經過左尋晚「一役」之後，
呢件事已經被人傳開去，
大部份既老師都已經知道咩事，
包括主任級既老師。

好多人都話佢蠢，佢傻，
就算佢縛唔鍾意一個人都好，
又點會做到出晒面咁先得架，
結果呢，
咪又係攪著自己，攪著人地∼！

今日老細同佢傾左一陣，
有人聽到，
老細講來講去都係ｄ白痴野，到唔到題∼！
無計啦，老細咁錫佢，又點會想鬧佢至得架∼！！

今日我都俾老細鬧啦，
係無理取鬧個種，
佢話限張通告個簽名位太闊喎，
又話跟返之前個ｄ，
唔好太闊又唔係太窄，
咁我咪唔出聲一路check返之前個ｄ囉，
再check埋佢話既個張，
都係一樣之嘛，
佢又唔信，拎左一張通告俾我睇，
話我呢張通告個簽名位好細喎，
我咪即刻黑晒面，同佢講呢張通告唔係我打既，
我唔知，我一向都唔改簽名位∼！！
佢見到，都即刻收聲兼走人∼！
好彩佢走得快，如果唔係，
佢就真係有野睇啦，
邊有人好似佢咁先得架，
唔知頭唔知路就走來鬧∼！！！

係喎，講返個衰人先，佢俾人鬧完之後，
反而更加唔做野，
成日坐左係度，
無理由架，尋日佢ｄ手尾都無人幫佢跟過，
無理由咁得閒架喎∼！！

唔知佢今日係咪心情唔好，
有幾個人見到佢好似喊咁，
但係佢又一時笑，一時喊，
都幾嚇人姐∼！！

點都好啦，佢一日都唔改，
我地成班都唔會理佢，
佢「自生自滅」啦∼！！！