笑~大家好~又係SUNNY講故事既時候~=)
如上一次一樣,我又突破左禁忌時間上尼打BLOG^^"
原因MA...都係唔話你地知^^"
呼...今日係8號...2月8號...
呼...一年半前,我叫一個影響我一生的人做君子...
呼...半年前,我當左一個女仔係男仔...
呼...笑...8號這個日子是用來紀念兩個女孩子的...
她們都在我生命中粉墨登場過...
呼...別後相思空一水,再見遙遙不知期...
她們兩個我都許久沒見了...
多少個值得紀念或承諾見面的日子我都沒出現...
久而久之,連我也成了一個對承諾不太在乎的人...
呼...明天,9號...
8個月前的明天,6月9日晚上21時47分...她說...我們分手...
呼...
半年前的明天,8月9日,另一個她說,不如我們做情侶吧...
8號和9號...兩人的身影交錯著...笑...
旁人或許覺得我很風流...
笑...我不否認,但也不去解釋...反正我的解釋總是最差勁的...人家誤會就隨他們去吧...放下自在呢...
呼哇...夠了夠了...我好不容易才將那兩個人封鎖在心中,可不想自己再有什麼衝動的舉動...
正如那個承諾...我曾承諾等她一年...
只要到了今年的6月22日,我便可放下一切...
事實上,我現在就已習慣了沒她的日子了...
我就是要讓自己快快心淡,那樣子,到了6月22日,我才不會再強烈的依依不捨...
所以...現在對於她的電話,MSN等等,我都表現得冷冷的...
我知道...只要我習慣了努力,我便可以真正的放下她了...
畢竟...她的世界根本不需要我...她有許多裙下臣,每一個都在她股掌之中,她需要的是多姿多彩的感情生活...
而這些,是我自問給不了她的,也忍受不了的...沒錯...我至今仍對她的背離耿耿於懷...
雖然知道我也有錯...雖然事後我給了最大的寬容心...
但我知道騙不了自己...我最恨的,是暗中背叛我的人,是在重大事件中一次次對我說謊的人,是遺棄我後不斷侮辱我的人...
偏偏...她卻是我最愛的人...
笑...
冷冷的,冷冷的...反而令熊熊再次成為犧牲品...
由一開始就是個犧牲品...
由始至終...我對她始終是喜歡,而無法愛上她...因為我心中愛的位置始終是另一個人...
所以...由一開始,就非常不公平...她從來沒得到過我全力的呵護...
直至現在...我心冷明明是為了另一個人...卻令自己對熊熊也心冷了...
呼...或許...到6月22日時,會有變數呢...笑...誰知道呢...
原諒我...對不起...
呼...
講左咁耐,仲未開始講紅顏故事,咳咳...
上次講左三個,今次MA...隨心而講啦下~
第四,忘記名字的女班長...
沒錯喇,今次講既人,又係N年前既人,因為一開始就係由N年前開始講起MA~今次E個女班長,咳咳...假如大家有睇我上一篇BLOG既話,就會係靜雯果篇野度見到"女班長"三個字...無錯,今次講既就係一年班同二年班果陣同靜雯一齊做班長既女班長~順帶一提...咳咳...其實我都鍾意過佢嫁-.-仲早過靜雯添-.-不過
同靜雯相處時間比佢多好多,所以MA...咳咳咳...見易思遷了...~_~"而且...我唔記得左佢個名-.-最記得既就係...咳...當時每次我去女廁所門口等靜雯既時候,假如佢係度既話,佢會用同靜雯一樣既方法尼趕走我...-.-咳...除此之外,我居然對佢冇咩其他印象...而且...自從三年班轉左校之後,我似乎將佢忘記了...我都
係係上兩個月想寫遺書果陣先記起有E個人既存在-.-咳咳...點都好,我記得佢似乎係當時靜雯最好既朋友,所以記埋佢啦~
第五,似乎是叫阿梅的女孩...
