笑~呵呵~
真的好開心,
原因?
呼...我就誠實的說出來吧...
就係,闊別兩個月加兩日,
我終於再見女神了,
見既原因係我應承左上佢屋企幫佢補習,(因為佢E排成績跌左好多)
為左記低同計劃補習既野,
專登開左一本好靚既記事本,
仲親手畫左D野落去,(總共畫左有一個鐘嫁-3-"雖然睇落好似好少野,但用左好多心思的-3-")
哇哈哈~~
到尋日,
終於到左約定既日子,
下午4點3出門口,(原因係我唔知佢放學時間-.-)
5點鐘到左佢樓下,
最顯眼既就係一D香燭冥"強"既殘渣...
對了,上幾日,女神棟樓有人為情跳樓自殺,
13樓飛落街,血濺當場...
咳咳...
望住果堆野,
自己若有所思起來...
不過思還思,
我都係打左俾女神先,(我唔敢貿貿然上佢屋企-.-因為假如佢唔係度既話,就會得返我面對佢阿婆-.-其實我唔係憎佢阿婆或驚佢阿婆,而係得返我同佢阿婆感覺會好怪-.-)
打左俾佢,
佢剛剛先放-.-(又留堂了~_~"一點都沒變~_~")
同朱古力一齊行緊,(朱古力係佢好朋友之一,不過唔係BEST,名叫"鍾意"^^"個名超正^^")
佢地行左去7仔,
而果時我已經係樓下吹緊風~_~"
隱約聽到"鍾意"姐問女神:"係米男朋友打俾你呀~"
聽到E一句話,我自己都靜左,
不過電話另一邊否認左~_~"
心裡不免有一點點失落~_~"
但佢講既又係事實MA...
好快佢就同"鍾意"姐SAY BYE,
跟住終於要返尼喇,
心裡不免緊張起來-.-(畢竟兩個月沒見了喇...)
望住樓梯果邊,
望極都冇人-.-
原來佢去左另一邊-.-
跟住佢就突然"喊"起來,話好驚,(果陣我地仲傾緊電話的)
因為佢經過左上幾日有人跳樓果個地方...
聽到她撒嬌的聲音,我骨子都軟了,我想我這輩子是否吃錯藥了,我總是不能抗拒她的聲音,我想那個時候就算她突然叫我去死我都會去的...
呼...
本來想唔多理佢,
但又真係怕佢驚過頭,
所以就向住果個方向行,
點知離遠就見到佢-.-
佢著左件銀色好似雨嬲咁既野,粒住左個頭,
一步一步咁行過尼,(一路行仲一路蹦蹦跳跳的~_~")
我的心跳加速了,
我承認,我是KAI了...
不知道為什麼,即使初戀已經過去,但每每面對她時,我都會感覺像初戀一般...
當時即刻寧轉身扮蟹~_~"(本人扮蟹功夫一流~_~")
冇幾耐佢就行到過尼E邊,
話腰骨痛跟住就坐左落小花園D鐵椅度,(果度都有唔少矮樹同花,就咁叫小花園啦~~)
而我...好冇用咁...係距離佢十米既自修室門口躊躇不前-.-(真失敗-.-)
跟住傾左大約三分鐘,
我就問佢唔怕凍咩-.-(因為佢當時除左外套,就咁係度吹風,又坐落冷冰冰既鐵椅度-.-)
佢話唔凍,
我就刻薄咁講左句,
凍死冇人汁你~
唔知佢咩事,即刻吸左我線~_~"
我就SMS佢,(十米都要SMS~_~"我仲係咁KAI~_~"我記得,2010年12月29日,係M記入面,我同佢只隔一張台既距離都SD SMS~3~")
凍死你冇人幫你收屍~~
一陣之後,
佢回左一句令我意想不到又措手不及既兩個字...
嬲你...(我一開始以為佢一定會話"凍死米凍死LO"或者"凍死都唔關你事"又或者"你同我死過尼",我連以上三句野既應對方案都諗好埋,點知佢...咳,夠晒出其不意~_~")
我呆左-.-
心入面一陣緊張又有一陣莫名的開心,
唔使佢叫我死過去,我就已自動自覺過去了~~
點知...半路殺出一個程咬金...
