哇...頂...伊家個身仲震緊-.-

話說...剛剛食完飯,

俾阿爸阿媽係咁催去沖涼-.-

迫於無奈搵好衫褲去沖,

除晒衫褲,擰開花灑,

水係凍既,好正常,通常要幾秒之後先有熱水,

習慣性望下熱水爐,冇燈閃既??莫非佢地開完已有一熱水所以先熄左?

冇咩懷疑,過幾秒習慣性將花灑淋向身上...

哇!我嘟你個街!!

我差D真係爆左粗-.-

凍到我...

我小媽媽,咁多年冬天都未試過沖咁凍既水-.-

終於明白...俾爸媽催急左走入尼,原來係冇開熱水/_\

如果伊家先開返,起碼要等三個字-.-

第一,三個字冇野做,都係光著身吹風-.-

第二,除左衫褲我最唔鍾意就係著返原來既-.-覺得好污糟-.-(本人既潔癖之一-.-)

第三,叫爸媽幫拖開返,第一好冇臉,第二實又俾人鬧...冇熱水你入乜鬼野去??(佢地一定咁講,最後又係我錯-.-)

最終...放低花灑...

停左幾秒...但吹入尼既風仲凍-.-

沖又死唔沖又死-.-

幾秒之後...數三二一...-.-

沖呀!!!

英雄氣壯何懼死!

人生不免一死,就死得壯壯烈烈吧~~

不過壯烈還壯烈,命仔得一條-.-

最後,沖左我人生中冬天第一個凍水涼AND人生中最快沖完既涼-.-(放心~~有做好清潔的~~至少有將沐浴露搽滿全身又用左洗頭水洗頭~~)

呼哇...

一出尼即刻著兩件冷衫再加一件外套...

到伊家個身仲係忍唔住震-.-

天呀,我是最怕凍的了~_~"

我是個天生日火人喇~_~"(沖熱水涼果陣最鍾意用四十幾五十度既熱水淋身,超舒服~~但伊家簡直地獄/_\)

實在太震撼,忍唔住要打下~_~"

個身仲震緊,加多件衫先~_~"唔打了~_~"