今日約好左媽咪會返去同佢飲茶，
所以今日都係要比平日既星期六早起，
今日既天氣亦都係比較凍，
唔知係咪因為天氣凍既關係，
令到我有ｄ唔願起身，甚至唔願出街呢∼！

不過點都好啦，
我都好幾個星期無同媽咪飲茶同食飯啦，
所以我都係非去不可既∼！！！

到左大埔之後，
我地既第一站會係去飲茶先，
飲完之後，我地就去左行街街，
行左幾個鐘度啦，
當中，我地仲去左睇傢俱，
仲買左張新既梳化同兩張椅∼！
佢地仲諗住要買其他野架，
好彩俾我阻止住咋，
如果唔係後果都幾．．．　．．．
唉，真係服左佢地∼！！
不過就真係好開心囉∼！！
爸爸同細佬就係睇完傢俱之後就返左屋企，
而我同媽咪呢，就緊係繼續行街啦∼！！
我地買左好多好多野呀∼！
今次我都阻止唔到，哈哈∼！！
爸爸返左屋企之後，
就開始整蘿蔔糕，
因為我前幾日講開想食，
所以好開心，因為爸爸親手整既，
不過，爸爸就唔小心俾ｄ錫紙盤界親手，
真係唔好意思，因為要整野俾我食，
所以攪到爸爸整親，
真係有ｄ唔係幾過意得去∼！！

整好晒所有野之後，
我地都差唔多出去食飯啦，
今日得我同爸爸、媽媽食咋，
因為細佬同女朋友仔出左街街嘛∼！！
今餐真係好開心呀食得∼！！

＊後記：
我會好好珍惜，
因為時間會不斷流逝∼！
我，唔想有後悔既一日∼！！

因為每天睇住爸爸同媽媽一日比一日老，
就覺得自己好似仲未夠孝順，
因為佢地都仲會為我而操心，
而我最擔心，最唔放心既係爸爸，
因為爸爸有糖尿病，之前亦都中過風，
所以有時候一聽到佢唔舒服，
自己就會好驚，
我知，我知道我以前真係好曳，
好唔識諗，又成日包拗頸，
但係，而家就真係知道錯啦∼！
因為佢都係唔想我同個個人一齊姐，
而家諗返起，如果我個陣真係有聽佢地講既話，
我諗，而家唔會咁辛苦∼！！
真係好對唔住！
我要好好咁對佢地，盡量都唔想佢地擔心我∼！！
爸爸、媽媽，你地放心啦，
我會自愛架啦∼！！
唔會再令你地擔心∼！！
放心啦∼！