呼哇...今日打左5個鐘麻雀,打到伊家手痛-.-

其實真係有D唔想打BLOG-.-

不過MA...話左今日打嫁MA~_~"

而且驚耐得滯唔記得晒D野-.-

所以都係今日打埋佢啦~~

第一天,8月21日:

今日係爺爺生日!!!

祝爺爺生日快樂!!!

所以我同爸就一大早沖返大陸了~~

又係搭直通車,

去到深圳果陣居然又撞到大姑媽同大姑丈,

又傾起一D家常,不過傾起鳳儀表姐係台灣既成績果陣,

佢兩公婆就支支吾吾-.-(事後先知,原來表姐同我一樣仆低左,要再讀多年...其實我覺得冇咩問題,讀多年米讀多年LO,都唔知佢兩公婆有咩咁唔好意思)

十一點幾先返到去,再搭小車返鄉下,

第一時間返左伍氏會堂先,

結果...一入到去...見到好醒目既一句...

笑...E一句野真係...

睇到真係無言呢...

這個故土,我又怎麼能忘掉呢...

伍氏的祖先們,您們就放心吧,至少阿和就不會忘掉呢...

歲月流逝,人情依舊...

呼...

之後再望一望下面張相,

發覺姓伍既都好愛面子-.-

係都要攪下噱頭-.-

成堆人影相,都唔知邊個打邊個-.-(肯定冇左唔少人,至少就冇我份~~)

會堂入面已經聚左唔少人,

一一打過招呼先知,

萍表姐仲未返尼,仲有一D兄弟姐妹都未回來,

無無聊聊應付左一D親戚,

飯都未食完,雯雯表姐就話要落返香港,

話要返去交學費WO,(話有三間大學收左佢WO~~其實都唔知係米真既,佢成家人最叻吹水~~)

三年幾冇見過E個表姐,估唔到今次見到,就講左聲"HI""BYE"咁就冇下文...笑...(E個表姐係咁多個之中最COOL,而且我地兩家人失和,主要原因係佢爸即係我二姑丈係ON9既,所以我地唔上佢屋企,造成有三年幾冇見表姐,至於詩表妹呢,一年反而見到幾次)

之後陪杰表弟返市區買野,

去搭車果陣行路經過果間鋪...

呼...

每次返到去的必經地方...

靜雯的家...

果間士多由我出世到伊家仲係度...

今次我走入去借D意買支水,其實...當然想再見靜雯了...(一年幾之前曾經返過去果陣終於見返...但估唔到十一年冇見...靜雯已經唔記得左我...唉...)(詳細我記得打左係BLOG的~~不過唔記得係邊篇-.-)

佢爸一認認得出我,又同我傾幾句野,

我最終問下佢...靜雯有冇返到尼...

佢話有,但我即刻叫佢唔使叫靜雯出尼...(因為已經冇用了...自從上次知道佢唔記得左我之後...才發現...有些事,應該說很多事真的只有自己在乎而已...真悲哀呢...)

知道佢生活得好好的,就好了...冇必要打擾到佢既生活...

買支水就同表弟走,

表弟問我點解唔叫佢出尼...

笑...點會想唔見...(靜雯係我人生中第一個暗戀對象,化左灰我都記得佢個名同埋同佢經歷既事...只不過...闊別十一年,佢已唔記得我了...我執著有何用...)

但係...見左又會點呢...我地一早就係兩個世界既人...(而且呀...到幾年前我先知道,原來靜雯大我兩年/_\因為我當時俾阿媽迫住去讀小一,所以早人地兩年入學/_\正常大陸生都係七歲先讀小一的/_\但我五歲就入學/_\即係話正確尼講靜雯係我"姐姐"T0T)

唉...悲哀-.-

係市區行左四個鐘,

都搵唔到表弟想搵既野,(我E支盲公竹唔稱職-.-咳-.-話晒我六年冇返果邊既地方,雖然仲記得路,但事過境遷,物形已不再,原諒我啦表弟/_\)

灰溜溜咁返返村入面,

接住冇幾耐就要開始慶祝爺爺生日既晚宴,

果陣唔少人都聚係會堂出面,

之後杰表弟指出左佢個女神...(果日一返到去,杰就話係親戚屋企見到個好靚好靚既女仔,未見過既...我當時心諗...邊個姓伍既靚女我會未見過呀?-.-話晒我對靚女係特別敏感的^^")

原來係...堂妹-.-叫阿塋-.-

真係失禮死-.-

識左十幾年,杰居然話未見過-.-(不過又唔怪得佢,佢未見過阿塋大過左個樣,因為阿塋大過左都冇同佢接觸過,再加上女大十八變MA~~)

笑~仲以為邊個添~不過話晒伍氏年輕人中第一美人,(我冇記錯只係十五-十六歲而已,已經亭亭玉立~~呵呵~~冇丟假姓伍既~)

我就專登激下阿杰,同佢講之前清明成日同阿塋傾計,一齊拜山同食野~~^^"(雖然真係有咁既事,不過我對E個堂妹冇咩感覺,最主要原因係睇佢家族唔順眼,連帶睇佢都唔多順眼~_~")(伍家有好多系的,我地先係宗家!其他D收皮!雖然...伊家宗家實力好明顯...好低...-.-無論人力物力財力等等都唔夠人地斗/_\全家族爭氣既棋子...就只剩低身為長子嫡孫既我...因為堂大哥早死,堂二哥冇用,其他兄弟姐妹全部女生既,仔生既最後只剩低我...唉...一出世,我就注定背負很多很多...除了命運要背負,連個名都係一種背負...伍家和E三個字只係背負住爺爺對家族內各人能平和相處唔好勾心鬥角的期望而已...說白了,出世到伊家,我既身體智慧甚至個名都只係屬於家族,背負家族既期望,一旦有差池,唔會有人可憐,只會落得同堂二哥一樣有個"冇用"既罪名...呼...)

