今日學校有大事，所以全部既老師都會出晒去公幹，
而佢地今日去公幹既地方呢，就係「廣州」∼！！
佢地分開左三批人，
會去唔同既地方進行學術既交流∼！！
一）林則徐燒煙館
二）黃埔軍校（２日１夜架！）
三）廣州人民小學英語學術交流

而我地幾個女生呢，
好好彩唔駛跟埋佢地出去，
只係雖要留係教員室就得啦，
不過，當然我地要幫手做一ｄ事前既工作啦，
就好似做定一ｄ小冊子，
同一ｄ工作紙咁，
而且仲要做埋PowerPoint添呀，
除左呢ｄ，我地仲要整一ｄ「自家制」既書簽∼！
所以，上星期尾尾都已經做死人啦∼！！

不過到左今日就好開心，
我地原定今日晏晝都會出去食，
而個衰人我地就唔會同佢一齊食既，
點知一早返到去，
做左成朝早野都未見過個衰人∼！！
就連樓下office都唔知佢無返∼！
換句話說，即係佢「抗工」啦∼！！！
都好既，至少今日唔駛見到ｄ唔想見到既人，
不過佢抗工我地咪即係要做埋佢個份囉∼！
咁又好似有ｄ唔係咁想囉∼！！！
哈哈∼！
係咁架啦，人就係咁架啦，得一想二∼！！

當我地出去食完晏，諗住去搭的士返學校既時候，
我地見到佢，
佢仲要係係我地身邊行過，
不過好恐怖囉，佢笑得好恐怖架∼！！
佢同平日好唔同∼！（唔係靚左∼！哈哈∼！）
因為佢平時返工好普通架著得，
多數都係牛仔褲，加恤衫咁就算，
但係今日我地見到佢著：
衫就同平時既差唔多、
牛仔短裙加黑色絲襪再加一對海藍色既Boot∼！
再加埋佢個妝，望到都真係想死∼！
雖然，我自己唔識化妝，
但係都至少知咩係「靚」囉∼！
唔係求其搽ｄ野上面就得架嘛∼！
個個粉又白過頭同佢條頸都唔同色啦，
跟手佢又有粉藍色既眼影係對眼度，
再加桃紅色既唇膏∼！！！
我簡直比佢嚇到工魂唔見七魄呀∼！！

後記：
有個同事見完佢個個咁既樣之後，
返去公司訓覺個陣發左個惡夢∼！！
個同事話係好恐怖架喎∼！
唔係咁咩呀話∼！！