今日好煩,但又好無聊,

KAI得滯上尼打下BLOG,

大家係米好驚奇我E個時間仲有得ON呢~呵呵~原因唔話你地知~

不過其實都幾冒險下,因為前兩日先同阿媽鬧僵左...

呼...最近真係好煩...

不過煩有煩好,

尋晚都好煩,

不過訓唔著諗左好多野,

諗咩呢?其實係諗本人由出世到伊家既紅顏們^^"嘻嘻~~

當然首先要除去阿媽阿婆呀E D過左時代既人物,

不過其實應該會有D甩漏,邊個叫本人紅顏知己遍天下,記都記唔晒呢~^^"

首先,由親戚開始先~

第一,阿妹...

係E度第一個講既,係我真正既阿妹...佢從未尼到過E個世上,但係我一直覺得佢係存在的,而阿媽反而一直覺得佢係細佬,可能係佢恨仔而我恨妹掛...無論如何,我當佢係妹...係我一歲幾果陣,阿媽再有左,但當時屋企好唔掂,根本好難再生多個,再加上嫲嫲好偏心,淨係識幫二叔而唔肯接濟我地屋企,結果阿媽忍痛

落左個BB...於是...阿妹永不能來到世上,甚至連名字都沒有...只有兩個靈位,一個係大陸屋企,一個係E家既香港屋企...呼...我知道E件事既時候已經14至15歲了,當時好驚訝...不過之後亦好快相信,而且仲覺得佢一直係我身邊,因為好多時候明明自己就快遇到唔好既事,明知會遇到,但往往有唔少事又會好似自己

避開我咁,好快就過左,甚至連自己都覺得不可思議...而且當我諗返起中一果陣遇過既一件事,就更加肯定阿妹係度...果陣落左尼香港,住係黃大仙一間劏房度,屋企得幾十呎地方,真係好細...有一朝早,我搵唔到領帶,於是好心急周圍搵,甚至拎左支好光既電筒去到屋企一個擺滿雜物又好黑既角落搵,點知去到一

照,明明果度咩都冇,但我就好清楚咁聽到有把女聲近距離咁叫左一聲,真係好清楚聽到,而當時媽係廚房,就算屋企細都唔會咁近距離,當時我第一反應就係即刻彈開仲大嗌,我記得當時阿媽仲以為我痴左線-.-到我十四五歲時知道原來有個未出世既她之後,我就更加確信總有人係我附近,笑...可能好無稽,但反正

我伊家仲深深信著...有時仲係度諗,幾時可以見下阿妹呢,但得返自己一個果陣又即刻推翻E個念頭,畢竟得自己一個果陣身邊突然多個人會嚇死人-.-咳咳...呼...人在做天在看,我在做阿妹在看...我18歲了...18年生活了...我做過的事大部分阿妹都知道的...在想,同是女孩子,不知道阿妹在上一年看著我在家中的

禽獸行為會如何看我這個哥哥呢...我真失敗...對不起...

第二,萍萍表姐...

第二個係萍萍表姐,係我咁多個表姐之中最親密的~(大家唔好亂諗野,我地冇果D關係嫁-.-)由細到大我同佢就好親密,兩歲開始就一齊沖涼,兩個兩少無猜既細路坐係個大浴盤度沖涼,(大陸叫果D浴盤做大火船,因為表面係紅色的)可以話咩都見過了,而且佢係咁多個兄弟姐妹中唯一一個同我同一個盤沖涼的,細

個果陣一齊玩,一齊游水,最記得五歲開始勂踩單車,但果陣冇細路踩既單車,一踩就踩大人車,同萍萍表姐一齊去空地踩,點知一上車就嚇死我,完全唔識控,又唔識剎制,結果...係表姐既注視下...我記得我直不甩撼左埋牆撼左N多次...好似仲因為咁入過醫院練針-.-果次之後,表姐怕左,唔再同我去學踩,但留而我自

