名牌？
呢樣野似乎同我好似扯唔上ｄ咩關係∼
我同大多做女仔有ｄ唔同（自己覺得），唔會買／追求名牌∼！
甚至乎連有咩「名牌子」既名都唔多知，知既，都只係見得多／聽得多先知∼！

有時甚至乎會俾自己ｄ男仔既朋友笑我∼佢地覺得我唔多似一個女仔，就連性格都唔似∼所鍾意既野啦，扮靚又唔識，就連化妝都唔識∼！

講到化妝，有次就真係幾尷尬＊∼話說個次有個主任叫我去幫ｄ小朋友化妝，因為佢地一陣要出去比賽，點知我去到，個個化妝小姐就叫我幫去地畫眼線之類∼但係我就企左係度，因為我唔識，我同佢講，佢又唔信，乜唔俾人唔識既咩∼！！
個次真係好瘀，就連ｄ女仔（小學５、６年級）都識∼
佢地仲話：唔緊要啦姐姐，你淨係幫佢地搽粉底囉∼！
真係．．．好瘀∼！！！！！

對於名牌，自己唔會追，亦唔會好「恨」要∼！
我覺得好無謂，唔知點解∼！
所以，有時ｄ男仔笑我咩都買既時候，我就會答佢：個袋都成千啦，倒不如俾我食左佢仲好啦，真係食咩都得啦∼！買野，我就唔願俾＄；不過如果食呢，多多都俾，只要好食就得∼！

哈哈∼呢個都係一ｄ歪理來既∼！！！
睇來，我都係時候學下點做返一個真真正正既「女仔」啦∼哈哈
如果唔係，真係俾人笑死都似∼！！