尋日成日去左阿姨果度,

要去幫手睇屋,

叫我幫下眼,

每次我最憎同最怕都係去佢果度,(e d野當然唔俾得佢知啦)

因為佢果度有我3個表妹係度...(第4個準備出世,唔知仔定女)

佢地3個煩到嘔,

特別是最細果個,(得1歲多dd)

次次去到都係咁嘈係咁喊,

煩得我...

有時我抱住佢真係想就咁掉佢落街,(當然,我唔夠膽咁做亦唔會做,話晒都係表妹...)

就好似第2細果個以前咁,(佢伊家差唔多4歲)

有一次阿姨出去,

要我睇住班友仔,

點知阿姨一出街,

佢就係咁喊,(佢果時一歲唔夠)

阿姨出左去6個字佢就喊足6個字,

好彩我一早就精神有問題,(嘻嘻,誇大)

唔係我一早精神崩潰

果時真係慘,

冇人幫我,

最大果個表妹又自己係度玩,(佢果時4歲,伊家7歲)

我好無助咁度過左...

而尋日又係咁,

阿姨係廚房整野唔得閒,

叔叔同婆婆要返工,

又得我一個,

最大同中間果兩個b又只係識玩,

又我要受罪,

好慘...

今日...

我攞完成績表唔夠3個鍾...

又要去受刑喇...

今日阿姨要去新屋果度同婆婆一起拜神...(婆婆今日放假...佢又唔早放,應該尋日就放)

我又要去幫佢地拎野,

到時又要見到果幾隻野...

唉...諗諗下佢地3隻野我個個都照顧過,

伊家諗諗下都唔知為乜,

我咁多個表妹表弟最煩就係佢地...

做我e個表哥真係唔好做lo...

新果個blog下臉仲有,

2個鍾之前打既...

記住睇埋呀...

一日打兩個,哈...