己勂識左踩,哈,細路學踩大人車都學識左^^"而表姐,我唔知佢係點學識的-.-呼...E個係我同佢一齊學習既其中一個例子...講下我地一齊既其他野啦,其實...由細到大,表姐都擔當住一個保護我,維護我既角色,而且佢仲負責幫我收拾過好大爛灘子...最記得,又係五歲果陣,果陣我同表姐一齊讀小學一年班,我好曵,成

日出事,就例如有一次,放學,表姐同佢個FD既細佬係池塘跳尼跳去玩,我又加埋入去,但唔記得左咩事,居然將個細路推左落池塘,我記得我當時仲要係專登推的,一個大概三至四歲既細路跌落好深既池塘,(對於細路尼講好深)旁邊只有兩個不懂事既五歲細路係度,(表姐大我幾個月嫁炸)情況真係幾危險下,而且我

同表姐都唔識游水,但係最後我唔記得左表姐係點拉返個細路上尼的,真係好佩服佢,而當時我全程係旁邊睇,仲完全唔知錯咁...如果冇表姐係度,可能我五歲就謀殺左一個人了...再來仲有一例,有一次成班細路放學,果陣仲係五歲,放學路過一個工地,我地拎左D磚頭尼玩,其中唔記得邊個開始先,跟住個個都向其

中一個女仔掟磚,個個都掟落佢腳邊玩下就算,點知...掟下掟下,唔知邊個掟錯左,大力左掟左落個女仔個頭度,即刻流血,個女仔喊得超西利,(梗係啦,五歲炸WO,米話俾人扑穿個頭,仆低都喊啦)個個問邊個做既,冇人認,問個女仔,點知個女仔一指就指住我,E一指非同小可,個個即刻將矛頭對向我,又話要話俾我屋

企人知,又話要叫細路女個阿媽尼,果時仲係五歲既我梗係嚇死啦,即刻飛返屋企,留低左表姐係度,但最後唔知表姐用左咩方法,硬係洗脫左我嫌疑,居然冇人再追究我...呼...當時真係唔知點好,不過細細個反而唔識表達謝意...到成長階段,表姐除左係我既護身符之外,仲係我最大既安慰及鎮靜劑...我七歲時,(即係

讀小學三年班果陣)爸媽丟低左我一個人...爸去左第二個鎮做司機,媽就落左尼香港...兩個都一個幾月甚至幾個月先尼睇我一次半次...其他時間...我就要寄宿係惡魔姑媽度...果個惡魔姑媽係我第四個姑媽,佢地一家四口都係惡魔...四姑媽同四姑丈份人假惺惺,係我媽面前堆滿笑容,我媽一走,佢地猙獰既樣就會

出晒尼...果度仲有一個表姐(凌凌姐姐)同表弟(彭鵬,我化左灰都會記得佢,因為佢侮辱左我五年)...凌凌表姐恃住自己大就成日蝦人,而且自細好鍾意掟野...我記得...果陣我去左佢地屋企有兩年,讀五年班喇,但因為冇生物堂又冇性知識教,結果果陣表姐讀中一,(佢大我兩年班,歲數大我三年)佢第一次尼M,我果陣

當然咩事都唔知,見佢突然條褲變左色,以為佢咁大個仲拉屎,但我冇笑到佢,因為佢平時就好恐怖,蝦左我有兩年,點敢笑佢,點知個仆街表弟反而走去笑佢,仲拉埋我落水,話我話佢拉屎,結果...果個凌凌表姐...第一時間一將椅車埋尼...仲將佢屋企D枱踢走晒...我無辜成為佢發泄對象...仲有個表弟,都係ON9的,從我

入去住既第一年起,我每一日都俾佢蝦,無論大事小事,佢都以蝦我為樂,因為當時爸媽唔理我,我冇後台,而且佢屋企又係佢地頭,天時地利人和齊晒,再加上寄人籬下,我仲可以講乜...結果我就變左佢沙包,開心時一拳,唔開心時一腳...到佢四年班即係我六年班果陣,佢識講粗口,我仲要俾佢日日用粗口鬧,日日訓覺

