∼ 雪　發呆地 ∼
當失憶症和錯亂症還未很嚴重前，記下事情的發生。
suetyee : 個人主頁 - 相簿 - 訂閱  [ QOOZA - 論壇 - 登入 ]
suetyee
暱稱： 怪雪
性別： 女
地區： 北區
«‹ September 2026 ›»
SMTWTFS
12345
6789101112
13141516171819
20212223242526
27282930
最新文章
•笑容回來了
•永別了... 世傑 >...
•井底之蛙？
•鹿鳴春鴨鴨夜
•你的離開也是愛...
訪客留言
最近三個月尚無任何留言
網站連結
•Rango
•Suki Chan (幫人化粧)
•月餅
•二鳥
•三姐
•阿大
•細細妹
日誌統計
文章總數： 688
留言總數： 1089
今日人氣： 46
累積人氣： 19228
站內搜尋
RSS 訂閱
RSS Feed
2007 年 1 月 29 日  星期一   晴天


問題天天都多 分類: 燕子飛呀飛

昨日冇出街，係屋企將新電話d setting 搞返好。新的一年新開始，我有新電話用嚕 ~ ToShiBa TS32 ~ 本身講話新年前換既，不過星期六行行下街又決定都係買左先，佢話估我唔會肯自己主動換電話，都唔係既... 不過多謝晒。但係以前 d 相 & SMS 就冇晒嚕... 唯有重新來過啦。整日都在屋企偷懶，好耐未試過 ~ 嘆下 ~

不過今日就唔多開心啦，因為佢部電話收唔到, 零格phone >"< 係條街就收到，但一去到密室就唔得啦，唔知係部機壞定本身部機收得差呢？搞到佢又煩又唔開心... 唯有明天攞我部機去試下啦，如果本身部機收得咁差既話，咁就唯有再換機，佢整天都煩煩燥燥咁... 算啦... 不過咩都未定，明天要check下先知。

工作依舊我有我的方法... 但毫無進展...
發表時間：2007-01-29 10:17 PM  [ 訪客留言(3) ] [ 編輯日誌 ] [ 分享至FACEBOOK ]


2007 年 1 月 27 日  星期六   落雪


變左週記 ~ 分類: 靜靜的生活

剛剛過去的一星期實在太忙了，想上來寫時又冇時間，而家又唔想寫返咁多野喎 ~

下定決心執返好手頭上的工作，理得有幾多野要做，都要努力，哇 ~ 突然有團火!!
會員資料博殺緊，不過 笑面虎 真係唔掂!! 係咁比野我做，咩都話唔知咩黎 ~ 好嘆喎!
對佢依舊無咩好感... 工作持續增加... 個人都好倦...

連續2天跟他吵架，第二次吵了場大交，係好返了，但心情持續受影響，也許傷左，唔想講野。
寄比佢的一周年紀念卡，本身因寫錯地址寄失左，好心人放返出來，失而復得，開心返 D。
知道佢好努力關心，努力氹，百忙中抽時間，心情又變返好 DD，我都要長大，多考慮他先得
發表時間：2007-01-27 11:27 AM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 21 日  星期日   晴天


盡用星期日時間 分類: 靜靜的生活

好耐冇試過全日咁發癲了

去左睇早場，本身仲諗住起唔到身，對自己的精神有點意外，哈哈，上一次睇早場都已經好耐之前嚕~~
今次仲有時間食個豐富的早餐(M記套餐 + 粟米)，仲換埋麥鼠鼠，今年唔換晒全套嚕>"< ~ 之後就去睇「生日快樂」，個簡介寫到幾悶，但結局又幾感人，睇完感覺唔錯，諗起一個人。古天樂 >v< 係咁的戲都有搞笑位，都幾推介大家去睇，點知= =阿哥話來來去去又係呢 d 劇情，唔睇都得 ~ 吼!! 找人捉你去睇！

由於入戲院唔記得除外套，出返來凍到我發癲，飲左杯暖粒粒的熱朱古力，好幸福~~ 下午去左鴻星嘆下午茶 ~ 食左好多點心，真係好好食, 飲荼好, 飽晒。部wii幾好玩，諗緊買唔買返部係屋企。次次玩完隻手隔一日都會痛... 真係少運動，哼，仲比人話我打網球周圍走，阻住個接收器... 過份~

到夜晚就同媽&哥去左大埔明星打邊爐，好耐冇咁傾計發傻嚕，食到好飽好飽。不過落車時條鍊斷左 >"< 嗚，開心的心情減少了... 唔咁吉利... 要整返先得...

