因為尋晚無返學既關係，
所以今日比平日既星期六早左「少少」起身，
因為今日同爸爸飲茶呀嘛∼！
講起又真係好似成個幾星期無見過爸爸啦，
真係好期待∼！
所以都算抵既∼！！

食完野之後，就行左一陣先返屋企，
返到屋企之後就睇電視啦緊係，
今日有沙排睇呀∼！
即係沙灘女子排球∼！
睇到好緊張，好刺激呀∼！！
中國一隊我緊睇好啦，兩個實力都好平均，
而且仲好有默契添，
所以打敗泰國對佢地來講唔係咩大問題；
反之，中國二隊就令人擔心ｄ啦，
都好似不在狀態咁，
真係令人擔心，
而奧地利又好似越打越有咁，
雖然最後中國二隊都係贏左，
但係我就唔覺得佢地會贏中國一隊囉∼∼！！
呵呵呵∼！！

之後夜晚我就出左去同人慶祝生日，
去左旺角中心唱Ｋ，當然啦，
又點會真係唱Ｋ咁少野呀，
同人慶祝生日又點少得飲返幾杯呀∼！
之後仲玩骰盅，大話骰呀∼！
哈哈，不過我唔係好識玩，咁就可能輸左好多啦，
都唔知飲左幾，真係唔知，
因為我講既都係真話，真係唔係好得，
就算玩Lucky都唔係好得幾多，無咩運仔∼！
有人仲話玩「7、8、9」添，
好彩最後都玩唔成，如果唔係就真係飲到嘔囉∼！
哈哈∼！！！
結果，我地玩到今朝先散，
我地就去左食完野先返屋企，
今朝真好凍，好彩都叫有帶外套，
未至於凍死∼！
食完野返到屋企都成七點幾八點啦，
沖完涼就拿拿聲走去訓，（雖然頭髮未乾）
終於訓到成三、四點先起身∼！！