一個阿嬋早我一步過去,仲企係佢個位後面傾電話-.-
我行左幾步,阿嬋就啤住我-.-好似我係D咩色魔想對佢點咁-.-(D眼神好不懷好意LO-0-")
我心諗...我頂...我係都唔會對阿嬋有興趣啦...係都你前面坐係度果個啦...你啤乜野呀-.-
我繼續一步步行過去...(一步一驚心-.-因為真係好緊張-.-)
去到佢面前,
佢踏低頭唔知係度攪乜,
我就話...做咩哇~兩個月冇見,冇啦啦就俾你嬲左~
然後我對佢後面果個阿嬋做左個超抵死既動作同眼神^^"(唔話大家知係咩尼^^")
我諗一定激死個阿嬋^^"
跟住...
女神終於抬起頭了...
嗯嗯...
清水出芙蓉...
嗯嗯...
我詞窮了/_\
我即刻寧轉臉-.-(失敗哇~0~")
之後又寧返轉面對佢~_~"
佢又踏低頭攪張椅,(玩露水~~)
我就話D水污糟嫁,
佢二話不說就HI落我件外套度~_~"(無言~_~"我仲係咁鍾意搵自己笨~_~")
"哇!我件野冇諗住洗嫁T^T"
佢仲HI多幾HI添-3-"
之後仲要拉住我隻衫袖要HI落D水度~_~"
我即刻"力挽狂躝",(當然我係唔敢真係用力的,面對住佢,我通常都唔忍心真正用力,因為驚整親佢MA-.-所以每一次我都輸俾佢-3-")
最後連我都坐左係度,(面對佢既時候...我通常都係企多過坐,因為有D咩意外又或者佢俾任務我果陣企係度會易D反應,仲有就係...咳...即使到現在,我對著她仍有害羞的感覺~3~")(仲有仲有~企係度會似個騎士^^"她就是公主~公主沒命令騎士不敢坐喔~^^")(仲有仲有仲有~由於高度問題,企係度我會更加居高臨下^^"笑~我181CM,佢163CM~^^"一坐一企就更加...笑~^^")
坐係度果陣,十成六時間我都係望去第二度的~_~"(真失敗~_~")
有三個女仔經過,
我想激下佢,就目不轉晴及住果三個女仔由左至右咁行過,
點知發現佢都啤住果三個女仔^^"(佢坐係我右邊,我個頭由左至右及果陣見到佢都啤住果D女仔^^")
我有心再激下佢,
就話"中間果個女仔個書包好得意~"(其實我本身想講中間果個女仔好靚女,不過怕佢不滿~_~"所以將女仔變造女仔個書包,將靚女變造得意~~)
"有咩咁出奇姐,周街都有啦!"
笑~最鍾意見到佢佯怒果個樣,比世上所有東西都要可愛!(所以好多時成日想激下佢,就係為佢E種佯怒既樣痴迷了~3~")
之後佢就起身話要返屋企^^"
中途佢冇啦啦走向路邊人地祭跳樓果個既地方,
愈行愈近,
我超驚佢會貪玩到踢人地D灰-0-"
所以即刻拖佢走~_~"
之後終於要上佢屋企喇,
係佢敲門之前,(佢屋企人唔俾佢有屋企鎖匙的,話俾左佢佢作反都似^^"我心諗E個好合符佢性格^^")
我就問,你屋企人唔會係度嫁可?(意思即係除左佢阿婆之外佢爸媽會唔會係度-.-我見到佢爸媽會超緊張的-0-"我可不想係人地家長面前出醜~_~")
佢答唔知-.-
我就懷住戰戰兢兢既心情睇佢敲門~_~"(其實係踢門^^"最KAI既係,佢踢一腳佢婆就走尼開門-0-"其實呀,咁樣好危險,假如第二個不懷好意既走尼踢門,咁佢阿婆米有危險?如果女神都係屋企既話仲擔心添...所以哇,女神下次都係叫門別踢門喇...)
