嘩嘩嘩∼！！
真係「嘩」咁快一年又差唔多過去啦∼！！

二零零六年，
呢一年對我同我屋企人來講，
都算係難過既一年，
真係講得衰ｄ，
屋企個個都入過院咁滯∼！！
唉，咁又有咩辦法唔難過先得架∼！！

所以我好希望來緊既零七年會比零六好，
好既定義對於我來講，
我只係想要一家人開開心心，
健健康康咁，
就已經好足夠∼！！
不過，人都總係貪心既，
加上我又係女仔，
就唔多唔少都想多個人照顧下自已咁啦∼！！
（嘩哈哈∼！！！）
不過點都好啦，
最緊要開心就真∼！！
如果唔係，講咩都無用啦∼！！

有好多人今日都會問我同一個問題：
你今日去邊度倒數呀？

吓？倒數呀？
其實我都無咩特別諗過架，
只係約好左一班朋友仔一齊BBQ囉！

講起佢地先好笑呀，
燒左一陣野食之後，
佢地就話想玩啤牌，
佢地仲係度玩「沙蟹」，
即係Show Hand囉，
（你唔係唔知呀？！）
睇見佢地玩先好笑，
不過又玩得有板有眼既∼！！
哈哈∼！！！

就係咁，
我地成班人就係呢個嘻嘻哈哈既笑聲中渡過左零六，
呢晚真係玩得好開心呀∼！！

不過唔知係咪又玩又食咁，
無時停，
所以攪到自己胃痛呢∼！！！
唔通呢ｄ就係樂極生悲？
哈哈∼！！

好啦，
就等我係度同大家講返句：

新年快樂！！
合皮扭耳！！！
ＨＡＰＰＹ　ＮＥＷ　ＹＥＡＲ！！！