果陣俾佢迫住同佢講野...夏天風扇向住佢,冬天我就要訓最出面,幾乎成將被佢琴晒...仲要日日俾佢身體同精神虐待...我想死...由七歲開始就有自殺既念頭...我曾經對住個天喊,喊點解爸媽唔返尼...但點喊都好,爸媽唔會俾我喊返返尼...咁點解我仲可以一直支撐五年由2001年支撐到2006年?答案...就係因為有

萍萍表姐...冇左佢...我死左十一年了...果五年尼...其實表姐都去左第二個鎮...但我地見面仲多過見爸媽...佢有時間就會尼靜下我,陪我出去玩,陪我踩單車,游水,散步,學識粗口果陣,兩個傻人仲試過對住三唔識七既人爆粗,之後即刻逃走...笑...每次見面,我都會係佢懷裡痛哭...由細到大,我係一個好鍾意喊既人...

到伊家亦好鍾意喊...果時亦係...我會一路喊一路同佢講四姑媽屋企既事...而佢會成日安慰我...佢會將自己辛苦草落既幾蚊都拎尼買糖氹我...會買幾蚊一本既公仔書同我一齊睇...活在那個惡魔家中,除了等候不知什麼時候才會帶我走的父母外,我最開心的便是見到萍萍表姐...佢係我可以支撐到五年既關鍵...佢

成日教我,寄人籬下,要識忍...E D野阿媽果時教我好多次,但我好恨我媽,所以唔會聽,但萍萍表姐叫我就會聽...所以...我忍了五年...五年內,我只同表弟打過兩次交...果陣係真係忍唔到既時候先打的...我自問...真的忍得很辛苦...呼...萍萍表姐...多謝你...落左尼香港之後,我同表姐更少更少見面,一年見得三四次,一

見面我地就會係咁講自己既野,笑...到伊家...我同佢又有半年冇見了...上一次見就已經係上年八月了...真掛住佢呢...這個親愛的表姐...

第三,靜雯...

打之前先說明,今晚我就打埋靜雯算喇,因為都打左個幾鐘,伊家都22時49分了,打埋靜雯可能都有十一點幾了...呼...言歸正傳,講靜雯LU...
 

靜雯...係我小學一年班同二年班兩年中最友好最親密的女同學...咳咳...佢仲要係我除左阿媽同萍萍表姐之外第一個"玉帛相見"既女仔...(細細個果陣個個都同阿媽一齊沖涼嫁啦~至於萍萍表姐,之前講過我地細細個成日一齊沖涼,咩都見過了~)至於靜雯...咳咳...點解會"玉帛相見"到呢...咳咳...大家唔好亂諗野,

我第一次見佢身體果陣只不過五歲,最後一次見都只不過六歲,能夠有咩欲望-.-所以大家唔好諗野-.-咳咳...點解會玉帛相見到呢...原因由我鍾意佢既果一刻開始...佢係女班長,(我唔知點解好鍾意班長-.-落左尼香港後都係鍾意班長-.-不過E D野第日再講~)佢成績係全班女仔之中最好的,而我就係男仔中最好的,

(我冇吹水,小學果陣我成績好好的,係到中學懶晒,唔想發力)而且,我果陣畫畫好好的,成日係屋企畫畫,又鍾意係黑板用粉筆畫畫,最鍾意用粉筆畫木棉花,(因為學校種左好多木棉花)好多時上堂果陣胡老師都會叫我出尼畫畫,(胡老師係女人,教我一同二年班既,而且當時學校好正,胡老師一個人教我地中文同數

學,又教畫畫,不過冇英文,因為當時係三年班先開始可以學英文)然之後就讚我,笑~每次我都好自滿咁走出尼畫,畫完之後向靜雯笑,因為我鍾意佢,而且佢係我班入面最大對手,雖然佢成日斗唔贏我^^"事情...由果一刻開始...果時我就識少少騎士精神,知道要就住女仔,要識等女仔,所以每次我去左廁所見到靜雯去

廁所既時候,我都會係女廁門口等佢,果陣無論男女廁都冇門的,我就望住佢入既果個廁格等佢出尼...結果...唔少時候...佢都會玩下我,用另類方法趕走我...咳咳...咩方法呢...就係E家既人會認為痴左線兼暴露狂既方法...咳咳...佢...會唔著褲突然打開廁格個門跳出尼...咳...大家應該會諗到我會見到D乜...我冇作大

