| sorry110 |
|
|
暱稱： C小姐
性別： 女
國家： 香港
地區： 屯門區 |
| MORE... |
| «‹ June 2026 ›» | | S | M | T | W | T | F | S | | 1 | 2 | 3 | 4 | 5 | 6 | | 7 | 8 | 9 | 10 | 11 | 12 | 13 | | 14 | 15 | 16 | 17 | 18 | 19 | 20 | | 21 | 22 | 23 | 24 | 25 | 26 | 27 | | 28 | 29 | 30 | |
最新日誌
日誌分類
我的好友
我的連結
站內搜尋
|
2007 年 12 月 7 日 星期五  |
|
日記-生日快樂-林生 
|
林生…生日快樂呀﹗大一歲又老左啦﹗唔好再咁細路呀﹗<--你話我先架﹗﹗﹗
尋晚因為過度辛苦之下，完全唔記得打電話約林生今晚食飯，好…只可以等下次啦﹗希望到時份禮物可以完成啦﹗因為真係好辛苦呀﹗不過…見係你就冇所謂啦﹗
呢幾日都為左要準時返工…真係好辛苦呀﹗﹗唉…好唔想做呀﹗今日重聽到件事先呀﹗唉…令到我好唔開心，最初想同朋友傾…點知…on既朋友…係零…唔通我真係一個朋友都冇既，好灰啦﹗﹗
|
 [ 訪客留言(0) ] [ 編輯日誌 ] [ 分享至FACEBOOK ] | |
| 2007 年 11 月 29 日 星期四 |
|
|
|
今日食LUNCH，講返尋日放工既事比另一位我既上司聽，雖然我冇出聲，但係…我仍然都唔會明白呢D事架啦﹗尋晚L經過KT身邊就叫左佢鎖門…咁KT話好辛苦﹗朝6晚6，之後就好快就走左啦﹗咁因為師傅攞野問題…整到好夜先鎖到門呀﹗咁上司唔LIKE啦﹗我…真係唔係可以點呀﹗依家…阿H果邊我好少會同佢地傾…可以既我都唔想同佢地講野，至於上司…我都冇傾…唉…再咁落去我真係未必捱到新年呀﹗ |
| [ 訪客留言(0) ] [ 編輯日誌 ] [ 分享至FACEBOOK ] | |
| 2007 年 11 月 28 日 星期三 |
|
|
|
今日又開始忙碌啦﹗點解咁快又到月尾架﹗冇錢冇錢…
辛苦左一日之後終於都捱到放工啦﹗不過又聽到d閒言閒語呀﹗今日上司L好早就叫我放工，我都估到佢去邊，所以快快快D執野走心，咁果陣都見到果D同事都重未走…重係度傾計，咁L就叫KT鎖門啦﹗點知…佢地重快走曬WOR~果陣我都唔知咩事架﹗咁當我同其他同事搭緊既時候，就聽到佢地話L"開門係佢…好唔好意思叫佢鎖門呀？"重話呢D係一早預謀呀﹗果陣我都唔明點解會咁講呀？之後就行快兩步追返CM啦﹗之後佢講左D事比我知…話今日老闆打電話黎冇人聽，下…我好似整係MISS左一個WOR~唔係就係佢打黎呀﹗之後就話有人寫左死亡筆記比老闆，所以佢地要分兩批食飯呀﹗我…問心…唔覺得問題，你地話呢？或者因為我知道得太表面啦﹗所以…唉…唔知點呀﹗諗返起明白點解佢會問我呢D問題啦﹗咁係試探？
夜晚諗住借錢比朋友，點知…唔記得左密碼，我都唔想架﹗幫唔到你呀﹗ |
| [ 訪客留言(0) ] [ 編輯日誌 ] [ 分享至FACEBOOK ] | |
| 2007 年 11 月 27 日 星期二 |
|
|
|
尋晚諗住聽埋收音機先訓既…最後都訓左…冇聽，唉…算啦﹗
早上起身，等埋阿媽一齊去元朗補領身分證，去到先發現姑媽都在場…又斬後奏。當我同媽媽重等緊既時候，火警鐘突然響…唔知咩事呢？等多一陣比埋錢就走得啦﹗之後就去天水圍，見到公司車…不過睇唔到司機係邊個﹗可能係阮生…唔識既…算啦﹗之後就去左飲茶，都冇咩事發生既，我有我食…佢地有佢地傾，不過就講左好多是非，無聊…之後…唔知講咩講到妹妹，話見左又大食，姑媽竟然話"唔係呀﹗上次攞月餅黎見到佢瘦左and高左"我聽到真係唔知有咩反應呀﹗因為果個明明係我點會認錯係阿妹呢？唉…真係傷心呀﹗
夜晚同佢講返呢件事…佢竟然意外咁記得果日wor~勁wor~我都唔記得…佢記得…哈哈… |
| [ 訪客留言(0) ] [ 編輯日誌 ] [ 分享至FACEBOOK ] | |
|
|
今日既事只能講句黑仔啦﹗果一刻我真係真係好想講"我唔做啦﹗"但係…最後都冇，我今日真係好唔開心啦﹗點解我會咁黑仔呀﹗我越黎越唔想返工啦﹗唔想…唔想…好唔想呀﹗
今日食lunch，上司L話帶我地行街街…行街？哦…原來係行去第一座睇野，又真係幾多野睇，有D野都好似岩用咁…唔係價錢問題，而係我都冇帶錢點買呀﹗最後買左少少野就走LU，都係上司出住錢先…返到去比返佢咋﹗今個月好似用左好多錢咁既？點解呢？ |
| [ 訪客留言(0) ] [ 編輯日誌 ] [ 分享至FACEBOOK ] | |
|
