今日一早起身就返左大埔啦∼！
（不過都唔可以話係自己起身，應該話俾人嘈醒至啱∼！）

本來一心諗住今日放假可以訓晏ｄ先過去，
點知爸爸又一早打電話過來，
話叔叔過左來，叫我過去飲茶喎∼！
咁即係我又要早ｄｄ起身啦∼！
點解我會話早ｄｄ，而唔係早ｄ起身呢？
係咁既，原本爸爸十一點幾個陣已經打過電話俾我，
叫我起身早ｄ過去架啦，
不過，聽完個電話之後，
我就「昏迷」左咁，又訓返，
無計啦，可能係因為前幾日落雨淋親病病地啦∼！
到後尾有返「知覺」既時候，
都已經係十二點半有多，
再望一望個電話，個陣先發現，原來有三個「未接來電」，
三個？真係有咁多咩？
點解我聽唔到既？
於是乎，我就快快手手咁諗住換衫出去啦，
點知，爸爸就打來問我起身未，我就答佢啱啱身囉∼！
好彩無俾人鬧，不過都要快ｄ先得囉，
因為佢地都已經到左酒樓啦∼！！

到我去到個陣，都已經係點幾兩點，
哈哈，估唔到遲左咁多∼！！

當我地食完野之後，
我地就去左行街街睇野，
當逛完一輪之後，
我地就去買野，準備今晚既晚餐啦喂∼！！！！

今晚，我地會打邊爐∼！
好啦，我地要買野啦∼！！
係媽咪買野買到好開心之際，
我發現，今次佢買左好多好多野，
睇來今晚都有排食，
因為佢買得過份地多∼！
得個十個人唔夠食，佢咩都買磅半以上咁，
ｄ丸類總共買成幾磅咁多，點食呀？！？！

但係總括今日全日，
都係一個開心快樂既一天∼！
如果日日都係咁，
何樂而不為呢∼？
哈哈∼！！