哦哦,沒在12時12分發布是有點兒遺憾了~~

不過算了~~

總算是上來了~~

現在是早上8點5~~

大家是否奇怪我為什麼還坐在電腦前?

YA~~本不肖學生又走堂了~~

反正是西史堂,沒什麼大不了的~~

不過呢...要慎防學校打電話哩,

只要11點前沒有電話來,

俺今天就能輕鬆很多了哇~~

所以~~祈禱吧~^^"

話說...數數日子...

都有20天沒打了~~

人去樓空哇,除了幾個不知誰誰誰上過來外,都沒人了~~

配合現在寒冷天氣,風瀟瑟瑟~~哀哉哀哉~~

打不了一會手就凍僵了~_~"

最不喜歡冬天~_~"

偏偏我是冬天出生的~_~"

對了喔~~距離俺生日還剩最後30天!

大家要是有點心意,別吝嗇那句生日快樂喔~~^^"

走上呆菜的BLOG看看,

真好哇,這麼快就慶祝聖誕了,又把BLOG攪得挺漂亮的,

看看自己的,千年也不見得一變=.=

悲哀=.=

技術不夠,又懶,又不想花時間...

結果...一個好好的BLOG被我糟蹋了-.-

有人來是我三生有幸-.-

小弟在此向各為讀者一拜~

再拜~

夫妻交拜~進入洞房~^^"(說笑而已,是個男的我不就下半生沒了?^^")

話說...

20天發生很多事哇,

話說,我只說近這姆天吧,

話說...

我用返白話文啦~~

話說...前日,係我開始艱辛歲月既日子~~

今星期開始,星期一至日都要補習!!

星期一,八點半上堂到三點八,六點開始補補到八點半~~

星期二,八點半上堂到四點十,六點開始補補到八點半~~

星期三,八點半上堂到十一點,七點三開始補補到九點九~~(每星期最開心星期三,十一點放學~^^"今日仲走埋堂添~~著套校服呃人~~)

星期四,十一點上堂到四點,六點開始補補到到八點半~~(星期四都唔錯,每星期十一點先上堂^^")

星期五,九點八上堂上到四點三,四點九開始補補到七點三~~(星期五補習最早放TvT")

星期六,四點九開始補補到六點~~(好彩都有大半日假期^^")

星期日,三點五開始補補到四點八~~(美女~我們每星期見一次~就讓我這樣靜靜的看著你~~OH~~^^")

呼哇...

其實對比別人,我好像算好了喇~~

話說,前日補完習,返到藍田差唔多九點,

果陣行條行人天橋,

本來同SO忠傾緊計,

突然係我右邊係咁有人叫哥哥...

我差D以為自己幻聽,

最後將SO忠掟埋一邊,停低睇下咩事,

原來,有兩個十一至十二歲既妹妹同佢地阿媽係度擺賣,賣緊D好得意既毛公仔~

原本佢地都冇再叫,以為我走,

但因為我聽到"哥哥"兩個字而突然停低,

佢地即刻又叫"哥哥,哥哥,快D過尼買啦,20蚊一隻炸!"

笑...我今次徹底將SO忠掟走了,暫時放低電話,

走過去...

果兩個妹妹又再"哥哥,哥哥"咁叫,

之後為我介紹下D公仔...

笑...

真的久違了喇...

"哥哥"這兩個字是我一生的夢想呢...

可是沒辦法了喇...

媽在我小時候的那次落胎,

而永遠把妹妹送離我身邊了...(靈位在家中呢...)

我笑著真的很認真的挑了起來...

D公仔真係幾得意...不其然想起"她"...

"她"也是很愛公仔的...

笑...習慣孤獨的人都喜歡的吧...

不過,"她"現在不孤獨了,有個很要好很要好的男友...

這就夠了...要一直的幸福快樂哇...

最後...我要左兩隻...

一隻咩路DEL,一隻章魚呢...

其實...即使果兩個妹妹不叫我哥哥,

如果我沒傾電話發現左佢地,我都會幫佢地買的...

因為D公仔一睇就知唔係新的,雖然好干淨,

但很容易就睇得出唔係新...

即係話...果兩個妹妹係迫於無奈拎左自己鍾意的公仔出尼賣呢...

一定好依依不捨吧...

就這份心,已足夠攻陷我這軟弱的心了...笑...

一路俾錢,其中一個妹妹仲係咁吱吱喳喳問我到底買俾邊個,

佢媽就叫佢唔好多事,我就一路笑一路冇回應...

對呢...買給誰都不重要了...

最重要是,這回要真的買回去,擺在床上,讓布娃娃分擔我一部份的孤獨,也帶走我一部份的思念...

呼...

到尋日...

下午,我終於收到兩個SMS...

是炫姐的...

呼...由於我早上關左機,

到下午先開機見到呢...

佢問我星期六得唔得閒,仲把"她"拉了落水,話星期六叫我幫佢地買酒...

笑...

我曾經有一刻懷疑...我會不會又被騙了哇?因為上一次真係好有一種被呃既感覺...

不過,我諗下接下尼幾日...唉...

上兩星期先係銀行拎左3000出尼交補習費...我銀行入面伊家剩低最後5100...而流動資金剩低最後100...因為5000蚊係冇死人林樓都唔郁得的...

即係話,假如佢三星期前約,我可能就仆都仆倒去了...笑...

