潛水左兩日,

伊家ON一ON打下野先...

仲有半個鐘度就要返工LU,

返埋今晚,

天晚放假,

然後...返埋星期日晚,星期一晚,星期二晚,星期三晚...

跟住,我既試煉就正式結束,

係時候要過返D正常生活喇=)

日日傻下傻下10點7去開工,

到第二日朝早7點1收工,

返到尼屋企又唔想沖涼同換衫,

唔沖涼又唔想訓臭張床,(雖然都有陣味^^")

於是,日日縮係沙發訓,

沙發得一米二長,

根本唔夠我訓,(大佬...我一米八一呀...)

於是,日日縮埋成隻蝦咁訓,

成日係度諗,

長期係咁我高度會唔會縮水=.=

一訓落去好快就會訓著,

而且訓得好冧,

所以好多野都唔知或理唔到,(今日就忽視左佢一個SMS...兩個鐘後先覆到佢...呼...我真冇用...)

不過,下星期三晚之後就解脫到了...

而且計劃亦要開始了...笑...

下星期三晚之後會暫時消失幾日,

少個煩人去煩佢了...亦暫時唔會再有人每次返工前都向佢報告一下了...笑...

仲有20分鐘就開工...

講起開工,

今朝早第一次收工前出到惠康,

原因係小經理阿漢叫我幫佢落街買報紙,(我地有大中小經理)

要買東方,太陽,明報,星島,

我終於可以出去行一行了,

出面都幾大雨下,

不過唔太大風,

睇尼颱風似乎走遠左,

落到去報紙檔,

遇到個特別老闆,

個報紙老闆D頭髮甩左唔少,

外型睇落有少少似痴線佬,

佢既動作同埋說話令我覺得佢好似中過風,(雖然佢只得30幾歲,但佢講野疾下疾下,手腳唔多靈活,好似中過風咁)

我買果陣記錯左,

冇買星島買左蘋果,

我要買8份,

4樣報紙每樣兩份,

上到去俾人XX左,

走落去換星島,

但仲未有貨,

又上返去,

過後又再落返去,

終於換到星島...

跟住要做一蹶任務,

8份報紙,

有4份係俾大經理睇的,

所以個個唔準郁,

另外四份係我地睇,

但係,我地睇之前就要做個任務,

就係逐張逐張搵,

搵到有惠康廣告既果一版就要抽出尼整理好,

然後記低係邊份報紙既邊一版有,(例如東方報A10)

其他D都可以自由睇,

E個咁重大任務落入我手,

我好認真咁搵搵搵...(東方報羅生搵左,剩低D我搵)

不過...當我搵到太陽報時,

隨手拎起一份好薄既,

打開一睇,

有個半裸既女人望住我...

咳...跟住...英姐大叫..."哇!!!和仔睇咸濕報紙呀!!!"

我O嘴...

跟住成個休息室D人望住我...(同埋份報紙...)

阿基即刻同英姐講..."喂,你等佢睇埋先啦,咁快揭穿佢做咩~人地饑渴呀~"

我更加無言...大佬...老細要我該份搵,邊個咁得閒望果份野咩野尼,

而且又唔係有心...隨手拎起姐...佢地反應有冇再大D...

跟住...一傳十十傳百...成公司D人都知我睇咸濕報紙...

唉...水洗唔清...

好喇...22點37分=.=

平時E個時間都落左樓=.=

伊家鞋都未著=.=

要返工喇,唔打了=)

再見=)