佢婆開左門,
入面似乎安全,冇其他人~~
"婆婆,你好~"(再加上一個人畜無害既笑容同埋一個45度躬身~呵呵呵呵~老人家最受E D野~)
"哥哥?你入唔入尼?"(哥哥係女神阿婆對我既稱呼^^")
我即刻閃入去~
聽住佢地兩婆孫傾野~(其實有時聽佢地兩婆孫講野真係好攪笑^^"係E度好難講出尼^^"總之好攪笑^^")
隻MIMI好似有感應咁,即刻出尼迎接我~(MIMI係女神屋企三隻貓其中一隻~亦係同我最FD嫁~)
婆婆係咁叫我坐,
我就坐低~
隻貓即刻過尼係我腳邊玩~又係咁嗲我~(呵呵~我勾引到女神屋企隻貓了~^^")
跟住隻啡黑貓都突然扑出出尼-0-"(我唔記得佢叫咩名-0-"因為對佢印象好差-.-我記得俾佢咬過的-.-不過呢,上兩個月去果陣,佢又對我FD左@@"今次去佢仲扑出尼歡迎我~不過我仲係唔敢掂佢-.-一朝俾蛇咬,三年怕井繩-.-)
仲有隻叫妹妹既白貓又唔知去左邊~_~"(其實E隻野真係令人又愛又恨-.-愛係因為女神最鍾意E隻貓-.-恨係因為隻貓太冷漠-.-我次次見佢,一係訓覺,一係灘係度唔郁啤住我-.-唔怪得咁肥-.-肥死佢-3-")
女神一返屋企就開電腦,跟住就丟低晒D野係沙發~(其實我都一樣-3-"不過我係丟低左D野先開電腦-3-")
跟住佢就拎晒D零食出尼-0-"
成大堆-0-"
擺晒係電腦枱-0-"
之後佢就走入房唔知做乜-.-
等左一陣,
我終於忍唔住走去佢房門口...
"喂喂..."
未喂完我就閃走左...咳咳...(發生左咩事大家唔好問~_~")
之後佢就走出尼坐係電腦枱面前"開餐"同玩電腦-.-
我就同佢講,食埋個杯麵就做功課,(因為係補習第一日,我要拎左佢課程表同資料先,之後返屋企好好計劃一下,所以第一堂拎尼監佢做功課~)
點知佢玩"拖字訣"-.-
食勁耐杯麵又食薯片-.-
我就搶左佢包野,(嘿嘿~)
"做唔做??"
"食完就做!今次真嫁!"
"食完做咩先??"(以防佢玩野MA~_~"佢好狡猾的~_~")
"食完做功課!拎尼呀!"(我手長^^"佢又係我左邊,我用右手搶左就拎去右邊^^"佢成個身扑過尼都搶唔到^^")
終於我俾返佢,
點知E個衰人又蝦我-3-"
食完薯片用我件外套尼抹手-3-"(我件野哇T^T)
之後佢婆又同佢傾野...(仲得到一個天大消息,女神阿媽等陣會返尼=0="又要面對對方家長喇=0="死得了=0="之後好大一段時間我係諗緊點算-.-)
跟住佢又飲維他奶~_~"
仲拎支麥精尼"賄賂"我~_~"
"唔好以為拎支野就可以攪掂我!"(但係...話口未完隻手已經伸去拎支麥精-3-"沒辦法T^T最愛麥精T^T)
咳咳...不過我頭腦仲係清晰的~~
我冇飲住,擺埋一邊繼續煩佢~(就係因為擺埋一邊,攪到走果陣都唔記得拎尼飲~_~"到嘴的鴨子飛了T^T麥精哇T^T)
跟住佢同我講,
冇抄到有咩功課做-.-
要人地放上FB-.-
話條友要9點先放上去-.-
"所以~伊家冇功課做~打機啦~"
"你就想!"
我直接上佢FB,點知佢果陣OFF左,要打密碼-0-"(佢部電腦除左MSN之外咩都冇記低-.-)(我自己果部係咩都記低晒的~~因為我知道雖然阿媽成日用我部電腦,但係佢係唔知點開FB呀,BLOG呀果D,至於MSN,雖然MSN會一開電腦就彈出尼,但我同媽講唔好攪E個野,開左電腦關左佢就得,亂攪部電腦會壞^^"最攞命係佢真係信^^")
衰人呀/_\
女神奸計得逞咁係度笑,我就灰頭灰臉咁勁無奈,鬱悶哇/_\
最後當佢又上FB果陣,我趁佢唔為意即刻搶滑鼠準備係佢FB問人功課,
點知女神即刻又搶,
結果兩個傻人左搶又搶-.-
搶左成五分鐘各不相讓-.-(我冇用力搶,我驚拉爛佢滑鼠)
中途仲有玩到拔線-0-"
第一次佢拔,等我用唔到滑鼠移去打字果度-.-
再插返之後,
到我拔~等佢用唔到滑鼠OFF FB^^"
到最後一拍兩散~~(佢禁左RESET-.-)
重開機...