佢都係我一年班同二年班果陣既人物尼,我唔記得左E個女仔個名,但隱約記得佢個全名好似有一個字係梅,所以就叫佢阿梅啦~E個女仔係除左靜雯之外我印象最深刻的,點解?唔係我鍾意左佢,而係,佢係我兩年尼都坐係我旁邊個位既女仔...同座左兩年...笑...阿梅個樣,唔記得左LU,但係佢既性格我記得好清楚,
佢係一個天生既"師奶"-.-因為佢搵著數既手段真係太勁-.-(其實係搵我著數既手段太勁-.-由小一開始我就成日俾女仔搵笨T^T)講一個實例...我好記得...有一日...我媽買左一支五蚊既鉛芯筆俾我,(五蚊係當時尼講係貴價野,唔係太多人會買到咁貴,當然其實當時我屋企都好窮,只不過阿媽想將最好既野俾我...)我
拎左返學用,坐係旁邊既阿梅似乎係天神,一眼就知我支筆價值不菲,結果...佢笑吟吟同我講..."最近我有個習慣,就係同人換野尼用,不如我同你換支筆用呀~"(果陣時一年班同二年班只可以同鉛筆或鉛芯筆,到三年班先準用原子筆-.-)結果...我俾佢"天真無邪"既笑容迷惑左...咳咳...居然爽快咁同佢換左筆尼用-.-
(佢支筆我唔記得幾多錢,但肯定冇我果支咁好)咳咳...大家應該估到...支筆係凍過水的了-.-直至我轉校果日,我地支筆都從未換返過-.-伊家諗起,自己真係好笨-.-成日俾女仔搵笨-.-最淒涼係...伊家既我仲係咁-.-咳咳...除左鍾意搵我笨之外,阿梅都有其他野可以講下,佢係一個非常活潑既女仔,活動課果陣,又或其
他時間,玩得最傻既女仔永遠係佢,而且佢都幾頑皮下,我記得有一次,我腳傷左,但都返左學,我媽踩左架單車尼學校同我老師講我唔上得活動課,單車就泊係課室出面,點知...阿媽同老師講野既時候,阿梅好似前世未踩過單車咁,拎左我媽部單車去玩-.-我見到都唔知好嬲定好笑好~_~"不過佢都幾識死,阿媽一出去
佢就即刻"退位讓賢"~呼...佢同以前好多人一樣...我轉左校之後就冇晒聯繫LU...也變成了只能沉積在我記憶的人了...
第六,忘記名字的短髮女孩...
呼...終於要講一個我轉左校之後遇到既女仔喇~我咁大個仔鍾意過十幾個女仔,大部份都係長髮的,就只有寥寥幾個係短髮,今次講既就係其中一個~(附帶一提,其實靜雯都係短髮的~之前冇提到添~_~")小學三年班開始,我開始進入了人生中最黑暗的時代...我住入左惡魔姑媽度...亦轉左校...同以前既朋友,喜歡
的人都沒法聯繫了...不過在陰暗中,總會有一絲光亮...在當時,爸媽是沒指望的了,萍萍表姐又唔可以成日尼探我,而且就算尼到都唔會留太耐...不過我就遇上左一個短髮女孩,我記得,佢個樣係傻乎乎的,平時根本好難吸引到人地注意佢,雖然係同一班,但係就好似陌生人咁~係一個放學,我終於同佢"邂逅"了~隱約
記得,果日我唔知咩原因俾老師罰放學清潔課室,原本一放學就返屋企既我好不情不願咁要留低,個個都走晒,反而剩低我,和佢...原來...佢真係好心到...唔知點講...原來每一日放學佢都會自動自覺臂負清潔課室既"大任",根本冇人迫佢或要求佢,但佢就係日日都自動咁做,好似自己份內事咁...我都係果一次罰清潔
課室先知道世上居然有個咁既怪人-.-怪還怪,但三年班既我係唔可以唔聽老師話的,於是好俾心機咁清潔,而佢,居然冇人指使都落力過我-.-佢真係好認真,我記得掃完地佢起碼要拖兩三次地先會放心,每一張同學既枱椅都會好用心咁抹...我當時真係好驚訝...E個到底咩人尼...好好奇點解會有咁既人-.-不過果日
我同佢好似係一句話都冇傾過,各自做各自的...反而之後我對佢好奇心更強...果一日之後,唔記得過左幾耐,我又俾老師罰,又要留低,結果,我同佢第二次"邂逅"了~~果一次,我唔記得邊個開口先,我地兩個居然傾左唔少野,我記得,佢好鍾意笑,但總係微笑,我從未見過佢大笑,(即使之後都未)自果一日之後...每一日
放學之後,課室多左一個傻人自動自覺咁去清潔-.-兩個傻人每一日無怨無悔咁臂負班上既重任~班上既人簡直當左我地係神~(因為平時每一日都要有幾個人留低清潔的,伊家清潔大任我地兩個包辦晒,開心死其他人)係果D日子裡,其他的我唔太記得,只係好記得我時不時會走入女廁同佢一齊玩水,(反正果陣女
廁冇人,又得廁所先有水喉,佢又怕入男廁,於是每次都係我E個"勇士"走入女廁玩~講明先,我地除左玩水咩事都冇-.-七歲炸-.-可以有咩攪-.-)佢總係傻傻的微笑著,而我就總係傻傻的陪笑著...無論點都好,真的好開心...每日放學之後都係天堂...萍萍表姐唔係度既時光,我孤寂的心被這麼一個女孩填滿了...但係...好
景不長...過左三年班,升上四年班後...我居然接到左佢已經轉左學既消息...我連佢電話都冇...屋企又唔知係邊...而且...佢亦冇再返返尼...就正如我冇再返返去以前既小學一樣...結果...那麼一蹶可貼的短髮女孩就這樣離開了我的世界...相處了短短半年,就又只留下回憶了...
呼呼...就快十一點七喇...
今日就又打住三個先啦...
呼...8號快樂...祝你們...一定要快樂哇...
呼...笑...
不知道說什麼好...
不說喇...再見...
|
