我對你所做的事…雖然仍然可以接受，但係…我唔鍾意你留下我一人，唔鍾意感覺像被人遺棄…唔鍾意……我勁唔鍾意咁……
你…永遠都整係識講…我唔識得點氹你？但係…唔識係唔係代表可以唔駛氹呢？唔識係唔係代表唔可以嘗試咩？一句唔識…就算…我唔鍾意你咁樣……唔鍾意你一句唔識咩都唔會嘗試去做…唔鍾意……如果日子繼續咁…我真係寧願傷心短時間……都唔希望再見到咁樣既你…你真係希望最後咁樣嗎？

我知道我借出的錢未必有機會收回，以前少少數十蚊…佢話還都冇…咁何況依家呢？唉…我唔開心既係以為佢有咩突發既事先令自己財政有問題，但係…又邊個會估到佢係因為買左部新既電話先令到自己冇錢用呢？我自己電話壞左都唔想買部新…佢之前部電話係新架﹗人地岩岩先賠返比佢既…因咩事要買部新呢？我真係唔明…以前咩都會慳既佢…依家……點解變得咁物質主要呢？咁樣佢要賺幾多錢先夠佢用呢？
好煩…近排太多問題…永遠都係咁…平靜過後必會突然有好多問題出現…好煩好煩…

唔知xanga既日誌發生咩事…登入唔到，算啦﹗放棄啦﹗唔用啦﹗近排雖然病…但我仍然好似堅持唔肯睇醫生…我真係真係真係真係好怕食藥…見到都怕怕啦﹗除左流鼻水令我訓唔到外…加上眼痛…我對保貴既眼睛唔知發生咩事…近排成日都痛…晚晚都痛…5月份開始至今…冇一晚能夠可以讓我平平靜靜舒舒服服地訓，睡眠不足係死敵，依家我黑眼圈又深…眼袋又大…最大問題係…我竟然開胃左……尋晚同L先生去左泡泡龍食飯…食曬成碗之後返到屋企又肚餓繼續食…就連訓之前都餓架﹗唔知點解…係唔係因為訓得唔好先食咁多呢？？哈哈…總之…有時訓訓下因為肚餓而醒都唔知有幾多次呀﹗其實係唔係唔太好呢？
今日我去左見工呀﹗不過…我一生中…最唔會學得識既野偏偏就係佢地賣既野…唉…衰多架啦﹗冇面…

我已經加入左失業大軍lu…不過我唔會比自己停啦﹗我要繼續搵工…我希望可以好快就搵到野做啦﹗不過…太耐冇試過見工啦﹗感覺好驚呀﹗點算好呀？？？
今日係母親節…不過…媽媽病左呀﹗佢尋日都已經唔掂啦﹗估唔到真係病左…所以…今晚由阿爸煮飯，真係好好彩呀﹗如果阿爸唔係休息…今晚都唔知點算啦﹗﹗
我已經將我同L先生既事講左比阿妹知LU…順帶一提…我家既趙細小姐聽住呀﹗你唔可以蝦L先生架﹗全世界只得我一個人先可以蝦佢…你唔駛旨意呀﹗重有唔好再出口傷人呀﹗知冇？因為呢D都係得我先可以……冇得上訴…哈哈…
我知道L先生你近排唔開心…不過…你記住…
不要為明天憂慮,因為明天自有明天的憂慮

尋晚以為自己被蚊咬，所以先會令自己周身都覺得痕，但係點知我開燈一睇…嘩…唔係咁嚴重呀﹗全身都係…手手腳腳都有…又痕…但係阿媽話唔好搞…最終…又一晚令我訓唔到…
咁快又要去多次睇醫生啦﹗今年我身子差左好多…瘦左已經令我唔開心…戒口都令我冇曬心機…點解今年我重睇咁多次醫生架？唉…醫生問我有冇戒口？我當然有啦﹗我做食得好清先呀﹗佢叫我小心d，今次只係皮膚敏感…以後唔好掂貓貓狗狗有毛毛…唔食得蝦蟹…唔好接近樹木…不過…佢最後講左可能我接觸咩化學野wor~~突然唔係好記得先…不過我同左個朋友講…都諗到個原頭係邊…所以…就算冇皮膚敏感我仍然都係要戒口…慘啦﹗今年只可以講慘…新年之後到依家…病病病…我唔可以再比自己體重輕啦﹗﹗我要增肥……