呼...果然激到阿杰好似好遺憾咁^^"(相見恨晚^^"笑^^")

之後MA...市區既,村既等等一大堆親戚陸續尼到,(我地家族堂既親既遠親既等等一大堆有差唔多二百人,笑~不過今次冇論齊,加埋朋友都係請左百幾個,因為內部問題,在此不細說喇~~)

我地伍氏宗家細路坐埋一圍~(都唔算細了^^"最細果個阿杰都16歲啦~十個兄弟姐妹,有四個冇返,得返六個-.-悲哀-.-)(果陣萍表姐返左尼喇!^^"好掛住你哇親愛的表姐T3T又有一年幾冇見喇T3T)

但問餐冇幾耐...我既不幸又尼了-.-

身為伍家長子嫡孫...係重要場合向咁多位街坊,兄弟,親戚敬酒係必要既-.-(唔知咩規定尼-.-正因如此,由細到大...敬過唔知幾多次酒-.-好彩大過左之後可以用汽水代酒^^")

逐枱逐枱敬-.-(年年如是-.-悲哀-.-做伍家既孫真陰公...唉...又冇咩榮耀感既-.-又唔會多D女鍾意既-.-)(沒辦法,伍氏冇女睇得上眼,有D真係幾好,但一個係大陸,一個係香港...唉...-.-廢事做D多餘野~~)

邊枱唔夠酒水,邊枱D"大少"有咩事,邊枱D"大小姐"M尼等等,乜都要理-.-(最後一個明顯吹出尼^^"不過真係好忙-.-食都冇啖好食-.-成晚得唔多時間坐低同兄弟姐妹食野-3-")

臨到最尾果半個鐘,個ON9二姑丈又出尼攪事,又爆粗又乜又物,

我屌佢媽媽,

爸去左佢身邊兩次想睇佢咩事,都俾佢用粗口趕走,

我真係忍撚夠條撚樣,

E幾年尼年年新年都打電話尼爆粗將我地全家鬧勻晒,約佢出尼冇句好說話,我屌佢老味臭呀!

E度話撚晒都伍氏地頭,你條姓余既撚樣係度嘈?!我屌你老母!

果晚嬲到我差D拎個酒樽去爆9佢樽,

成日好似全世界欠左佢咁,仆佢個街,

正因為佢E條ON9,先令兩家人失和,令我同雯雯表姐N年唔見得一次...總之好撚ON9!

之後去爺爺屋企切蛋糕~

不過...咳...

D人買蛋糕冇拎到刀叉...

結果...好痴線既一幕出現了...

嫲嫲居然去廚房...拎左剁豬肉果把大菜刀出尼...切...

咳咳...(見到E一幕差D嘔死我-.-)

頂...即係唔想我食姐...(我最後真係一小點都冇食,真係唔敢食-.-出世18年,第一次見人用菜刀切蛋糕...真係...咳...強...-.-)

幾兄弟姐妹打打鬧鬧,又同萍表姐影左D相~

咳咳,質素唔多好~~唔好介意~^^"(當然唔係我影,我影得點會差~~)(E兩個就係十兄弟姐妹中除左我之外同我關係最好既兩人=)左邊係表弟杰~右邊SUPER姿勢就係親愛的萍表姐喇~^^"中間就係~~登登登凳~!本...傻子是也-.-)(影得我個樣...不過不失咁啦~~)

之後, 大家拎起嫲嫲收藏既N年前既相簿出尼睇...真的好懷念喔...可惜往事只能回味喇...

之後仲搵到萍表姐一D寶物^^"

就係E樽野喇~估唔到萍表姐都鍾意接星星~^^"而且接得好靚嫁~(我仲同佢講下次返大陸再見到E樽野我就拎落香港收埋^^")(唔知點解好鍾意女仔摺星星同埋佢地摺既星星...在想...是不是因為"她"的關係呢..."她"送給我的那瓶星星,現在還好好的收在盒子內呢...那個"Forever Love"的盒子...可是...沒有東西是forever的吧...笑...)

呼...不知不覺...又想到"她"了...

8月8日,過了16天了...

那一天...我拒約了兩個女孩...欣欣和熊熊...

雖然那是紀念日...

呼...

笑...

或許...這才是最好的吧...

大家都...不煩大家了...

大家都...沒什麼關係了...

或許...一開始就應該這樣吧...

欣欣...笑...

呼...對不起喇...一邊打一邊看"This is it"

所以今晚打了三小時都只打了一天的東西-.-

明天再繼續^^"

別怪我太長氣喇/_\

我知道炸菜好好人的^^"see you~