偷偷地上尼打BLOG,笑...

有一個星期冇打喇...

上次ON左睇兩睇就算,

今次ON左認真睇下,

發現她居然留言了,

哈...造夢也想不到呢...

還以為BLOG會一直冷清下去呢...

呼...突破三千人了喇...

其實...當中有個秘密的...

哈...是關於一個自欺欺人的秘密...

假如有人知道我BLOG的帳號密碼,再看看BLOG的人流統計,心水清的馬上知道是什麼回事了,笑...

呼...19號,

同熊熊去左打機,佢不知不覺變左我既機友,

笑,同佢總共出左尼三次,三次都去左打機,

哈...自從9月27號對佢講左D好絕情既野之後,

好耐好耐都唔敢約佢喇,

到19號果日終於出左尼,又去左打機,

打完機,佢送左條頸巾俾我...

笑...我當時好記得我係呆左一陣,

最大原因係...條頸巾織既方法同我係1月16號收到她織俾我果條既織法一模一樣...笑...

只不過,熊熊俾我既係全黑的"黑蝙蝠",短好多同埋闊D,

而她俾我既係黑白混合的"奶牛",長好多同埋窄D...

笑...兩條織法一模一樣的頸巾伊家就擺係我張床上喇,

不過係同我床尾D衣服堆埋一齊...

曾幾何時...她送給我的頸巾我幾乎每一晚都要攬著睡...

無論熱或冷,風雨不改...

只有5月7號,同埋我7月12號開始返夜班果陣子冇攬到...

5月7日係因為夜晚訓唔好,半夜唔覺意拎開左...而返夜班果陣,係因為根本除左放假之外冇入過房訓,笑...

到8月中...終於狠下心來,唔再每晚攬住喇...

自8月中以後...就未試過攬住了...

呼...

現在,多了一條,但待遇依舊...

反正...我是提不起心來再攬什麼東西了...

房內"一草一木"都有著她的影子...

呼...

昨晚...

照常下去做運動了...

看看天空...

哈...沒有月光,

只有唯一的一顆星星...

唯一的...星星...

那顆星,可能對於其實人來說並不代表什麼,因為只是滿天星空的一顆而已,

但是,在昨晚,這顆星發威了,

全天空只有她在,

即使不能亮遍整個天空,

但在天上,她就是最亮的,

那顆星,叫希望星,

是帶給人希望的,

是讓地上那隻憨憨的傻牛仰望的一顆星...

那顆小星星...

希望無窮...

笑...

呼...

不信?有相為證的喇...

笑...

收筆了喇...

有些事忘記了,

加上現在被媽發現了-.-

緊急收筆-.-

看到上面的照片嗎?細心看看,除了下面的樹梢外,在中央有一點明亮,那,便是希望星,每個人心中不可代替的星,每個人身在黑暗時的一盞明燈...