呢篇係公司寫左好幾日啦 ~ 電腦仲未好返 ~ 大家唔好咁掛住我啦，哈哈!!
發表時間：2007-01-22 01:32 PM  [ 訪客留言(9) ] [ 編輯日誌 ] [ 分享至FACEBOOK ]


2007 年 1 月 20 日  星期六   陰天


一個姓氏都有多種說法 分類: 靜靜的生活

近期有個sales打我直線話找「孫綺君小姐」，我心諗駁錯線??但又打我直線架喎，但公司無人姓孫... 後來佢用英文再併返出來，先知姓跟名倒亂了，意外發現我的另一個新名，哈哈，聽到真係好搞笑，可能要諗返個英文名先得。

之前去模擬駕駛，阿SIR要我地報上姓氏點名後先可以入去，到我了 ~ 我答佢姓古，怎料佢竟然話而家唔係估呀，學車唔可以估估下，係要答你個姓呀。O咀... 我好地地仲咩同你玩呢... 真係繼以前比人以為我叫人估我姓咩又一傑作... 冷笑話-_-!
發表時間：2007-01-20 11:49 PM  [ 訪客留言(4) ] [ 編輯日誌 ] [ 分享至FACEBOOK ]


2007 年 1 月 19 日  星期五   陰天


新不如舊 ... 真的, 要珍惜所擁有 分類: 燕子飛呀飛

新媽媽(新阿head) 才剛返工滿 2星期，但佢竟然話而家多野做辛苦，仲問我之前個阿head係咪都係咁多野做, o_o呆左... 佢已經比之前少左好多野，仲話辛苦？但佢 d 工作已經大部份比左我，我張台長期係呢個混亂狀態... 真想知道這位皇親國戚之前是做什麼工。自從阿head走左，我EQ變好了，已經學識點做會得睇 D，哈，真係學左野大個左了^^ 當然背後發顛又另計啦，不過最慘係M&M，佢同時間要應付3個新上任的阿head，新官上任多事幹是真的，大家都在找野出來搞屎棍，但咪又係我地呢d細既去做。大家都為份工辛苦，努力!! 打工仔永遠都係最大的。

常問自己可以唔吵架嗎？很累人，但就是忍不住氣...還是應把事不要咁上心算了，但又做唔到喎, 衰格! 而家變左「小吵皇」真係「密食當三番」，好得快吵得快，...代表日子不遠了嗎？可能工作辛苦影響，好似好耐冇以前咁傾計，遠了... 不想再說什麼了... 只要他唔辛苦就可以了。

07年...不是一個好開始，到現在一切也不是。
發表時間：2007-01-20 11:21 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 18 日  星期四   陰天


心如止境 分類: 燕子飛呀飛

阿head真係幾不濟... 唔知係咪想考下我識幾多野, 一 d 簡單的問題都問, 又話有好多年經驗既... 白做的？當然我學乖了，對佢的態度永遠一致，佢鍾意講咩就講咩，反正這裡不是我的長期目標，何必太浪費我的腦力及勞力呢！不過佢咩都找我= =! 我又唔係佢妹仔，佢都唔係大爺，有時 d 野自己做好 d 喎！不過今日連圈圈都已經唔鐘意佢啦 ... 唉 ~ 往後日子何其多，暫時看化了。

今日一早發惡夢... 夢見自己撞鬼呀 >_< 驚... 搞到我成朝都冇乜精神，肯定有人咒我!

好似次次傾計都總有火藥味... 我實在忍不住...

