每日都好怕cm請假架﹗原因…經常聽我訴苦既朋友應該都清楚咩事啦﹗唉…只要過左新年…我就一定唔再做呢份呀﹗不過，都係到時先算啦﹗依家講咩都冇用既…唉…
放工，陪佢去睇醫生呀﹗原來一直都以為唔食得煎炸野，點知唔食得既係朱古力呀﹗哈哈…一直都戒錯左先，咁明白點解仍然都會發生啦﹗之後就行路返屋企(送我返屋企)，其實我知道你都好攰啦﹗重要你陪我行，真係唔好意思啦﹗
返到屋企10點幾啦﹗咁又一日啦﹗每日都唔想返工呀﹗點算呢？我真係可以捱到過年咩？

雖然病左咁多日，依家仍然都未完全康復，仍然感覺到攰…唔多想起身返工先，不過…只要一想到佢關心自己既病，辛苦都會覺得幸福既…嘻嘻。戒口左咁多日真係辛苦呀﹗冇曬人生意義啦﹗﹗好想瘋狂食返一日呀﹗
今日…因為一d原因…好多同事都早放工，我就繼續埋頭苦幹地做野，唉…不過…因為整機問題，都冇咩點樣可以做呀﹗月結單…下星期一先對啦﹗希望各供應商會盡快回覆我啦﹗5:30就可以放工啦﹗我…本來真係有想過去市中心架﹗但係…都係唔去啦﹗唔知點解…冇心情同佢地行羅﹗或者…我知既野又唔可以同佢地講呀﹗唉…咩都要諗過講唔講得？不如唔好同佢地傾呀﹗真係煩呀﹗算啦﹗我遲早都要習慣啦﹗冇所謂啦﹗之後就去左搵佢…傾一陣…就回家啦﹗都好早就訓左啦﹗病真係令人想訓呀﹗
失蹤左咁耐…終於又打返日記啦﹗朋友們唔需要擔心我身體…我會乖乖地準時食藥架﹗