所以我好老實咁同佢講我今次真的沒錢了哇...

而炫姐打左幾點就再冇回我...笑...

這,就是炫姐吧...

沒有金錢上的利益,永遠不會主動找我的...

"她"也一樣吧...她們兩...在一年多前分手後,每次都是有金錢需要時才找我呢...

今年六月第二次分手後也是這樣子...

笑...在想,我果3000蚊補習費到底有沒有用對了...?

因為...當我沒錢的時候...可能她們就不會再找我了呢...

呼...真現實哇...笑...

今次其實我仲有錢的...

不過約左惠儀姐係星期三即係今日去睇戲...(正確尼講係佢約我的,一開始又話請我去睇,結果又冇啦啦話手緊要我請...-.-天呀~~!我前世一定欠左好多女人好多情債同錢債,今世未及弱冠就還左唔知幾多了T0T天呀~~!)

所以哇...如果真的星期六去...那就要留錢了,就變相甩惠儀姐底了...(惠儀姐最憎人甩底的/_\)

再加上...今晚SO忠又約我出尼打邊爐...-.-(天呀~~!我唔係開銀行的,我唔係印銀紙的T0T)

所以...真的真的沒法嘔錢出來哇...

呼...

補完習返到屋企...

心情忐忑...

打左電話俾惠儀姐同佢傾下...

點知佢以為我要甩佢底留錢去星期六-.-

大發雌威~~(根本係痴威-.-)

仲話星期六我去左FD都冇得做-.-

仲當住佢媽面對同我講..."你家陣要佢定要我??!!"(佢媽當時入左佢房-.-佢E句野絕對係害死人的=0="講到我同佢好似有好大關係咁=0="天呀~~!aunt呀~~!我同你個女只係異性中最好朋友而已,您老千祈唔好誤會哇T0T)

哇...第一次見到惠儀姐咁英勇既一面,

一邊係舊愛,(另一邊絕對唔係新歡!-.-)

另一邊係異性中最好的朋友,交心都有三年了,

要怎麼選擇呢~~(其實係回炫姐既SMS中都選擇左啦~_~")

不過硬係唔知惠儀姐咁激動尼做乜-.-

睇尼佢真係好憎好憎人地甩底-.-

最後氹佢幾句就吸線了~~(白痴女人-.-我打過尼傾訴下佢就以為我要甩底-.-俾一萬我我都唔敢啦,佢痴起線尼非常痴線-.-)(天呀~~!點解我身邊女孩都是痴線的T0T找個正常點的好不好哇T0T)

不過其實又唔怪得佢要諗壞果邊...

因為根據以往記錄,"她"或"她"果邊既人通常出到聲,我十次有九次都即刻仆去的...笑...

只是不懂惠儀姐點解要係佢媽面前講要"她"定要佢-.-(aunt別誤會哇T0T俺和佢絕對冇野T0T)

胡鬧了一會兒,

靜下來了...

呼...無無聊聊幫D公仔影下相...

哈...

公仔大晒冷喔...

之前送了不少給"她"

剩下最後十一隻了...

再加上跟妹妹們買的兩隻,

呵呵~~

在FD上也POST了呢,

其中一隻小小的粉紅色的豬...我叫星星豬...

因為...那本來有一對的,一隻豬,一隻牛,買的時間扣在了一起...真應景哇...於是便買下了...(78蚊一隻哇~_~")

牛送了給"她",豬我自己留下了...因為...在分手前,我們是叫對方豬和牛的...她是豬,我是牛...哈...(那隻牛...應該被她扔了吧...笑...)

星星...跟欣欣的普通話聲母韻母只差一個字母,

讀音也幾乎一樣...

從很久以前...她就被我叫了很多花名...

豬...星星...希望星等等...一大堆的...笑...

星星豬...

呼...

跟大家說個故事...

天上有一顆很漂亮很閃亮的星星...

曾經因好奇落下凡間,

遇上了一頭傻笨再加很悶蛋的牛...

那牛拜倒在那星星的光亮下,

曾許下諾言甘願一生都受星星照耀,

但是有一天,笨笨牛弄髒了星星,玷污了星星的純潔...

那些污垢一輩子也擦不掉了...

那顆星很傷心,於是決定黯然地離開,

重新飛上天上,離開那個心傷的凡間...

笨笨牛追悔莫及,在星星愈飄愈遠的時候不斷從地上奔跑追趕,嚎叫著...

但是,星星已重上天空再也不會回來了...

笨笨牛跪倒在地上哀嚎...

但事實是...星星不敢也不會再下來相聚了...

笨笨牛從此以後,都只能在地上遠眺那顆在天上最閃亮的星星,

牛不會飛,星不會下,

於是...從此以後,一個天,一個地...

天上的星星在灑淚,留下滿天光亮的淚珠...

地上的笨牛在哀嚎,留下纏繞一生的悔恨...

從此,可能再不相交,天地相隔...

笑...情況就像那個"她"送的鎖匙扣...

本是一個心形,被分開兩邊,一黑一白,

我拿著黑的,她有白的,

上面有四個字,把兩邊心合起可以解讀為"永不分離"...

但分開後,我的那一邊只剩下"永分"兩個字...

於是...最後字變成了"永分不離"...

永遠分開...但心從未離開...

笑...