今日...再一次絕望了...

首先...朝早返學要出席結業禮,

10點幾就放左...

我今日好想去佢果度...

原因係...佢太耐冇理過我,我想同佢講D野...

仲有,之前借俾佢一本圖書館既書...因為最近續借出左D問題,圖書館連續三日CALL我媽叫我還書,迫於無奈要向佢拎返本書...

一開始,以為佢都要返學,

11點幾去到荔景,

記得,去佢學校小巴係93號,

我要過左馬路仲要順住坑渠行一段路先到左去佢學校既93小巴站,

上車之後,因為冇落車鐘,

又唔知邊度落車好,

一路上好忐忑不安...

最後問左唔少人先落到車,

去到佢學校門口,

參觀左一陣,

最後去左門口對面棵台灣相思下面等放學...

等左成10分鐘都仲未有人,

忍唔住問下個睇落好惡死既守門口女校工,

估唔到個校工金玉其外,

好鬼好人,

幾句說話就令佢咩都爆晒出尼,

原來今日唔係返學日,

11號先係結業...

又搭返小巴落去...

諗住佢未食野,

買左D野食同野飲...

12點度去到佢門口...

好不容易,令到佢開左木門...

之後...笑...

同6月11日果日一樣...

只不過果日,我俾人無視地跪係門口兩個半鐘,俾炫姐勸走...

今日,我俾無視咁企係門口個半鐘,最後自己走...

笑...

聽住屋入面既打情罵誚,卿卿我我,以及不再為了我的笑聲...

看著那個鐵石心腸,認真地不是為了我地摺星星的身影...

再默默地感受著呼呼風聲...

忍受了差不多一個月的我,

終於崩潰了...

我終於忍不住SD了SMS,

可她要我幾乎敲門了才知道電話有事...

絕望,憤怒,寂寞,失落,悲哀...

只記得,

最後憤然奪走了那本書,

頭也不回的...離開了...

我真的...忍受夠了...

崩潰了...

附註:幾日前...重玩一隻有兩個月冇玩既GAME...居然發現入面D記錄全部冇晒...笑...果隻GAME,入面其實有我以前為左紀念同佢既感情而創立既野...伊家居然乜都冇晒...笑...係米預視左我地已經完了呢...我,仲應唔應該重新創立返果D野呢...

跑個帳號俾人郁了幾次...笑...功課做得真足...仲要離埋添...笑...屈指一算,都差唔多260日了...笑...你,真係好狠,曾經的諾言居然都拋棄了...一生一世的諾言你拋棄了;永遠愛我的諾言你拋棄了;現在,連不要變動跑入面的小小諾言,你,都拋棄了...為什麼...為什麼...你怎麼變成這樣了...真的,要結束一切了嗎...

你好狠!!!我恨你!!!