今日早上打電話比民民，之後就一齊搭巴士去沙田，由沙田出發踩單車去大埔…從未試過踩咁遠，之後還左單車就去左附近行左一陣，食埋野就搭車返屋企。最初我諗住咁攰返到屋企就訓下先既…點知最後我又出返去搵佢呀﹗﹗因為…唔知呢？之後係巴士站見到佢同事wor~~~三個人又一齊搭巴士lu~~
返到屋企真係散曬呀﹗夜晚冇食飯呀﹗好彩佢同我食左少少野…唔係我諗今晚餓死呀﹗
周身都好痛呀﹗痛死我呀﹗下次都要諗清楚先呀﹗
放埋聽日又要回復正常返工lu~~~我要準備好最後mc生涯啦﹗

今日同左佢一齊去左睇'L 之終章•最後的23天 (L Change The World)'...開始部份就麻麻地...但到左中段就較為吸引我啦!!!!之後就更加唔駛講就係唔錯啦!!!!可能因為早所以就冇咩人睇...但當我走既時候,嘩...好多人排隊呀!!!好彩一早就黎睇即...之後就返碼頭食野...衰人...人地一心一意講比你知,你竟然笑我...好...罰你...睇下你下次敢唔敢呀!!!!
不知不覺放假就咁結束啦﹗我就放多2日又要返工啦!!!唉...算啦!!!我都捱埋呢個月即...冇所謂啦!!!

今日早左食飯(相比上年)準時十一時落2/F...之後就等到2點15左右先放工...最後雖然巴士上曾經發生一段唔開心既事...算啦!!!唔多想再提呀!!!
之後去左搵佢...但最終都冇搵琴姐...冇咁既勇氣呀!!!!唔好見怪啦!!!之後就等埋佢一齊去左元朗行花市...雖然凍...雖然多人...但係都幾開心...佢送左D小玩意比我...幾得意架!!!!之後行到差唔多2點先返到屋企...已經攰到散曬...係西鐡入面簡直攰到唔想走先呀!!!初七就要返工啦!!!我都要好好珍惜呢幾日放假感覺呀!!!

最後我只想同關心我既人講聲...對唔住...我真係講唔到...
今日返工...平平靜靜...而且冇心機咁做野...唉...返埋聽日又放假啦!!!唔知大家會點過呢???死仔包做埋聽日...好...因為...都唔知比咩野佢做呀!!!頭痛死啦!!!
今早老闆講話會有間中學黎做實習...不過佢地黎到果陣我都走左啦!!!所以,唔駛煩呀!!!哈哈...

我同事為左靚真係唔理凍唔凍???唉...我真係做唔到呀!!!女人...
前幾日同阿yee傾左幾次電話之後心情都唔多好...一心一意想幫佢...點知佢竟然光d錢去買手提...借錢比人...或者...點解有錢都唔還返比我呢???就算多少都好...等我都唔駛煩有冇錢過年呀!!!依家又唔敢同屋企人講冇錢件事...又唔敢講借錢件事...唉...因為借錢而令自己要慳d...辛苦自己...開心人地...唉...唔開心啦!!!