今日終於都到啦∼要決一勝負囉∼！！！呵呵∼！

今朝我地個個都好早就起身∼所以我地都好準時咁抵達我地既目的地──＞勞資審裁署
我地去到個度之後，就搵自己要去既法庭度等，等緊既時候個書記會幫我地一個一個咁登記∼！個個都登記完之後，我地發覺我地既前僱主都仲未到，正當我地好開心咁，以為佢唔來既時候，佢就出現左，原來佢「遲到」∼！！！
我地大約等左１０幾分鐘度啦，個官就出來啦∼！
我地仲要再等∼因為有好多唔同既ｃａｓｅ∼！

終於都到我地啦∼個陣我地先識得開始緊張∼
個衰人一開始就話唔會賠＄∼咁個官咪繼續問囉∼
佢話佢會賠大假＄，同尾糧俾我，但係就追返我一個月∼！
因為佢唔認佢有打俾我囉∼
不過，個官都有話我唔啱既，因為我自己蠢左，竟然信一個咁既人，而唔去用「白紙黑字」來寫佢唔駛我賠∼！
咁之後個官就話一陣再審，我地自己傾左先，睇下傾唔傾得掂∼
咁我都知自己蠢左，所以我就同佢和解就算啦∼
咁佢就話佢只係會俾返１９００我，咁我梗唔得啦∼！
我大假都唔止呢個數啦，咁最尾我咪要返大假個２３００算囉∼

點知到左下堂既時候，ｄ人又反口，又話照追我∼！
佢本來想全部人都拖埋一齊既，個衰人話：我肯賠返晒ｄ大假俾你圩住部，但就「一定」要全部人同意∼！
佢講完呢句野之後，就俾個官鬧佢：個兩個人只係追大假，咁佢而家肯賠咪賠左俾人先囉，咩要全部同意先得呀？佢地個兩個簡單d,你就放人地啦,拖全晒好好玩咩，嗱，如果你係要咁玩，我會係份ｒｅｐｏｒｔ寫明你咁樣架下∼！咁你賠定唔賠？
就係因為咁，所以佢先帝賠返ｄ＄俾個兩個同事∼
而我呢，佢就賠，但係要追返我轉頭∼！不過，佢話如果啊君肯接受佢既賠償佢就唔告我囉∼！
個賤人居然攞人地既友情來做擋箭牌，真係賤到無人有∼！
佢一開，只係開４０００俾啊君，啊君都未俾得切反應，個官都已經話：４千？未免少左ｄ啦排，既然人地都有心傾既，唔該你都俾ｄ誠意啦∼！再加ｄ∼！
個賤人計來計去之就話５０００，到左呢一刻啊君都忍唔到啦，就話：法官大人，我已經作出左讓步，由原本我追既２萬，降低到萬２，佢都唔讓步∼
之後個官就話啦：咁你賠６０００啦∼
咁個賤人就話：法官大人，如果成件事可以結束既話，我好願意俾∼！
咁佢既言下之意即係話，如果啊君收既話，佢都唔會告我∼！
咁啊君就諗啦∼
係佢諗緊既同時，個官就開始解釋俾佢聽：如果你當啊斯係你既朋友既話，你就唔會想佢賠＄啦，咁你就收呢筆＄；如果唔係就要繼續告，咁啊斯呢就可能要賠＄，你既得益亦都未必會有你心目中咁高∼係，你可以勝訴之後幫佢俾埋，但七除八扣之後，你又有幾多得益呢∼？
結果，啊君都選擇要左個六千蚊就算∼
事後，啊君都有講係因為佢唔想我賠＄俾個衰人∼！
不過，有一點我地好認同既：
就係佢出賣左我地既友情，個賤人明知我地咁好朋友，好到好似親生姊妹咁，所以先會拎我地既友情來做賭注∼！
實在太過份啦∼！！

攪掂晒ｄ野之後，我就返左上水睇醫生，啊君都有陪我去架∼
睇完之後就過左大埔同屋企人食飯∼！

＊個官係唔知我地既名架，只係方便記錄姐！