尋晚成晚都訓唔到，真係「眼光光，望天光」∼！

唔知點解我一合埋眼就會有ｄ我唔想見到既野「飄」出來，
真係好煩呀∼！！

其實，愛一個人難ｄ定係忘記一個人難ｄ呢？
定還是憎一個人仲難ｄ呢？
唉∼！！
好難答，點解呢個問題會咁難答既呢下？
如果問我，我諗我會答：

對我來講，樣樣都係咁難∼！

「愛人難，係因為你要全心全意，一心一意咁愛佢，照顧佢∼！
同時亦要包容佢既一切∼！！」；

「忘記一個人比愛一個人更難，因為你對呢個人已經有一定既感情，如果要去特登咁忘記佢，一定無可能，就算好似有ｄ人講既咩時間可以沖淡一切咁，其實唔一定得，因為你地之間既每一分每一秒如果都係出於真感情，真心既話，要忘記真係好難，唔係話無可能，有，不過可能性唔大」；

「憎一個人難，原因好簡單，因為你愛過佢，而佢又做左ｄ好傷你心既事，所以人先會去憎一個人！但係，憎一個人往往就會比愛一個人難，因為你要成日不停咁提醒自己有幾憎呢個人，同佢曾經點樣傷自己，而自己呢？要做既，就係不斷咁提醒自己唔可以再對佢有任何既感情∼！而呢一點正正係最傷神，最花氣力既！」

所以，我先至會覺得三者都係一樣咁難，咁辛苦∼！！
而不幸地，我正正係呢三樣既人，
仲要係唔止一樣∼！！
我已經犯左兩樣啦∼我真係好差勁？
我，我係咪真係好差勁呢？
仲好失敗添∼！！！
係咪呢？