昨天凌晨00時38分,

我剛看完書,

想通了一些事情,

於是主動SD了個SMS給她,

說為了讓大家生活更好,我們從此不要再見了...

為什麼我會這樣說呢...?

因為書上教了我...也許最初的溫柔和體貼是能夠待在你身邊的一種手段,但是,當我真正站在你的立場上思考一些事情的時候,最後選擇離開,雖然有點遲,但這是我僅僅能夠做到的,也是對你最後的真誠...

笑...

但是,她不肯...

我本想不理會她,

但心軟了,

回了她...

但她打來我可沒有接...

說了一會兒,

她竟然向我表白了,

說不要離開她,

她愛我...

...

這三個字,我等了差不多一年了...

然而在我幾乎放棄的時候卻出現了...

我不知道怎回應她好...

而且,說真的,我不太相信她...

因為,上年6月雖然分手了,

但整個6月她還在說很愛我什麼的...

但到了7月...

我面對的,卻是一大堆的粗口...

被罵得不像話了...

笑...

所以呀,從此以後,我對她改觀了,

對她的話總有些保留,

而這一次更是,

因為這一次,她剛分手沒多久,

可能只是一時寂寞而說的話而已...

而且,分手了差一不多一年,

這一年內她不是用粗口問候我,就是叫我另找一個女孩...

對於她現在才說愛我...

我說自己沒有保留是假的...

呼...

現在喇...怎麼辦呢?

我不知道...

因為...明明差一點點就放下她了...

她卻在這個時刻說出了我盼望了好像一輩子的事...

我能怎麼辦呢...

緣份真他媽的...PK...

在這再說多一些話喔,也是關於緣份的,

事發在今天,是剛剛而已,過去了一小時不夠~

呵呵...

打下口語先~

咳咳...

事緣今日要去黃大仙考中文ORAL~

5點開考~

4點半去到~

E一間野係我表弟讀緊,

我一次都未去過~

入到去發現入面都幾大下,

個教堂好有特色~

但我冇記錯好似係男校尼-.-(俾我都唔入-.-入去讀攪到好似攪基咁-.-SORRY呀表弟/_\冇話你/_\我知你有女友/_\)

我一入去就見到唔少女仔,(當然係應考果D啦)

我心諗,女仔入男校,如果要去廁所點辦?@_@"

我想像緊女仔企係尿兜前面SHSH既樣...(諗落好攪笑^^"可能要好似拱橋咁^^")

咳咳,唔講淫野喇~~回正題~~

E個問題大家係唔使擔心既~因為係二樓既廁所變左女廁~(我諗應該係臨時變既~不過我經過果陣真係好想入去^^"想睇下點樣由男廁變女廁^^"好賤呀我><")

我係4樓考,

一入去就搵個位坐低聽野,

個老師講一大堆野,

但係唔聽唔得,

因為今次考得好複雜,

少聽少少都可能唔知去邊個室考~

之後先知道,原來5點係呃人既-.-

最快果一批人都要5點2先得-.-

我抽到第二批-.-

抽之前因為無聊,我同唔少人一樣係度訓覺...

點知...

朦朦朧朧中聽到"8210"四個NUMBERS,(我準考證最後4個NUMBERS)

之後個老師仲係度講"姓吳既同學"

我頂!

我即刻彈起身戴返眼鏡,

之後出去同個老師講:"老師,唔好意思,係姓伍嫁!"

真他媽的-.-

每次英讀中果陣D人都會叫"吳家和",

佢媽媽,從未有人試過一開始就讀"伍家和"LO,

成日淨係識得"吳",

超唔公平!

第一場考係小組討論先,

今次分組...

五號係個7頭男,(表現最差佢,好似講得兩次野而已,而且好似口吃咁-.-)

四號係麻甩男,(個樣好麻甩,不過好似好陰公,佢甩左好多頭髮-.-個額好高-.-而且份人應該好高傲,因為佢係討論果陣隻手拐得好串-.-而且從來人地講野唔望人-.-)

三號係型男~(當然係本帥哥啦~哇哈哈~~不過坐正中間有少少壓力,而且講野要兩邊都望晒有點麻煩~~)

二號係...美女!!!(亦係今次故事既主角^^"深藍色T-SHIRT,再加上一個藍色仲掛住可愛公仔既可愛書包~~OH~冇野好講~~)

一號係平平無奇女,(佢最陰公,小組討論中要一對四,因為佢持正意見,其他四個持反意見,而且冇妥協既餘地~OH~慘遭SM~不過因為咁,佢反而係發言最多既,至少五次-.-我都係得三次炸-.-)

一開波,美女一馬當先~立即做第一個發言~所以我終於留意到佢~(本來美女周街都係,所以我唔會個個留意,否則我對眼米好忙?^^")

而且佢發言果陣第一個望既人就係我~~(YO~~超有成功感~傻了-.-)

望住佢發言個樣,我承認我呆了一陣...咳咳...

之後...每次我發言我都會把較多時間望向佢...(佢發言就更加唔使講,因為望住發言者係基本禮貌~~否則扣分~~)

OH...GOD...我咩事了-.-

之後考完,(我發覺我前戲講太多^^"所以考試部份唔多講~)

又入返備考室~

等考第二場朗讀~

之後再去考~

我剛好係美女既後面,

我去考果陣美女仲係入面考~

望住佢企係度朗讀既樣...OH...無法用言語形容~~

佢出尼果陣,佢居然對我點一點頭!OH!!!(我相信,我是有點一見鍾情了-.-咳咳-.-)

我即刻笑住同佢講:"88=)"

但佢咩都冇講就走/_\

我即刻入去考,

考完居然仲剩低二十鐘!

