今日過左大埔搵爸爸，因為佢今朝一早就出左院啦∼！
所以呢，我就更加應該過去睇下佢∼！！

一早過到去，我地一心諗住飲茶，
不過因為酒樓太多人，
所以我地都無飲到∼！！
係一路行緊，諗住睇下有咩好食既時候，
我見到爸爸既表情話俾我知，
佢想食壽司，
不過我唔俾，因為佢啱啱出院，
唔應該食咁多生冷野∼！！
於是乎，我地就去左食「椰林閣」∼！
雖然，食物一定唔係好食得去邊，
但係肚餓，無計啦∼！！
食左算囉∼！再想食野時先再算啦∼！！
爸爸今次想食沙律，開頭都唔係咁讚成架，
不過見少少就算啦∼！

食完野之後，
我地就行左一陣，
行一陣健康ｄ嘛∼！！
運動多ｄ好∼！
之後，我仲幫爸爸買左件衛衣添，
佢好鍾意著衛衣架，
所以就買左∼！！
總之都係個句啦，
佢鍾意同開心就得啦∼！！
後來又收到媽咪既急call，
話叫我幫爸爸染髮咁話喎，
因為星期一佢地去澳門玩，想影相好睇ｄ咁話∼！！
好，緊得啦，佢地開心係最緊要，
嗱嗱嗱，我無偏心架，
我都有買野俾媽咪架，
我知媽咪一向都愛靚，
所以今次特登買左盒mask俾佢，
啱晒佢心水啦∼！
不過我有ｄ唔明，點解ｄ人係都要貼塊野上面呢？
哈哈∼！睇就好，要我用就免得就免啦∼！！
所以，就算有會俾晒媽咪，
佢就最鍾意，正正因為咁，就買左呢樣野俾佢，
點知個衰野呀，睇到價＄牌，
話做咩買咁貴既野俾佢，
車，鬼知咩，我又唔知咩好，
咪諗住：貴＝好，
就係咁簡單之嘛∼！！！
哈哈∼！！