亦冇講大話...佢同另一個女班長最鍾意用咁既方法尼趕走我-.-(無錯,班上面有兩個女班長,一個靜雯,另一個唔記得名,都好鬼鍾意用E個方法-.-)咳咳...因為當時已經五歲,唔會再同表姐一齊沖涼喇,雖然仲係懵懂無知既時候,但對性E方面係好避忌的,由其對於見到女仔某D部位非常怕,(可能係害怕,或怕羞...咳

咳...)而佢居然就咁露出尼,當時既我係接受唔到的,(伊家講出尼就梗係會俾人話好有艷福,但係我冇咁諗過,因為向壞果方面諗會污衊左靜雯,靜雯係我第一個暗戀的女孩,我唔會咁對佢)所以,每一次我都即刻用手掩住眼跑走...但下一次又唔知死走去等人地,結果...小一至小二兩年時間...我同佢"玉帛相見"左N多

次-.-(其實正確尼講係冇相見,只有我見佢的,佢冇見過我的-.-咳咳...哪...大家千祈唔好又亂諗野-.-)呼...除左E D經歷,我同佢時不時一齊畫畫,一齊玩,我仲成日去佢屋企開既士多度買野,(佢屋企由阿爺果代開始開左一間幾大既士多,我成日去,所以同佢阿爸阿媽好熟,佢地成日請我食野)呼...一轉眼到三年班...我

被迫轉左去惡魔姑媽度住,仲轉埋校,一時間同靜雯完全冇左聯絡...我果陣連電話都冇同佢拎,因為我完全冇諗過會分開...係姑媽度,我自由度好少好少...而且姑媽屋企其實都係第二個鎮,同靜雯相距好遠,就如同藍田至荔景...當時交通又唔係好方便,我又冇錢,又唔識搭車...再加上遇上了新事新物,又有姑媽限制,

天時地利人和冇晒...五年後尼左香港...結果...我同靜雯失散左九年...直到2010年...果時我放新年假,同媽返左大陸,返返去故鄉...中途...好偶然,居然尼到左靜雯屋企間鋪...(佢地間鋪好多年了...)以前的回憶全部回來了...我的回憶覺醒了...我好懷舊咁入左去,見到佢爸,佢爸冇乜變,不過佢居然認得我,只係唔記得

我係邊個...我好有禮貌問佢...請問楊靜雯係唔係度?佢答...E度冇楊靜雯E個人...我好震驚,明明佢爸仲係咁既樣,點解話冇呢?我話...下?冇?佢話...我地E度只有個葉靜雯...E一刻,我唔知講咩好,原來多年前大家自我介紹時,我一直記錯左佢個姓...笑...我真差勁呢...但係,重頭戲係後面...佢話,你搵佢?我媽係旁邊即

刻同佢講...我個仔同靜雯係小學同學,佢想見下佢姐...之後...靜雯!!!你小學同學尼搵你呀!咳...真係嚇鬼死我-.-靜雯居然係度!我同佢九年沒見了...我當時好緊張好緊張...但人都叫左,唔通走左唔見咩...好快有人出左尼...笑...係一個幾好的女孩,樣子變左唔少(女大十八變MA),只不過對我來說矮了一點,(笑,我當時

都有差不多180CM高,很多女孩在我眼中都很矮^^")我當時不知道說什麼好,佢已經搶左白...你係邊個?我真係好想搵個洞逃走-.-小學同學...下?你係我小學同學?你等等,等我拎張畢業相出尼睇下先!呼...其實我想同佢講...我同佢三年班就失散了,都冇一齊畢業...何來畢業相呢...我心入面默默的說...你我只能活

在對方心中而已...最後冇等佢出尼我就走左...呼...到現在,同佢有兩年沒見了呢...笑...這個"初戀"情人...(暗戀的戀)

呼...今晚打住咁多先,唔打喇,十一點七了-.-

呼...笑...回憶了很多呢...謝謝大家看到了這裡,再見=)