今日好開心，好充實，仲好有趣添呀∼！

覺得好開心，係因為今日又可以整蛋糕啦∼
更加因為咁，而引申出一個有趣既笑話∼！
話說，我尋日同過爸爸講，話我今日要整蛋糕，咁呢佢就話幫我先整定個餅底，我聽到就緊係覺得好啦∼可以做少一樣野喎∼！哈哈
咁我就話佢知整餅底可以用「消化餅」，咁佢聽完之後就去左買來返屋企整∼點知，當我過到去之後發現個餅底唔係用消化餅做而係用「威化餅」做∼！
俾佢激死啦∼！！！！點解會咁都有既∼！？
真係好好笑架，爸爸仲俾我笑左佢成日呀∼哈哈
於是乎呢，我就話俾佢知，係「消化餅」至啱∼！
佢自己都有笑架∼！

之後呢，我地就一齊整蛋糕∼！
整完之後，我、爸爸同細佬一齊去左飲下午茶，之後仲順便買埋餸先返去添∼！！！

不過，仲未知個蛋糕好唔好味，因為我都仲未食∼呵呵

∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼．∼

講完今日做左既野之後，就講下今日既感想啦∼！！

唔知點解，我成日都會聽都ｄ男仔講話佢地係「一個浪子」又或者係「一隻無腳既雀仔」∼！
突然間，我都覺得自己好似一隻無腳既雀仔，因為我仲未肯為一個人而停低∼！又或者可以話，仲未有一個人係我願意為佢而停低∼
但係，我總係得講呢ｄ說話既人，只不過係唔敢去愛，又或者唔敢去追求一樣自己想要或者想做既野既藉口而已∼！
人總會如此，成日都會為自己搵好多好多既藉口來逃避∼！

我諗，我剛剛個個念頭都會係錯既∼！
因為，我相信總有一天我會停落來∼！！！
只不過，而家仲未係時候姐∼！