今日既心情比起平日好似好左好多，
因為今日發生既事都係好事∼！

今朝成朝都見唔到個ｄ唔想見到既人，
緊係啦，佢已經「失蹤」左兩日啦嘛∼！！
但係個個人既心情都比平時好，
出奇既係，好似無咩人在乎個個人既存在，
無人覺得無左佢會有咩問題∼！！
因為佢既存在價值比較低∼（呢個係事實）
佢就真係得架啦，
唔見左兩日，都無人搵到佢，
打極佢電話又唔聽，
鍾意返就返，鍾意唔返就唔返，
真係得啦，一個字：「勁」
咁又係既，學校出糧就一定準到無人有架啦，
上星期尾都出晒今個月糧啦，
鍾意走同留，佢都好似話晒事咁∼！
但係咁喎，點都通知聲好ｄ啦∼！！！
唉∼！又有好多手尾要跟啦∼！！

今日收到一份由外籍教師送既小禮物，
我好開心，佢話份禮物當係多謝我咁幫得佢手∼！
個份小禮物係一雙跳跳虎公仔，
我睇見就鍾意啦，
因為我好鍾意跳跳虎呀嘛∼！！
不過出奇在點解佢會知我鍾意跳跳虎呢？
原來係另一位外籍教師講佢知既，
唔怪得知啦，
我知到佢地兩個都好錫我，
我都好多謝佢地咁關心我囉∼！！
我真係好開心，
雖然，份禮物唔係咩貴野，
但係心意遠遠勝過一切∼！！
i am very happy to have a friend like you∼！！
真係好開心∼！
佢地有時知我唔開心都會氹返我架，
又會同我傾計，甚至一齊慢慢行返屋企∼！

今日出奇地有ｄ主任呀，副校呀咁，
同我講交流會個日用既野好好，
就連校長都讚，
聽到之後，真係好開心，
因為咁，至少都有人認同呀嘛∼！！

點都好啦，好多謝佢地份禮物，
講真呀，其實有無禮物都好啦，
做野既時候如果你有擺心機落去既話，
人地係會知既∼！！
所以點都好啦，各位俾心機啦∼！！