好多野想講, 但發完癲，又要做野嚕 ~
發表時間：2007-01-18 06:45 PM  [ 訪客留言(0) ] [ 編輯日誌 ] [ 分享至FACEBOOK ]


2007 年 1 月 15 日  星期一   陰天


今日感觸大... 分類: 燕子飛呀飛

圈圈無返工，可以偷到少少時間寫blog，但去到落筆，又唔知寫 d 咩好... 心情有點複雜

突然之間覺得要去增值下，話說今日去左食街邊檔牛腩麵，分別有一個國語人&外國人問呢d係咩來，諗住個個都有咁上下年紀，應該有難度，但點知個個肥伯伯三兩下手已經搞掂，仲要流利，相比之下如果有人問燕窩d野，我都唔知點答...

blog其實係一個幾好的單方向溝通方法，不過越睇越心傷... 今日發神經周圍睇 d 舊朋友仔的blog，睇到大家有好多野唔開心，或者煩，原來我一d都唔知... 此刻只能望住個電腦係到慨嘆... 最嚴重係睇到個朋友仔的女朋友離開了... ... 好想送上問候，但因為o係公司做唔到，只好係到送上祝福，望我的朋友仔能振作，做旁人唔會明的心情，雖然難但都要生活落去。諗返自己昨晚因小事跟他冷戰了一整晚，真的要認真檢討到底是否自己任性，唔想到到時先後悔 (不過呢個諗法唔會持續好耐)。07年才開始了1x日，心情沒有一天好過，為什麼呢？大家都辛苦...

今日決定唔開OT，早早收工休息下!! 請大家也要快樂，我會盡力把自己的不快化解，以免不斷發怨氣，以前的EQ早已用盡，我好累了... 各位，辛苦了...

發表時間：2007-01-15 06:16 PM  [ 訪客留言(2) ] [ 編輯日誌 ] [ 分享至FACEBOOK ]


2007 年 1 月 13 日  星期六   晴天


2007-01-13 分類: 燕子飛呀飛

Halo ha ~~~~~ 好耐冇見~~
咁就2007年啦，由於未到07年已經壞左部電腦... 我想話部腦今次又係燒底板呀~~

本來諗住係公司寫啦，但阿head走左, 所有野變晒關我事, 真係新挑戰 唉~
到而家新來阿head到了，所謂新官上任呢.... 就一定大把野做,
佢咩都唔明又唔知... 唔知佢想點, 佢做manager真係做到好似只係簽下名個隻咁囉...
暫時還在評估中... 是真唔知定假唔知呢？ 唉~~~~~~~~~~~~~~~~~~

本來諗住好好咁記低呢排發生 d 事, 但部電腦又唔生性... 呼 ~~~~~~~
你地 d blog... 會之後追返睇的了... >"<
發表時間：2007-01-13 12:55 PM  [ 訪客留言(2) ] [ 編輯日誌 ] [ 分享至FACEBOOK ]


2006 年 12 月 8 日  星期五   陰天


行政部餘下人數2人... >"< 分類: 燕子飛呀飛

早上阿head還好地地跟我傾尋日的評估總結，少有地冇火藥味，聽佢講自己的不足之處，認同她的睇法，乖乖受教。誰不知突然收到佢因為要照顧阿媽而辭職的消息，一切發生得太突然，我地一直都以為佢離開會是開心的，但我地兩個竟然喊左出來，點解呢？唔知，係唔開心架。大家一齊出去食lunch，今日的我冇乜精神做野，但又好多野做... 阿head走前更語重心長咁叫我唔好再任性&細路女... ... 最後7點落去工展執野 for 明天開show，很累的一天。

我跟圈圈以後要相依為命對抗外敵，部門既野由老闆娘暫時接管... 佢比我地好大壓力，實在唔想同佢講野，但可以點？好亂... 係office or Expo幫手時，有人串我地，仲屈我地做錯野又比說話我地聽... 我記住你地!!!10點Expo收工，佢來了接我，感覺鬆口氣，知道不用再做戲落去，大哭一場。哭過後明天的我就要返生吧!
發表時間：2006-12-09 02:18 AM  [ 訪客留言(6) ] [ 編輯日誌 ] [ 分享至FACEBOOK ]


2006 年 12 月 6 日  星期三   晴天


2006-12-06 分類: 靜靜的生活

好眼訓... 唔打字啦，明天先寫，本身仲想整靚靚個 blog ~ oh ~ 無嚕
發表時間：2006-12-07 12:45 AM  [ 訪客留言(0) ] [ 編輯日誌 ] [ 分享至FACEBOOK ]


« | 46 | 47 | 48 | 49 | 50 | 51 | 52 | 53 | 54 | 55 | ... | 69 | »