今日好準時返到學校∼！

緊係啦，今日都仲有好多野要做∼！
無他既，因為尋日仲有少少手尾未做得晒∼
咁今日就要清埋佢∼！！

今朝同個同事一齊釘board，
一路釘，我地就一路呻，
緊係啦，原本唔係你既野而家又要你做，
比係你都呻啦∼！！
仲要個board　ｄ字太大個，
攪到我地兩個都唔係好知點入手好，
最後我地都選擇左「是但」既釘法，
即係釘左就算∼！！
哈哈∼！
咁就緊係啦，始終唔係自己既野，
又點會咁上心先得架，
再者就算我地想由頭整過都唔得啦，
都唔夠時間啦∼！！！

＊今朝學校部升降機壞左，我地行左好多次樓梯∼！

當我地攪掂晒所有野返到上教員室既時間，
我就見到個衰人，
佢係就係早左返，不過，佢無幫我地手，
我一惱之下就俾左ｄ說話佢聽：
你既file呀，係呀ｄ字太大啦，
半張A4就得架啦，個board唔夠位架∼！
（呢幾句仲好聲好氣∼！但係人地一ｄ反應都無∼！！）
唔該下次做埋ｄ手尾先走∼！！

佢聽到呢句簡直就想噴火∼！
我就覺得我只係講事實，
如果個樣野唔駛煩到人地既，
遲ｄ做都無問題，
但係佢唔係囉，
係擺明知都唔做，咁無計啦∼！
我都唔會手下留情囉∼！！

係臨走前，我同另一個同事去左一樓整理英文圖書，
諗住夠鐘，返上去執埋ｄ野就走啦，
點知一返到埋自己個位，
我簡直就唔敢相信，
個衰人將佢既所有工作（未完成既）擺晒係我枱面，
上面個file仲有張字條寫住：
Ceci，呢ｄ係我完成唔到既工作，
你做晒佢，之前既事就一筆鈎銷

睇完之後我真係好惱，
因為我知道，佢一直都覺得係我有問題，
而且係我將所以野俾晒佢做，
於是乎我就問佢：
咁即係點呀？
佢仲竟然扮個「懶」可憐既樣出來，跟住講：
哎呀∼呢ｄ係我做唔晒既野呀嘛，
真係要你幫我做晒佢添∼！！！

不過，我聽完之後無理囉，
因為我係唔會做囉，
幫你做咪白痴∼！！！

當我返到屋企之後，我先知道原來我地啊頭都知，
但係佢就幫佢幫到出晒面∼！

而家仲未知結果∼！！
唯有等聽日∼！！