由尋晚開始，就已經覺得好唔舒服，
想訓又訓唔到，
因為一訓底就好難呼吸，好辛苦∼！

所以，攪左成晚先叫做訓到一陣，
到左鬧鐘響既時候，
我真係唔想起身，
就係呢一刻，
我想：請假∼！

請假既原因好簡單，
一來係因為病，
二來係因為我尋晚成晚訓唔到，好累，好眼訓，
三來係因為今日星期一，會有好多野做，
總括以上總總原因，
所以我先作出一個「重大」既決定：請病假∼！！！
咁樣我先至可以抖下，休息下呀嘛∼！

我好「準時」好似平時咁起身，
諗住等到個主任返來就打電話返去請假，
點知打第一次既時候，
佢仲未返呀∼！！！
所以我又要再等多一陣，
即使我打完俾個主任，我都仲要打多個電話，
就係打俾校長啦∼！！
緊係啦，請假喎，緊係要「知會」一下佢啦∼！！
哈哈∼！
鬼叫佢最大咩∼！！呵呵呵∼！

點知未打俾校長，
就已經有另一位老師打來，
原來個位老師都係諗住今日請假架∼！！
哈哈∼不過我都同佢一樣囉，
所以都幫唔到佢請假∼！
到我打完俾個主任之後，
我有試過打俾校長架，
不過，咁啱佢又行開左，
所以，我「決定」訓醒先再打過∼！！
哈哈∼！

不過，到我訓醒之後，
都已經係差唔多十二點既事，
於是乎，我就即刻打俾校長「大人」請假，
佢話得，講真，點解唔得先得架，
我都無返啦∼！！哈哈哈∼！

攪掂晒學校ｄ野之後，
我就拿拿淋換衫落樓睇醫生，
真係好趕時間囉，
個醫生收十二點半架∼
又唔俾電話book（因為過左十二點）
到左之後，先發覺原來有好多人睇，
我前面都已經有成十個，
即係至少等半個鐘啦∼！！
睇完之後，就係買粥食，
跟住就再食藥，再訓，
咁就用左一日既「病假」啦∼！！