我鬼上身咁即刻拎起書包走人,

沖落樓梯...

只希望再看一看那倩影~~(OH~~鬼迷心竅了-.-)

居然係學校門口見返佢~(趕上了!)

果陣佢傾緊電話,似乎想走,

我又即刻扮冇野跟住走,(連門口D人既問卷都唔做-.-就咁走,好似好冇禮貌咁-.-)

點知行左幾步,佢剛好傾完電話,

居然停低做問卷-0-"

礙於面子問題,我冇返返去做問卷-.-

而係企係度扮睇牆上既海報-.-

但睇到連佢係後面走過都唔知-.-(其實佢做問卷果陣就留意到我~_~")

之後我即刻跟住走~~(俾人感覺好可疑~_~")

跟住...

我就打俾表弟問佢點樣返返地鐵站~(其實我係心猿意馬^^"因為我根本係借打電話尼掩飾,因為個美女一路走一路回頭有點警戒咁望住我/_\我不是想誘拐你喇/_\只是想...交個朋友而已~^^")

一路跟下跟下,佢反而行得幾快下-.-

最後,佢快我兩個街口-.-

而且果邊似乎係一條屋村-.-

難道佢住係果度?

有可能,但我唔想跟到去人地屋企,

我只想認識她而已~_~"

 所以,心裡有點灰,然後直接轉右想穿過屋村向地鐵站方向走,

一邊走一邊留意著,

真讓人不捨呢/_\

點知...

一穿過屋村去到大路果陣...

YES!!!

居然斜眼見返佢呀!(當然不敢正眼~_~"因為我懷疑佢懷疑我跟蹤佢~_~"雖然有點真^^")

第二次相遇喇!!!仲唔叫緣份叫咩!(我當時決定左,仲有第三次緣份既我一定主動拎晒佢D資料!甚至...追佢~因為我是很講感覺既人尼,一見鍾情不但止,仲要咁有緣~~要知道,到目前為止,計埋佢,一見鍾情既人只有兩個而已~)

情況掉轉左,

變左我行係前佢行係後-.-

我專登行得好慢好慢~

好慢好慢~

但係...佢始終都冇行到前尼呀/_\

不過係一個紅綠燈位,佢終於行到前尼喇!

我就在偷偷的望著她,

發現佢有時都會瞄一瞄我嫁~(不過我感覺到係警覺咁瞄LO/_\我不是壞人/_\)

跟住變左佢係前我係後~(其實呀,在後面靜靜的看著自己喜歡的人(疑似?)是件很安祥的事~以前我就是常常這樣看著"她"的...不過以後可能沒機會了吧...)

望住佢個得意書包同公仔,真係好攪笑^^"

就這樣行呀行,行呀行,

有時並排,有時一前一後咁,

終於行到去地鐵站口喇!

我心入面最後打定數,佢一入去我一定問佢聯絡方式!(台詞我都諗好晒喇!)

點知...

佢向左轉呀!T0T

佢居然突然向左轉轉左入商場哇!\(T0T)/

我心入面係咁叫:"轉右!轉右!!"

但佢都係冇轉T0T

就咁走左入去T0T

我即刻覺得佢會經商場入地鐵站,(商場都有個地鐵站入口)(因為佢其實一直知我係度,而我一直覺得佢防緊我-.-)

跟住我即刻沖落地鐵站,

係主要既入閘區好扮蟹咁遊左一陣...

之後先入閘落去,(因為我以為佢離遠見到我會唔尼,所以落去先-.-我今日著左藍白間條衫,離遠都好易認到/_\早知唔著/_\)

落到去等地鐵,我一路等一路望住,望左勁耐都唔見佢/_\佢都好易認嫁/_\(我等左兩班車先上-.-)

之後上車,仲不斷望,都係唔見-.-

之後去到彩虹就落車,

專登等多一架,(我既疑心又發作-.-我覺得佢會專登遲搭一班車-.-)

都係冇/_\

我懷疑自己唔夠眼,

所以就諗...如果我地真係有緣既,咁就俾我係藍田見到你啦!

於是一路到藍田...

到左藍田第一件事即刻沖去出閘果邊,(因為藍田出得好少出閘,一眼就可以望到晒出車既人)

我似個傻仔一樣...(望妻石/_\可憐/_\追唔到女了/_\)

企係度至少20分鐘...

一批又一批出車既人俾我對眼掃瞄再掃瞄...

最後都係...冇一個係佢T0T

我終於心息了/_\

始終做不到第三次緣份呀...(悲哀)

睇尼真係有緣冇份/_\

終於就咁返屋企了/_\

其實...由入地鐵站果一刻開始,一切都係我想/_\

假如我跟埋佢入商場可能就係另一個局面/_\

也就是說,是我的自以為是令我失去了這個緣份了/_\(我自以為佢會同我玩捉伊因經商場入地鐵站-.-之後又自以為佢會點點點...唉.../_\)

就這樣,這麼個一見鍾情又算有緣的女孩就在我世界消失了~~(暫時!!!有緣千里來相會!美女,我相信我們會再見的!\口/)

咳咳,其實剛剛走左去食飯,又走左去睇電視,所以先打到咁耐-.-

其實我7點半就返左尼~_~"咳咳...

收筆喇收筆喇~