點知又要打密碼-.-
個衰人又唔肯打/_\
最後迫我出絕招~
即刻打電話俾炫姐問野~
不過響左兩聲女神就ON電腦,
我即刻吸線,不懷好意咁望住女神~~(唔好亂諗野-.-)
點知唔夠幾秒炫姐打返過尼-.-
胡扯唔夠兩句女神就搶左電話同炫姐傾-.-
叫炫姐上尼打救佢^^"
之後又俾返我傾,
之後我唔記得講左乜,
引尼女神的虐打T^T(謀殺哇T^T)
到我叫炫姐上尼打救我T^T
係大家打打鬧鬧既時候,
突然...門口一種轉動門鎖既聲音...
"老媽子!"(E句唔係女神叫的,係女神阿媽叫的,因為平時係女神阿婆去開門~)
咳...世界靜了...
女神即刻坐好拐乖乖女~
我就即刻吸線坐定定,(炫姐就咁俾我吸左線~_~"SO SORRY~_~")
跟住阿婆去開門,
門一開,係佢地一家人寒暄期間我即刻彈起身,
企埋一邊企直,(再salute埋就變左正式軍人了~3~")
阿姨大人終於再一次出現於我視線了~~(對上一次見係8個月前了-0-"今次係第二次見~)
"阿姨你好~"(又係人畜無害既笑容,不過多左幾分敬畏~_~"我忘不了曾經被E位阿姨鬧到狗血淋頭既情況~_~"再加上本人對人地家長總係有點畏懼~_~")
阿姨好鍾意笑,(但有時笑容好嚇人,我唔係三歲了,有時候佢睇住我笑果陣我總覺得有D意思係笑容入面,但我唔敢諗有咩意思,因為我怕係最壞情況,我唔知阿姨對我了解有幾多...)
主人家尼到我仲點敢坐,
成個呆子咁企左五分鐘-.-(失敗哇~_~"阿姨一定諗,E個男仔係米有問題T^T)
終於係阿姨笑住既"命令"下,我又坐下了,
當阿姨問我來意既時候,
我真係唔知點答佢-.-(因為佢入尼果陣只係見到電腦開住,女神又冇野做,而我就一碌葛咁企係度-.-十分可疑,雖然本身係尼幫女神補習,但因為係第一堂而轉左監做功課,伊家擺明係我監工不力,女神一隻字都冇寫過~_~"我仲邊好意思同阿姨講D乜~_~")
最後話我係尼幫女神補習的~_~"(雖然係真,但感覺上好似有少少欺騙成份~_~")
之後係人地家長面前點都要扮下蟹,
我就"惡死"咁叫女神去做功課,(真正尼講冇咩事我都唔敢扮/_\我會俾人KO的/_\)
女神仲係果番冇抄功課既說話-.-(勁無奈-.-阿媽返左尼都咁唔俾面-.-係都扮下蟹扮下有野做啦-.-)
最後阿姨"輕輕"的鬧佢-.-(阿姨鬧佢係唔大聲的,但有時會笑-0-"笑容係我見過咁多個人中其中一個最恐怖的=0="因為我總係覺得佢既笑容夾雜D野-0-")
最後阿姨食飯,女神又去食,仲拎左過尼電腦枱食,(其實阿姨係對女神有種溺愛的...俾著我爸媽,我食飯果陣夠膽拎住碗飯行尼行去仲要唔係飯枱食既話...咳...我唔知會發生咩事~_~"反正我未試過~_~")
食完之後阿姨就走去煲煙,(好有公德,會去窗口果邊煲,不過哇...女神就係咁俾人教壞的...)
之後就走入房關門,
婆婆就走去訓教,
我地都唔多得閒嫁-.-
阿姨吩咐女神要汁電腦枱,之後佢要用電腦,
嗯嗯,係E個時候,作為男兒係應該有膊頭的~~
於是我就自告奮勇汁枱去也~
中途,有好多次,
我再次尼到那些銀鈴般的笑聲...對,她的笑聲必定是世上最悅耳的,久別了,再讓我聽到,心中很舒暢,如沐春風...希望女神能一直的笑下去,把歡樂延續下去...
