走過來添呀∼不過俾媽咪抱住左，媽咪仲話ＢＢ曳曳，唔著鞋仔周圍走，仲輕輕力打左ＢＢ腳仔幾下，之後ＢＢ仲自己打自己腳仔話曳曳添呀∼！！
佢仲不停咁撩得玩∼！！個刻真係即刻想搵個人嫁左佢生返個Ｂ∼！！咁就幸福囉∼！

仲有一樣好開心既事要記載低既就係：
我已經儲夠印花換「百畝林」啦∼！！！！