其實我都想幫呢間公司...可惜我上司並唔批准呢???唉..我做到既只有咁樣...希望可以解決你既問題啦!!!!
今日早上CK公司打黎問...因為D數對唔到...其實我知道真係好難對架!!又唔知邊D數減幾多...誘張單冇找...所以我都盡量幫佢...但奈何我上司覺得呢D係佢責任...唔會幫佢...佢覺得冇找邊張就追返邊張既數羅!!但係我覺得如果唔係我地D阿姐私自改單又冇通知...就唔會咁煩啦!!!唉...所以...我最後就私下幫左佢...不過...可能係最後一次啦!!!!我希望你唔會比我上司話啦!!!

今日陪阿YEE行街買晚裝...由屯門出發...去葵芳...再去太子...然後去旺角...最後就係尖咀...結果只係買左化妝品,或者因為我比太多個人意見而買唔成...行咁耐...其實佢鍾意既...我係唔係唔應該講咁多呢??唉...
其實係葵芳有幾件我都覺得幾靚架!!!不過佢就好似睇唔岩咁...到佢睇 中左果D,我又覺得佢著就唔襯...因為佢個樣都幾細路...但D衫就好好好成熟WOR...完全唔襯啦!!!所以...我先忍唔住比太多意見咋...如果OK勉強過得去我都唔會講啦!!!就係唔得呀!!!唉...
講真呀!!!我自己見到都想買架!!!最後梗係冇啦!!!買黎又唔會著既...冇謂啦!!!

唔合作既同事幸好只係佔小部份...而且有一D阿姐都好好人...所以...算啦!!!尋日早上又收到冇禮貌既公司追數...我明白每間公司做事方法唔同,但係可以互相遷就...唔駛咁臭串呀!!!!最後我都比返另一個上司聽...重搞到細C生呀!!!!真係麻煩呀!!!依家最終係點...唔清楚啦!!!!不過...原來呢間公司上上下下所有人都係咁乞人憎架!!!!賤啦!!!!
唉...知道左某D供應商人事改動之後...D人又乞人憎...唉,相比之前果D真係差得遠呀!!!!唉...依家好憎同佢地對數呀!!!!自己唔試下唔諗下就即打黎話唔岩數...我同你逐個對又會岩...累我又比人話架!!!!!乞人憎啦!!!!!!

今日係我生日大日子...有邊個唔會期待自己生日...因為有期待...所以我才更失望...幸好仍有兩位好好好好好朋友記得...否則我真係會傷心死呀!!!難道我既人緣真係咁差嗎???算啦!!!!我開始明白同認同佢既說話啦!!
今日回到公司...與平日沒有太大分別...不過唔知老闆去邊???整整一日都唔見佢...除左上午之外...算啦!!!因為咁...我就好HEA咁過左呢一日啦!!!!而我上司又早放...所以今日我有得早走...但係又如何呀!!!我只係返屋企...邊度都唔想去啦!!!!或者我既決定真係冇錯架!!!!一邊行一邊想...細細過...只得麻麻記得...佢會陪我去飲茶...然後買一條好靚靚既裙比我架!!!!果陣我已經覺得好幸福...依家...麻麻已經唔係度啦!!!!再搵唔返呢種感覺啦!!!

尋晚又失眠啦!!!原來只要我搭車訓...夜晚就自然會失眠...唔知點解???????
今日天光先感覺到眼訓...但已經要準備起身返工...返到公司遲到,無奈啦!!更無奈既事,其中一間供應商話唔岩數...同佢一對就用左好耐時間,唉...我都唔想...話FAX比佢佢又唔多鍾意...係要我用電話同佢一齊對...搞到我比上司罵...新一年第一日就比人罵啦!!!!唉...無奈啦!!!!同CMW傾左幾句...今日最後結果仍然係講唔到呀!!!
今日肚仔痛...頭痛...頸痛...腰骨痛...周身都痛啦!!!!而且有D作嘔先呀!!!CMW叫我聽日請假休息下...未必會...因為呢幾日多數都有好多供應商打黎對數既...無謂啦!!!或者今晚早DD休息...聽日就冇事呢???所以,梁生...今晚唔可以同你傾電話傾咁耐啦!!!!你都早D休息啦!!!!