呼...那些久別的笑聲,令我已陶醉當中了,她的笑聲是我最大的動力,多少個寂寞的晚上,我是依靠記著她的笑聲而活下去的...
汁垃圾,汁貓毛,抹枱,搶布行動,擋門大戰,1994年兩蚊和兩毫紀念等等...
那些事雖然在一小時內完成,
但卻包含了無盡的歡樂,
我記得我曾經對女神說:"我的快樂泉源是你!"
這句說話一點都沒說錯,
她笑,我就會笑,
她哭,我也想跟著哭,雖然很多時候不能...
呼...
話咁快,就8點半了喇,
阿媽打左兩次催我返去,但其實我已經留連忘返了...
不過當阿媽第二次CALL果陣我就知道一定要走了,
果陣阿姨出左尼,
"阿媽叫你返去喇,你仲唔返去?"
"嗯,我伊家走喇~"
我補多句:"家有虎媽~"
"邊個阿媽唔擔心自己仔女?"
跟住女神即刻話:"E個LO~"
我苦笑咁拍一拍女神個頭,
而阿姨即刻走去佢身邊,
"我幾時唔關心你呀~"
雖然好似有D嬲咁樣,
但我睇得出.其實阿姨真係好愛女神的...
因為,眼神...
阿姨講E句果陣,眼神係好溺愛咁望住女神的,同望我既眼神完全唔同,(佢望我既眼神就算幾溫和都好,都有種警惕係度)
呼...不過果陣女神望住電腦冇望到...
其實...我地做仔女既,好多時都會忽略左E種愛既眼神,
就如我,我成日掛住打機,睇書,同創作,根本冇好好望下阿媽對眼,(只有講大話果陣我先會望佢對眼-.-因為唔望既話人地會覺得講緊大話,只要講大話果陣望住人地對眼講,就好難被發現,除非大話太離譜-.-)(話說...我對住女神講野好少望佢眼-.-唔係因為句句都係大話...而係...咳咳...怕醜-.-唉唉~_~"死得喇~_~")
呼...阿姨既眼神真的感動了我,
不過最感動我既都係之後佢講果句...
"阿媽成日要返工冇辦法好好咁理你..."
之後佢仲講左句,
但我聽唔清了...
我只知道,
阿姨係好真心咁講E番說話的...
雖然時不時聽到女神數阿姨有幾衰,
但其實阿姨係好好...
我都時不時向朋友講我屋企既虎媽,
但無論如何,佢係我眼中都係最好既媽媽,冇可能再搵到第二個,
正如阿姨對女神尼講都搵唔到第二個,
尋晚其實唔少時候阿姨都好親暱咁叫女神嫁...
其實我好羨慕的...
至少我媽就只會SUNNY咁叫我,
雖然個英文名係阿媽改的,但經阿媽叫好似距離遠左咁...
呼...
阿姨真好呢...
跟住,我就狐假虎威,臨走之前又"惡死"咁對女神講:"做功課呀!"
仲息機摸下佢個頭~
換尼既係鬼臉^^"
笑~女神扮左三次鬼臉~
都好可愛呢~
"好想捏你塊臉"
我心裡是這麼說的,
不過沒可能當著阿姨面前捏MA-.-
所以哇,我都乖乖的走出門口,
同阿姨同女神道別~
呼...
就這樣子,我就快樂了一晚了喇~
笑~
能再見女神,是一件快樂的事呢...
嗯嗯...
問題係,我仲未諗到今日點辦-,-
因為呀,計劃書我仲未諗好-.-
因為我係第一次幫人補習-.-
仲要係一對一既,
我基本上係唔知要做乜-.-
雖然之前已經有D準備,
但心入面好唔踏實-.-(所以尋晚我係根本唔想係阿姨面前拎我D NOTE出尼-.-我驚失禮MA-.-)
所以今日仲未知去唔去好/_\
嗯嗯...嗯嗯...咳咳...
對了對了~尋晚同女神爭論,其實女神串錯左字^^"女神話camldown,其實係calmdown^^"仲有,我同女神都讀錯左個字^^"其實係讀(c kong down)(即係kong前面加個c音係度,down讀音不變)呵呵~
p.s.今次篇blog我連續打左三個半鐘=0="痴左線=0="8點打到11點半=0="第一次打咁耐=0="kai了=0="
|
